Mose II, 37:23 - BAIBLO ALOO NGMAMI KLƆUKLƆU Ɔ

²³ Jehanɛ, e pee kane kpaago kɛ ma kane tso ɔ nɔ; nɛ e kɛ sika tsu ngmingmiingmi pee kane ɔ sumi kɛ e gbemi nɔ́ ɔ, kɛ nɔ́ nɛ a kɛ maa muɔ la zu.

Mose II, 37:23 ပူးပေါင်းရင်းမြစ်များ

Kpojemi 5:5

Kɛkɛ nɛ nikɔtɔma amɛ a ti nɔ kake de mi ke, “Ko fo ya. Hyɛ! Jata a nɛ je Yuda wɛtso ɔ mi, nɛ ji David nina a ye kunimi. Nɛ lɛ nɛ e ma nyɛ tsɔ womi nya sɔumi nɔ́ kpaago ɔmɛ, nɛ e ma nyɛ bli womi kpo ɔ nya.”

Kpojemi 4:5

I na nɛ oslabai gba, nɛ i nu gbihi, nɛ hiɔwe hu si kɛ je matsɛ sɛ ɔ mi. Jatɛ kpaago nɛ a su, ngɛ tsoe ngɛ matsɛ sɛ ɔ hɛ mi; lɔ ɔ ɔmɛ ji mumi slɔɔto kpaago ɔmɛ nɛ sɔmɔɔ Mawu ɔ nɛ.

Kpojemi 1:20

Dodoe kpaago ɔmɛ nɛ o na ngɛ ye hiɔ nine mi, kɛ sika tsu kane tso kpaago ɔmɛ ɔ, laami sane nɛ kɔɔ a he ji nɛ ɔ nɛ: dodoe kpaago ɔmɛ daa si ha asafo kpaago ɔmɛ a bɔfohi, nɛ kane tso kpaago ɔmɛ daa si ha asafo kpaago ɔmɛ.”

Kpojemi 1:12

I plɛ ye he, konɛ ma hyɛ nɔ nɛ kɛ mi ngɛ munyu tue ɔ. Nɛ benɛ i plɛ ɔ, i na sika tsu kane tso kpaago,

Zakaria 4:2

E bi mi ke, “Mɛni o na?” I he nɔ ke, “I na kane tso nɛ a kɛ sika tsu pee. Tɔ maa si ngɛ e yi mi. Kane kpaago ngɛ kane tso ɔ he. Kane ɔmɛ eko fɛɛ eko hɛɛ puɔ kpaago.

Mose IV, 8:2

“Mo de Aaron ke, ke e ngɔ kane kpaago ɔmɛ kɛ ma si mami ɔ, e hyɛ nɛ mɛ tsuo a tso kɛ ya kane tso ɔ hɛ mi.”

Mose II, 25:37

Jehanɛ, moo pee kane kpaago kɛ ma kane tso ɔ nɔ, konɛ a la a nɛ kpɛ kɛ ya hlami.

Mose II, 25:38

Kane ɔ sumi kɛ e gbemi nɔ́ ɔ, kɛ nɔ́ nɛ a kɛ maa muɔ la zu ɔ hu a ngɔ sika tsu ngmingmiingmi kɛ pee.

Mose II, 37:22

Kpɔ ɔmɛ, tso gblaa amɛ, kɛ kpɛti kane tso ɔ tsuo tsa; a ngɔ sika tsu ngmingmiingmi nɛ a si nɔ tɛtlɛɛ kɛ pee lɛ tsuo.

Mose II, 37:24

E ngɔ sika tsu ngmingmiingmi kilo nyingmi etɛ kɛ enuɔ kɛ pee kane tso ɔ kɛ e he ní ɔmɛ tsuo.