Mose II, 38:21 - BAIBLO ALOO NGMAMI KLƆUKLƆU Ɔ

²¹ Ní slɔɔtohi nɛ a kɛ pee kpe he bo tsu ɔ, he nɛ a ngɔ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ ngɔ to ɔ ji nɛ ɔmɛ nɛ. Mose ji nɔ nɛ fa kaa a bua ní nɛ ɔmɛ a nya, nɛ osɔfo Aaron binyumu Itamar ji nɔ nɛ to blɔ nya ha Levi bi ɔmɛ nɛ a kɛ tsu ní ɔ.

Mose II, 38:21 ပူးပေါင်းရင်းမြစ်များ

Kronika I, 6:3

Amram binyumuhi ji Aaron kɛ Mose. E ngɛ biyo hu nɛ a tsɛɛ lɛ Miriam. Aaron binyumuhi ji Nadab, Abihu, Eleazar, kɛ Itamar.

Kronika II, 24:6

Enɛ ɔ he je ɔ, matsɛ ɔ tsɛ Yehoyada, a nyatsɛ ɔ, nɛ e bi lɛ ke, “Tó ɔ nɛ Yawɛ tsɔlɔ Mose de ke ma a nɛ tsu konɛ a kɛ tsu Yawɛ kpe he bo tsu ɔ he ní ɔ, mɛni he je o hyɛ we nɛ Levi bi ɔmɛ ya tsu ngɛ Yuda ma a amɛ a mi, kɛ Yerusalem ɔ?”

Hiob 11:4

O deɔ ke anɔkuale munyuhi o ngɛ tue ɔ nɛ; o deɔ ke dalɔ ji mo ngɛ Mawu hɛ mi.

Hiob 22:23

Ee, ba o he si nɛ o kpale kɛ ya Mawu ngɔ. Yayamihi tsuo nɛ a peeɔ ngɛ o we ɔ mi ɔ, a kpa peemi.

Hiob 26:1

Balɔ kpakpa! Mo lɛ o piɛ ye he. Imi nɛ i gbɔjɔ! Imi nɛ ye he wami ta!

La 15:1

Yawɛ, mɛnɔ maa hi o bo tsu ɔ mi? O yoku klɔuklɔu ɔ nɔ ɔ, mɛnɔ maa hi lejɛ ɔ?

Mose II, 25:16

Somi womi ɔ nɛ ma ngɔ ha mo ɔ, ngɔɔ kɛ wo daka a mi.

Mose II, 26:33

Ngɔɔ tsu mi pomi bo ɔ kɛ bɛ gbowe ɔmɛ a nya kɛ kpla si, nɛ o ngɔ daka a nɛ somi womi ɔ ngɛ mi ɔ kɛ ba ma e se blɔ, konɛ tsu mi pomi bo ɔ nɛ po he klɔuklɔu ɔ, kɛ he klɔuklɔu pe kulaa a kpɛti ha nyɛ.

Mose II, 38:20

Kpe he bo tsu ɔ he plɛɛko ɔmɛ, kɛ piɛ nɛ bɔle lɛ ɔ he ní ɔmɛ tsuo akɔblee a kɛ pee.

Mose II, 38:22

Uri bi Bezalel, nɛ peeɔ Hur nɛ je Yuda wɛtso ɔ mi ɔ bibi ɔ, ji nɔ nɛ pee nɔ́ tsuaa nɔ́ nɛ Yawɛ fa Mose ke e pee ɔ nɛ.

Mose II, 40:3

Ngɔɔ somi daka a nɛ mlaa amɛ ngɛ mi ɔ kɛ ma mi, konɛ o ngɔ tsu mi pomi bo ɔ kɛ tsi daka a hɛ mi.

Mose II, 6:23

Aaron ngɔ Aminadab biyo Elisheba, Nahshon nyɛmiyo ɔ; nɛ e kɛ lɛ fɔ Nadab, Abihu, Eleazar, kɛ Itamar.

