Mose II, 38:27 - BAIBLO ALOO NGMAMI KLƆUKLƆU Ɔ

²⁷ A ngɔ sika hiɔ nɛ ɔ mi kilo 3,400 kɛ sɔ̃ nɔ dami nɔ́ lafa kɛ ha he klɔuklɔu ɔ, kɛ tsu mi pomi bo ɔ; kilo 34 kɛ ha nɔ dami nɔ́ kake.

Mose II, 38:27 ပူးပေါင်းရင်းမြစ်များ

Mose II, 26:19

nɛ o pee sika hiɔ nɔ dami nɔ́ nyingmi eywiɛ kɛ wo sima tso nyingmi enyɔ ɔmɛ a sisi; nɔ dami nɔ enyɔ nɛ hi sima tso tsuaa sima tso sisi kɛ ha nane enyɔ ɔmɛ.

Mose II, 26:32

Ngɔɔ kɛ kpla akasia tso eywiɛ a he; tso nɛ ɔmɛ ɔ, ngɔɔ sika tsu kɛ ha a he, nɛ a kɛ sika tsu gbowe nɛ kɔ a nya loko a ngɔ mɛ kɛ ma sika hiɔ nɔ dami nɔ́ eywiɛ ɔmɛ a nɔ.

Mose II, 26:25

Lɔ ɔ he ɔ, o maa pee sima tso kpaanyɔ kɛ sika hiɔ nɔ dami nɔ́ nyɔngma kɛ ekpa: sika hiɔ nɔ dami nɔ́ enyɔ maa hi sima tso tsuaa sima tso sisi.

Mose II, 26:21

kɛ mɛ hu a sika hiɔ nɔ dami nɔ́ nyingmi eywiɛ; nɔ dami nɔ́ enyɔ ngɛ sima tso tsuaa sima tso sisi.

Mose II, 38:26

Nɔ tsuaa nɔ ha ngɛ he klɔuklɔu ɔ susumi nɔ́ ɔ nya. Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ a kane lɛ ɔ, ha kikɛmɛ a sika nɛ ɔ. Nyumuhi abɔ nɛ a ngma a biɛ benɛ a ngɛ ni ɔmɛ kanee ɔ, a yibɔ ji nimli akpe lafa ekpa kɛ etɛ, kɛ e nya lafa enuɔ kɛ nyingmi enuɔ.

Mose II, 38:28

Sika hiɔ kilo nyingmi etɛ nɛ piɛ ɔ, Bezalel ngɔ eko kɛ pee titima a he gbowehi. E ngɔ eko hu kɛ ha titima amɛ a yi mi, nɛ e kɛ eko poo a mi.