Mose II, 36:8 - BAIBLO ALOO NGMAMI KLƆUKLƆU Ɔ

⁸ Ní tsuli ɔmɛ a kpɛti ni nɛmɛ nɛ a hɛ mi ngɛ ga saminya a ngɔ bo popoe nyɔngma kɛ pee kpe he bo tsu ɔ. A ngɔ kpa bluu, kpa tsu, kɛ kpa nɛ hɛɛ alamua tu su kɛ lo bo ɔmɛ, nɛ a kadi kerub saminyawiiwi ngɔ wo a mi.

Mose II, 36:8 ပူးပေါင်းရင်းမြစ်များ

Matsɛmɛ I, 6:23

Salomo kɛ oliv tso pee kerub enyɔ ngɔ ma he klɔuklɔu pe kulaa a; kerub kake kami ji nine mi blimi nyingmi enyɔ.

Kronika I, 15:1

David po wehi ngɛ David ma a mi kɛ ha e he. Jehanɛ, e dla he ko kɛ ha Mawu somi daka a, nɛ e ma bo tsu ngɛ lejɛ ɔ kɛ ha lɛ.

Kronika II, 1:3

Nɛ Salomo kɛ ma a tsuo pue nɔ kɛ ho jami he ɔ ya ngɛ Gibeon. A ya lejɛ ɔ, ejakaa kpe he bo tsu ɔ nɛ Yawɛ tsɔlɔ Mose pee ngɛ nga a nɔ ɔ, Gibeon ji he nɛ e ngɛ.

Kronika II, 3:10

Jehanɛ, matsɛ ɔ ha nɛ e ní tsuli ɔmɛ hlɔ kerub enyɔ nɛ e kɛ sika tsu ha a he, nɛ e ngɔ mɛ ya ma he klɔuklɔu pe kulaa a.

Mose II, 25:18

Ngɔɔ sika tsu nɛ a si nɔ tɛtlɛɛ kɛ pee bɔfohi nɛ a tsɛɛ kerub ɔ enyɔ kɛ ma nya nɔ́ ɔ nɔ ngɛ daka a kami mi hiɛ kɛ hiɛ.

Mose II, 25:22

Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.

Mose II, 31:6

Nɛ hyɛ, i hla Ahisamak bi Oholiab kɛ je Dan wɛtso ɔ mi, konɛ e piɛ e he kɛ tsu ní ɔ. Jehanɛ, gali kpa amɛ hu i dloo mɛ ga ní tsumi he juɛmi klɛdɛɛ, konɛ ní nɛ ɔmɛ tsuo nɛ i fa mo ke o pee ɔ, a nyɛ nɛ a pee:

Mose II, 31:7

kpe he bo tsu ɔ, daka a nɛ a kɛ somi womi ɔ maa wo mi ɔ kɛ e nya nɔ́ ɔ, bo tsu ɔ he ní ɔmɛ tsuo,

Mose II, 35:10

“Ga ní tsuli ɔmɛ nɛ ngɛ nyɛ kpɛti ɔ, mɛ tsuo a ba nɛ a ba tsu ní tsumi nɛ Yawɛ fa nyɛ ke nyɛ tsu ɔ.

Mose II, 36:9

Bo ɔmɛ tsuo sɔ fiee; bo kake kami ji nine mi blimi nyingmi enuɔ kɛ ekpa, nɛ e blimi ji nine mi blimi kpaanyɔ.

Mose II, 39:3

A si sika tsu ɔ nɔ tɛtlɛɛ, nɛ a poo lɛ dlɛɛdlɛɛ kaa kpa loko a ngɔ kɛ futu kpa bluu, kpa nɛ hɛɛ alamua tu su, kpa tsu, kɛ kpa hiɔ kpakpa nɛ a tslɔ ɔ.