Mose II, 37:9 - BAIBLO ALOO NGMAMI KLƆUKLƆU Ɔ

⁹ Kerub ɔmɛ gbɛ a pɛlihi a mi kɛ ya hiɔwe nɛ a kɛ ha nya nɔ́ ɔ he. A plɛ a hɛ mi ngɔ kpee a sibi, nɛ a ngɛ nya nɔ́ ɔ nɔ hyɛe.

Mose II, 37:9 ပူးပေါင်းရင်းမြစ်များ

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.

Hebribi 1:14

Mawu bɔfo ɔmɛ ɔ, mɛni ji a ní tsumi mɔ? Mumihi ji mɛ, nɛ a sɔmɔɔ Mawu. Ke Mawu ma he nɔ ko yi wami ɔ, mɛ lɛ Mawu tsɔɔ.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Filipibi 3:8

Pi lɔ ɔmɛ kɛkɛ, anɔkuale mi ɔ, i bu nɔ́ tsuaa nɔ́ kaa níhi nɛ a he be se nami; ejakaa i ba na le kaa Kristo Yesu ji ye Nyɔmtsɛ. Nile nɛ ɔ he jua wa pe nile tsuo pɛpɛɛpɛ. Enɛ ɔ he je ɔ, ye níhi tsuo bɔ mi; ní ɔmɛ pee kaa kuku nɔ níhi kɛkɛ, konɛ Kristo mohu nɛ pee ye nɔ́.

Efesobi 3:10

E pee enɛ ɔ, konɛ jehanɛ lɛɛ nɔ yeli tsuo, kɛ nihi nɛ ngɛ tsɛ yee ngɛ hiɔwe ɔ nɛ a na bɔ nɛ Mawu juɛmi mi kuɔ, kɛ bɔ nɛ asafo ɔ ngɛ ní tsue nɛ Mawu yi mi tomi ɔ nɛ ba mi.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

Yohane 1:51

Nyagbe ɔ, e de mɛ ke, “I ngɛ nyɛ dee anɔkuale mi ke hiɔwe nya ma bli, nɛ nyɛ maa na Mawu bɔfo ɔmɛ nɛ a ngɛ kuɔe kɛ ngɛ imi Nɔmlɔ Bi ɔ ye ngɔ bae, nɛ a ngɛ kpalee kɛ ngɛ yae.”

Yesaya 6:2

Serafhi bɔle lɛ. A ti nɔ tsuaa nɔ ngɛ pɛli ekpa. Eko tsuaa eko ngɔ pɛli enyɔ ngɔ ha e hɛ mi, nɛ e ngɔ enyɔ hu ngɔ ha e he, nɛ enyɔ nɛ piɛ ɔ, e kɛ te.

Mose II, 25:20

Kerub ɔmɛ nɛ a gbɛ a pɛlihi a mi kɛ ya hiɔwe nɛ a kɛ ha daka a nya nɔ́ ɔ he. A plɛ a hɛ mi ngɔ kpee a sibi, nɛ a hi nya nɔ́ ɔ nɔ hyɛe.

Mose I, 28:12

E nla nɛ gba he tso ko maa si ngɛ zugba nɛ e yi mi ya pi hiɔwe, nɛ Mawu bɔfohi ngɛ gba he tso ɔ kuɔe nɛ a ngɛ kplee.

Mose I, 3:24

E fie nyumu ɔ kɛ je lejɛ ɔ, nɛ e ngɔ kerubhi kɛ klaate ya to Eden ngmɔ ɔ beleku je, konɛ a bu blɔ ɔ nɛ a guu nɔ kɛ yaa tso nɛ haa nɔ wami ɔ he. Klaate ɔ ngɛ tsoe plamplam kaa la, nɛ e ngɛ e he poe.

Mose II, 37:8

Kerub kake ngɛ hiɛ, nɛ kerub kake hu ngɛ hiɛ. E pee kerub enyɔ ɔmɛ nɛ a kɛ daka a nya nɔ́ ɔ tsa.

Mose II, 37:10

Lɔ ɔ se ɔ, e kɛ akasia tso kpɛ okplɔɔ ɔ; e kami ji nine mi blimi eywiɛ, e blimi ji nine mi blimi enyɔ, nɛ e si temi ji nine mi blimi etɛ.

Matsɛmɛ I, 6:27

Salomo kɛ kerub enyɔ ɔmɛ ma a sibi a kasa nya ngɛ he klɔuklɔu pe kulaa a. A gbɛ a pɛlihi a mi; kerub kake pɛli kɛ e nyɛmi nɔ́ nya ya kpe ngɛ tsu ɔ kpɛti. Pɛli enyɔ ɔmɛ nɛ piɛ ɔ, nɔ kake nɔ́ nya sa gbogbo he ngɛ hiɛ, nɛ nɔ kake hu nɔ́ nya sa gbogbo he ngɛ hiɛ.