Mose II, 38:9 - BAIBLO ALOO NGMAMI KLƆUKLƆU Ɔ

⁹ Jehanɛ, e po piɛ kɛ wo kpe he bo tsu ɔ he. Bo nɛ ngɛ piɛ ɔ leneyi je ɔ, a lo kɛ kpa hiɔ kpakpa nɛ a tslɔ; e kami ji nine mi blimi lafa enyɔ.

Mose II, 38:9 ပူးပေါင်းရင်းမြစ်များ

Matsɛmɛ I, 6:36

Kue ɔ nɛ Salomo ma ngɛ we ɔ kpɛti ɔ gbogbo ɔmɛ ɔ, tɛ nɛ a kó gbaka etɛ, kɛ seda plai gbaka kake nɛ a kɛ pee lɛ.

La 100:4

Nyɛɛ ngɔ sina ba ha lɛ ngɛ e we ɔ; nyɛ je e yi ngɛ e kue ɔmɛ a mi. Nyɛɛ na lɛ si, nɛ nyɛ je e yi.

La 84:10

Ligbi kake nɛ nɔ ko maa ye ngɛ o we ɔ hi pe ligbi akpe nɛ e maa ye ngɛ he kpa ko. Ma suɔ nɛ ma pee agbo nya bulɔ ngɛ ye Mawu ɔ we ɔ mohu, pe kaa ma hi yayami peeli a we mi.

La 84:2

I na nɛ i ba lejɛ ɔ! Ye hɛ ngɛ jae ngɛ mo Yawɛ o we ɔ he. Imi nɔmlɔ ɔ tsuo i ngɛ lae kɛ bua jɔmi kɛ ngɛ Yawɛ yi jee.

La 89:7

A buu mo ngɛ ni klɔuklɔuhi a kpe ɔ mi; mɛ tsuo pɛpɛɛpɛ a yeɔ mo gbeye.

La 92:13

A ngɛ kaa tsohi nɛ a du ngɛ Yawɛ we ɔ, tsohi nɛ bɔ ngɛ wa Mawu ɔ kue ɔmɛ a mi.

Mose II, 26:1

“Jehanɛ, kpe he bo tsu ɔ, ngɔɔ bo popoe nyɔngma kɛ pee; a ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo nɛ ɔ, nɛ a kadi kerub saminyawiiwi kɛ wo mi.

Mose II, 38:10

E kɛ akɔblee pee titima nyingmi enyɔ ɔmɛ, kɛ nɔ dami nɔ́ nyingmi enyɔ ɔmɛ; se titima amɛ a he gbowe ɔmɛ, kɛ mani ɔmɛ lɛɛ sika hiɔ a kɛ pee.

Mose II, 40:33

Mose po piɛ kɛ bɔle kpe he bo tsu ɔ, kɛ bɔ sami la tɛ ɔ he, nɛ e wo bo ngɔ kpla piɛ ɔ sinya a nya. Mose gbe ní tsumi ɔ tsuo nya.

Mose II, 40:8

Moo po piɛ kɛ bɔle he klɔuklɔu, nɛ o wo bo ngɔ kpla si ngɛ piɛ ɔ sinya a nya.

Mose IV, 3:26

kue ɔ nɛ bɔle kpe he ɔ, kɛ bɔ sami la tɛ ɔ he bo ɔmɛ, kɛ kue ɔ nitsɛ nya bo ɔ kɛ e he tangme kpa amɛ. Ní tsumi tsuaa ní tsumi nɛ kɔɔ ní nɛ ɔmɛ a he ɔ, mɛ lɛ a ma tsu.

Mose IV, 4:26

kue ɔ nɛ bɔle kpe he ɔ he bo ɔmɛ, kue ɔ nya bo ɔ, bɔ sami la tɛ ɔ, kɛ a he tangme kpa amɛ, kɛ a he ní tsumi ní ɔmɛ tsuo. Ní nɛ ɔmɛ a he ní tsumi tsuo nɛ sa tsumi ɔ, a tsu.