Mose II, 37:16 - BAIBLO ALOO NGMAMI KLƆUKLƆU Ɔ

¹⁶ E ngɔ sika tsu ngmingmiingmi kɛ pee ní nɛ ɔmɛ nɛ a kɛ maa ma okplɔɔ ɔ nɔ ɔ: plɛɛtehi, kahi nɛ a kɛ tsopa kɛ e he via maa wo a mi, kpluhi, kɛ likɔkɔhi nɛ a kɛ maa sã wai bɔ.

Mose II, 37:16 ပူးပေါင်းရင်းမြစ်များ

2 Timoteo 2:20

Pi sika tsu níhi, kɛ sika hiɔ níhi kɛkɛ nɛ a naa ngɛ we ngua mi, se mohu nyu yɛmi níhi nɛ a gbɔ, kɛ ekomɛ hu nɛ a puɛ hii mi. A kɛ ekomɛ tsuɔ ní pɔtɛɛ komɛ nɛ a buu, nɛ ekpa komɛ lɛɛ a kɛ tsuɔ ní be saisaa.

Matsɛmɛ II, 12:13

Sika nɛ a kɛ baa Yawɛ we ɔ, a ngɔɛ eko kɛ pee we sika hiɔ kpluhi, la gbemi níhi, kahi kɛ titimatihi, aloo sika tsu níhi, aloo sika hiɔ ní kpa komɛ kɛ ha Yawɛ we ɔ.

Matsɛmɛ I, 7:50

kplu ɔmɛ, la gbemi ní ɔmɛ, kã amɛ, kɛ ngɛyu ɔmɛ nɛ a kɛ jeɔ la a; he klɔuklɔu pe kulaa a sinya amɛ a se asa amɛ, kɛ Yawɛ we ɔ kpo nɔ je sinya amɛ a se asa amɛ.

Mose II, 25:29

Ngɔɔ sika tsu ngmingmiingmi kɛ pee plɛɛtehi kɛ kahi nɛ a kɛ maa sã tsopa kɛ e he via, kɛ kpluhi, kɛ likɔkɔhi nɛ a kɛ maa sã wai bɔ.

Mose II, 37:15

E ngɔ akasia tso kɛ hlɔ tso ɔmɛ nɛ a kɛ maa hɛɛ okplɔɔ ɔ; nɛ e kɛ sika tsu ha a he.

Mose II, 37:17

Jehanɛ, e kɛ sika tsu ngmingmiingmi pee kane tso ɔ. Kane tso ɔ sisi je, kɛ e kpɛti tso ɔ lɛɛ e kɛ sika tsu nɛ a si nɔ tɛtlɛɛ pee. E pee mɔmɔhi: ní nɛmɛ nɛ blɛkee we lolo, kɛ ní nɛmɛ nɛ blɛke, nɛ a kɛ kane tso ɔ tsa mluguduu kake.