Mose II, 38:23 - BAIBLO ALOO NGMAMI KLƆUKLƆU Ɔ

²³ E he piɛlɔ ji Ahisamak nɛ je Dan wɛtso ɔ mi ɔ bi Oholiab. Oholiab nɛ ɔ, nɔ́ mi kpɛ́lɔ, galɔ, kɛ bo lolɔ ji lɛ; nɛ e ngɔɔ kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ kɛ loɔ bo.

Mose II, 38:23 ပူးပေါင်းရင်းမြစ်များ

Mose II, 35:34

Yawɛ ha e kɛ Oholiab, Ahisamak binyumu ɔ nɛ je Dan wɛtso ɔ mi ɔ ga ní tsumi he juɛmi nɛ a kɛ tsɔɔ ni kpahi ga ní tsumi slɔɔto ɔmɛ.

Mose II, 31:6

Nɛ hyɛ, i hla Ahisamak bi Oholiab kɛ je Dan wɛtso ɔ mi, konɛ e piɛ e he kɛ tsu ní ɔ. Jehanɛ, gali kpa amɛ hu i dloo mɛ ga ní tsumi he juɛmi klɛdɛɛ, konɛ ní nɛ ɔmɛ tsuo nɛ i fa mo ke o pee ɔ, a nyɛ nɛ a pee:

Mose II, 25:4

kpa bluu, kpa tsu, kpa nɛ hɛɛ alamua tu su, kpa hiɔ kpakpa nɛ a tslɔ, apletsi he bwɔmi,

Mose II, 26:36

“Kpe he bo tsu ɔ sinya a nya bo ɔ, ngɔɔ kpa bluu, kpa tsu, kɛ kpa nɛ hɛɛ alamua tu su kɛ lo; nɛ a kɛ abui nɛ kadi ní kɛ wo mi.

Mose II, 31:2

“Hyɛ, i je blɔ hla Uri binyumu Bezalel, Hur bibi ɔ kɛ je Yuda wɛtso ɔ mi,

Mose II, 36:1

“Bezalel, Oholiab, kɛ nɔ tsuaa nɔ nɛ Yawɛ dloo lɛ ga ní tsumi he juɛmi, kɛ nile nɛ a kɛ ma tsu he klɔuklɔu ɔ mami ní tsumi ɔ, mɛ tsuo pɛpɛɛpɛ a ba nɛ a ba tsu ní ɔ kaa bɔ nɛ Yawɛ fa mɛ ɔ.”