Mose II, 39:27 - BAIBLO ALOO NGMAMI KLƆUKLƆU Ɔ

²⁷ A ngɔ kpa hiɔ kpakpa kɛ lo hiɔwe tadehi ha Aaron, kɛ e binyumu ɔmɛ;

Mose II, 39:27 ပူးပေါင်းရင်းမြစ်များ

Ezekiel 44:18

Bɔ nɛ pee nɛ latsa ko tsa mɛ benɛ a ngɛ sɔmɔe ɔ, a ngɔ kploba kɛ pee yi fimi nɔ́ kɛ fi a yi; nɛ a wo kploba tade ngɛ a mlɛ mi kɛ ya si nane si, se a ko fi a mlɛ mi nɔ́ ko.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

Galatabi 3:27

Nyɛ nihi tsuo nɛ a sɔle nyɛ ngɔ wo Kristo mi ɔ, amlɔ nɛ ɔ, Kristo pee kaa tade nɛ nyɛ wo.

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Mose III, 8:13

Enɛ ɔ se ɔ, Mose ngɔ Aaron binyumu ɔmɛ kɛ ba, nɛ e ngɔ hiɔwe tadehi kɛ wo mɛ, nɛ e kɛ mlɛ mi fimi níhi fi a mlɛ mi ha mɛ, nɛ e bu mɛ pɛɛ kaa bɔ nɛ Yawɛ fa lɛ ɔ.

Mose II, 39:28

a kɛ kpa hiɔ kpakpa nɛ ɔ kɛ̃ kpɛ osɔfo pɛɛ nguaa a kɛ pɛɛ wawi ɔmɛ. A kɛ kpa hiɔ kpakpa nɛ a tslɔ kpɛ fiɔ mi tade ɔmɛ.

Mose III, 6:10

Osɔfo ɔ nɛ wo e yi nɔ tade ɔ, kɛ e sisi tade ɔ nɛ a kɛ kploba kpɛ ɔ, konɛ e je la zu ɔ kɛ ma bɔ sami la tɛ ɔ kasa nya.

Ezekiel 44:17

Ke a maa ba Yawɛ we ɔ kpo nɔ je kue ɔmɛ a mi ɔ, a wo kploba tade. A ko wo kuutu nɔ́ ko kɛ ya sɔmɔ ngɛ kue ngua a nɛ ngɛ kpɛti ɔ mi; ye we ɔ nitsɛ mi hu, á pee ja kɛ.

Mose II, 28:36

“Jehanɛ, ngɔɔ sika tsu ngmingmiingmi kɛ pee dade pɛtɛpɛtɛ, nɛ o ngma ngɛ nɔ kaa bɔ nɛ june he ní tsulɔ ngmaa ní ngɛ nguɛ ga nɔ ɔ ke, ‘Klɔuklɔu ha Yawɛ.’