Mose II, 37:29 - BAIBLO ALOO NGMAMI KLƆUKLƆU Ɔ

²⁹ Jehanɛ, e pee nɔ pɔmi nu klɔuklɔu, ɔ kɛ tsopa kɛ e he via ngmingmiingmi ɔ hulɔ. E futu tsopa amɛ pɛpɛɛpɛ kaa nɔ́ nɛ tsopa kɛ e he via he ní tsulɔ nitsɛ lɛ pee.

Mose II, 37:29 ပူးပေါင်းရင်းမြစ်များ

1 Yohane 2:27

Se nyɛɛ lɛɛ Kristo ha e mumi ɔ ba nyɛ nɔ. Be abɔ nɛ e mumi ɔ ngɛ nyɛ nɔ ɔ, e hia we nɛ nɔ ko nɛ ba tsɔɔ nyɛ ní. Ejakaa mumi ɔ ngɛ nyɛ nɔ́ tsuaa nɔ́ tsɔɔe; nɛ anɔkuale ɔ mumi ɔ ngɛ nyɛ tsɔɔe ɔ nɛ, pi lakpa. Lɔ ɔ he ɔ, nyɛɛ bu nɔ́ nɛ mumi ɔ ngɛ tsɔɔe ɔ tue, konɛ nyɛɛ ya nɔ nɛ nyɛɛ hi Kristo mi.

1 Yohane 2:20

Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Hebribi 5:7

Benɛ Yesu ngɛ he lo mi ɔ, ngmlaa, kɛ hɛ mi vo nyu nɛ e kɛ kpa Mawu, nɔ pɛ nɛ ma nyɛ je lɛ kɛ je gbenɔ mi ɔ pɛɛ. Akɛnɛ e yeɔ Mawu gbeye he je ɔ, Mawu hu bu lɛ tue.

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Yesaya 11:2

Yawɛ mumi ɔ maa ba e nɔ. E ma ha lɛ sane se kɔmi, nile, kɛ ga nɛ e kɛ maa ye e ma a nɔ. E maa le Yawɛ suɔmi nya ní, nɛ e maa bu lɛ.

Fiɛlɔ 10:1

Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

La 92:10

O ha nɛ i na he wami kaa pu mi na. O gbaa mi kɛ bua jɔmi babauu.

La 23:5

O ngmɛɔ mi okplɔɔ ngɛ he nɛ ye he nyɛli tsuo maa na mi. O pɔɔ ye yi mi nu, nɛ o woɔ ye kplu ɔ nɛ e hyiɔ banebane.

Mose II, 37:28

Akasia tsohi ji tso ɔmɛ nɛ e hlɔ ɔ nɛ, nɛ e kɛ sika tsu ha a he.

Mose II, 30:22

Yawɛ de Mose ekohu ke,