Mose II, 37:17 - BAIBLO ALOO NGMAMI KLƆUKLƆU Ɔ

¹⁷ Jehanɛ, e kɛ sika tsu ngmingmiingmi pee kane tso ɔ. Kane tso ɔ sisi je, kɛ e kpɛti tso ɔ lɛɛ e kɛ sika tsu nɛ a si nɔ tɛtlɛɛ pee. E pee mɔmɔhi: ní nɛmɛ nɛ blɛkee we lolo, kɛ ní nɛmɛ nɛ blɛke, nɛ a kɛ kane tso ɔ tsa mluguduu kake.

Mose II, 37:17 ပူးပေါင်းရင်းမြစ်များ

Hebribi 9:2

A ma bo tsu, nɛ a po mi enyɔ. A tsɛɛ bo tsu ɔ he nɛ a guu kɛ sɛɛ mi ɔ he klɔuklɔu. Kane tso, kɛ okplɔɔ kɛ e nɔ abolo klɛdɛɛ ɔ ngɛ lejɛ ɔ.

Kpojemi 1:12

I plɛ ye he, konɛ ma hyɛ nɔ nɛ kɛ mi ngɛ munyu tue ɔ. Nɛ benɛ i plɛ ɔ, i na sika tsu kane tso kpaago,

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Mateo 5:15

Jehanɛ se hu, nɔ ko su we kane kɛ ma sowe sisi; mohu e kɛ maa kane tso nɔ, nɛ́ e tso ha nihi tsuo nɛ ngɛ we ɔ mi.

Zakaria 4:11

Jehanɛ, i bi lɛ ke, “Oliv tso enyɔ ɔmɛ nɛ ngɛ kane tso ɔ hiɔ nɔ kɛ muɔ nɔ ɔ, mɛni a tsɔɔ?”

Zakaria 4:2

E bi mi ke, “Mɛni o na?” I he nɔ ke, “I na kane tso nɛ a kɛ sika tsu pee. Tɔ maa si ngɛ e yi mi. Kane kpaago ngɛ kane tso ɔ he. Kane ɔmɛ eko fɛɛ eko hɛɛ puɔ kpaago.

Kronika II, 13:11

Daa mɔtu kɛ gbɔkuɛ ɔ, a sãã sami bɔhi, kɛ tsopa kɛ e he via kɛ haa Yawɛ. A toɔ abolo klɛdɛɛ ɔ ngɔ fɔɔ okplɔɔ nɛ he tsɔ ko nɔ kɛ maa Yawɛ hɛ mi, nɛ daa gbɔkuɛ ɔ, a suɔ kane ɔmɛ ngɛ sika tsu kane tso ɔmɛ a nɔ. Wɔɔ lɛɛ nɔ́ nɛ Yawɛ, wa Mawu ɔ fa wɔ ke waa pee ɔ, lɔ ɔ wa peeɔ; se nyɛɛ lɛɛ nyɛ kua lɛ.

Kronika I, 28:15

sika tsu, kɛ sika hiɔ kane tso ɔmɛ kɛ a he kane ɔmɛ,

Mose III, 24:4

Aaron nɛ to kane ɔmɛ pɛpɛɛpɛ ngɛ kane tso nɛ a kɛ sika tsu ngmingmiingmi ha he ɔ nɔ, nɛ e hyɛ nɛ a hi tsoe daa ngɛ Yawɛ hɛ mi.

Mose II, 31:8

okplɔɔ ɔ kɛ e he ní ɔmɛ, kane tso ɔ nɛ a kɛ sika tsu ngmingmiingmi pee ɔ kɛ e he ní ɔmɛ tsuo, tsopa kɛ e he via sami la tɛ ɔ,

Mose II, 37:16

E ngɔ sika tsu ngmingmiingmi kɛ pee ní nɛ ɔmɛ nɛ a kɛ maa ma okplɔɔ ɔ nɔ ɔ: plɛɛtehi, kahi nɛ a kɛ tsopa kɛ e he via maa wo a mi, kpluhi, kɛ likɔkɔhi nɛ a kɛ maa sã wai bɔ.

Mose II, 37:18

Kɔni ekpa ngɛ kane tso ɔ he; etɛ ngɛ kasa hiɛ, nɛ etɛ hu ngɛ kasa hiɛ.

Mose IV, 8:4

Bɔ nɛ a pee kane tso ɔ ji nɛ ɔ nɛ: a ngɔ sika tsu nɛ a fia nɔ tɛtlɛɛ kɛ pee kane tso ɔ kɛ je e nane kɛ ya si e mɔmɔ ɔmɛ a he, kaa bɔ nɛ nɔ hyɛmi nɔ́ ɔ nɛ Yawɛ kɛ tsɔɔ Mose ɔ ngɛ ɔ pɛpɛɛpɛ.