Mose II, 38:26 - BAIBLO ALOO NGMAMI KLƆUKLƆU Ɔ

²⁶ Nɔ tsuaa nɔ ha ngɛ he klɔuklɔu ɔ susumi nɔ́ ɔ nya. Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ a kane lɛ ɔ, ha kikɛmɛ a sika nɛ ɔ. Nyumuhi abɔ nɛ a ngma a biɛ benɛ a ngɛ ni ɔmɛ kanee ɔ, a yibɔ ji nimli akpe lafa ekpa kɛ etɛ, kɛ e nya lafa enuɔ kɛ nyingmi enuɔ.

Mose II, 38:26 ပူးပေါင်းရင်းမြစ်များ

Mose II, 30:13

Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose II, 12:37

Israel bi ɔmɛ nyɛɛ nane kɛ je Rameses kɛ ho Sukot ya. Nyumu ɔmɛ kɛkɛ a hiɛmi maa pee akpe lafa ekpa; slo yihi kɛ jokuɛwi.

Mateo 17:24

Benɛ Yesu kɛ e kaseli ɔmɛ ba Kapernaum ɔ, sɔlemi tsu ɔ he tó tsuli ɔmɛ ba Petro ngɔ, nɛ a ba bi lɛ ke, “Anɛ nyɛ tsɔɔlɔ ɔ woɔ tó ɔ lo?”

Mose II, 30:12

“Ke o kane Israel bi ɔmɛ nɛ o na a hiɛmi ɔ, a ti nɔ tsuaa nɔ maa ngɔ nɔ́ nɛ e kɛ ma kpɔ e klaa kɛ ba ha mi, bɔ nɛ pee nɛ gbenɔ hiɔ kó ba sɛ a kpɛti be mi nɛ a ngɛ ni ɔmɛ kanee.

Mose II, 38:27

A ngɔ sika hiɔ nɛ ɔ mi kilo 3,400 kɛ sɔ̃ nɔ dami nɔ́ lafa kɛ ha he klɔuklɔu ɔ, kɛ tsu mi pomi bo ɔ; kilo 34 kɛ ha nɔ dami nɔ́ kake.

Mose IV, 1:2

“O kɛ Aaron nɛ kane Israel ma kpekpemi ɔ tsuo weku nya weku nya, kɛ we puɔ nya we puɔ nya.

Mose IV, 1:3

Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ e ma nyɛ maa ya ta a, nyɛɛ ngma e biɛ, nɛ nyɛ gba mɛ tabo nya tabo nya.

Mose IV, 2:32

Israel ma a tsuo pɛpɛɛpɛ nɛ a kane mɛ weku nya weku nya kɛ tabo nya tabo nya ngɛ ta amɛ a mi ɔ, a hiɛmi ji nimli akpe lafa ekpa kɛ etɛ kɛ e nya lafa enuɔ kɛ nyingmi enuɔ.

Mose IV, 26:2

“Nyɛɛ kane Israel ma kpekpemi ɔ tsuo we puɔ nya we puɔ nya, kɛ je ni nɛmɛ nɛ ye jeha nyingmi enyɔ kɛ yaa, nɛ a ma nyɛ ya ta a nɔ.”

Mose IV, 26:51

Israel bi ɔmɛ a kpɛti nyumuhi nɛ a ngma a biɛ ɔ, mɛ tsuo pɛpɛɛpɛ a hiɛmi ji 601,730.