Mose II, 38:20 - BAIBLO ALOO NGMAMI KLƆUKLƆU Ɔ

²⁰ Kpe he bo tsu ɔ he plɛɛko ɔmɛ, kɛ piɛ nɛ bɔle lɛ ɔ he ní ɔmɛ tsuo akɔblee a kɛ pee.

Mose II, 38:20 ပူးပေါင်းရင်းမြစ်များ

Kolosebi 2:19

Nɛ mɛɛ lɛɛ a mɛtɛ we Kristo nɛ ji yi ɔ he. Nɔmlɔ tso ɔ tsuo ɔ, yi ɔ mi e naa níhi tsuo nɛ hia lɛ ɔ kɛ jeɔ. Niye ní nɛ ɔ guɔ kpɔ ɔmɛ, kɛ pani ɔmɛ a mi, nɛ e haa nɔmlɔ tso ɔ waa bɔ nɛ Mawu to ɔ.

Yesaya 33:20

Hyɛ, Zion, ma nɛ wa yeɔ wa nyami ligbi ɔmɛ ngɛ mi ɔ ji nɛ ɔ nɛ! Yerusalem, ma nɛ tue mi jɔmi ngɛ mi ɔ ji nɛ ɔ nɛ! Yerusalem ngɛ kaa bo tsu nɛ maa si nɛ be si nɔe gblegbleegble. Tso plɛɛkohi nɛ a ka kɛ wo zu mi ɔ ekoeko be hiae; tangme kpa amɛ hu be tsɔe.

Yesaya 22:23

Ma to lɛ si saminya, nɛ e he maa wa wawɛɛ nitsɛ kaa tso plɛɛko nɛ e ma ba pee kaa jlasi ko kɛ wo e tsɛ we ɔ tsuo hɛ mi nyami.

Fiɛlɔ 12:11

Ní leli a munyuhi ngɛ kaa tso kɛ e nya piɔpiɔ nɛ lohwe hyɛli kɛ tsɔ́ɔ́ a lohwehi. Abɛhi nɛ a bua nya a, a he ngɛ se nami wawɛɛ kaa plɛɛkohi nɛ a je blɔ ka kɛ wo tso mi. Wɔ tsuo wa hyɛlɔ kake too nɛ ji Mawu ɔ, lɛ nɛ e ha wɔ kikɛmɛ a abɛ nɛ ɔmɛ.

Ezra 9:8

Jehanɛ Yawɛ, wa Mawu, pee se ɔ, o na wɔ mɔbɔ, nɛ wa ti ni komɛ kɛ̃ ngɛ je mi, nɛ o ha wa ba ngɛ o ma klɔuklɔu ɔ mi, konɛ wa hɛ mi nɛ tsɔ wɔ nɛ waa ye wa he kɛ je nyɔguɛ yemi mi.

Kronika II, 3:9

nɛ a ngmɛ sika tsu kilo fa kɛ se kɛ pee plɛɛko. Hiɔwe tsu ɔmɛ hu e kɛ sika tsu ha gbogbo ɔmɛ a he.

Mose II, 27:19

Ní ɔmɛ tsuo nɛ a kɛ ma sɔmɔ ngɛ kpe he bo tsu ɔ mi, kpe he bo tsu ɔ he plɛɛko ɔmɛ, kɛ piɛ ɔ hu he plɛɛko ɔmɛ tsuo pɛpɛɛpɛ ɔ, a ngɔ akɔblee kɛ pee.

Mose II, 38:19

Titima eywiɛ hɛɛ piɛ ɔ nya bo ɔ, kɛ a nɔ dami nɔ́ eywiɛ nɛ a kɛ akɔblee pee ɔ, se a he gbowe ɔmɛ lɛɛ sika hiɔ a kɛ pee. A kɛ sika hiɔ ha a yi mi, nɛ a kɛ sika hiɔ nɔuu poo a kpɛti.

Mose II, 38:21

Ní slɔɔtohi nɛ a kɛ pee kpe he bo tsu ɔ, he nɛ a ngɔ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ ngɔ to ɔ ji nɛ ɔmɛ nɛ. Mose ji nɔ nɛ fa kaa a bua ní nɛ ɔmɛ a nya, nɛ osɔfo Aaron binyumu Itamar ji nɔ nɛ to blɔ nya ha Levi bi ɔmɛ nɛ a kɛ tsu ní ɔ.