Mose IV, 1:50

Levi bi ɔmɛ lɛɛ ngɔɔ kpe he bo tsu ɔ, kɛ e he ní ɔmɛ, kɛ e mi ní ɔmɛ tsuo a nɔ hyɛmi ní tsumi ɔ kɛ wo a dɛ. Mɛ nɛ a maa hɛɛ kpe he bo tsu ɔ kɛ e he ní ɔmɛ. Mɛ nɛ a maa hyɛ nɔ; nɛ bo tsu ɔ he ji he nɛ a maa hi.

Mose IV, 1:53

Se Levi bi ɔmɛ lɛɛ a ma pue si kɛ bɔle kpe he ɔ, nɛ a maa bu he, bɔ nɛ pee nɛ imi Yawɛ, ye we abofu nɛ ko kple Israel ma kpekpemi ɔ nɔ.”

Mose IV, 10:11

Benɛ Israel bi ɔmɛ je Egipt ɔ se jeha nɛ ji enyɔ ɔ, nyɔhiɔ enyɔne ɔ we ligbi nɛ ji nyingmi enyɔ ɔ, bɔku ɔ wo e he nɔ kɛ je kpe he ɔ he nɛ mlaa womi ɔ ngɛ ɔ.

Mose IV, 18:2

O nyɛmimɛ Levi bi ɔmɛ, nɛ ji o tsɛ weku li ɔmɛ ɔ, ha nɛ mɛ hu a ba piɛ o kɛ o bimɛ ɔmɛ a he, be mi nɛ nyɛ ngɛ sɔmɔe ngɛ bo tsu ɔ mi.

Mose IV, 24:5

Yakob lee, o bo tsu ɔmɛ ngɛ fɛu; Israel lee, o sito he ɔmɛ ngɛ fɛu.

Mose IV, 9:15

Ligbi ɔ nɛ a ma kpe he ɔ, bɔku ɔ ba ha he. Kɛ je gbɔkuɛ kɛ ya si je na a, bɔku ɔ ngɛ kpɛe kaa la.

Mateo 17:4

Kɛkɛ nɛ Petro de Yesu ke, “Nyɔmtsɛ, e hi kaa wa ngɛ hiɛ ɔ! Ke o suɔ ɔ, ma pee bo tsu etɛ ngɛ hiɛmɛ nɛ ɔ, o nɔ kake, Mose nɔ́ kake, kɛ Eliya hu nɔ́ kake.”

Ni Tsumi 7:44

“Wa nɛmɛ ɔmɛ hɛɛ bo tsu nɛ tsɔɔ Mawu sihi he ɔ ngɛ nga a nɔ. A pee bo tsu ɔ pɛpɛɛpɛ kaa bɔ nɛ Mawu de Mose ke e pee ɔ.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Hebribi 8:2

E sɔmɔɔ ngɛ he klɔuklɔu pe kulaa nɛ ji bo tsu nitsɛnitsɛ nɛ Nyɔmtsɛ ɔ nitsɛ ma, se pi nɔmlɔ adesa ko nɛ ma a.

Hebribi 9:11

Se Kristo ba kaa osɔfo nɔkɔtɔma pe kulaa kɛ ha blɔ nya tomi kpakpa nɛ wa na nɛ ɔ. Bo tsu nɛ e sɔmɔɔ ngɛ mi ɔ kle, nɛ e hi kɛ pi si. Pi adesa nɛ pee, nɛ tsɔɔ kaa pi je nɛ ɔ mi níhi nɛ a bɔ ɔ eko.

2 Petro 1:13

Be abɔ nɛ i ngɛ je mi kɛ mwɔɔ ɔ, i susu kaa e sa kaa ma ya nɔ ma hɛli nyɛ si ngɛ ní nɛ ɔmɛ a he.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 15:5

Enɛ ɔ se ɔ, i na nɛ sɔlemi we ɔ nɛ ngɛ hiɔwe ɔ nya bli, nɛ bo tsu klɔuklɔu ɔ maa si ngɛ mi.

Kpojemi 21:3

I nu nɛ gbi ko pɛ wawɛɛ kɛ je matsɛ sɛ ɔ he kɛ de ke, “Jehanɛ ɔ lɛɛ Mawu hi he ji nimli a kpɛti! E kɛ mɛ maa hi si, nɛ a maa pee e ma. Mawu nitsɛ kɛ mɛ maa hi si, nɛ e maa pee a Mawu.