Mose II, 36:3 - BAIBLO ALOO NGMAMI KLƆUKLƆU Ɔ

³ Mose ngɔ nike níhi nɛ Israel bi ɔmɛ je a tsui mi kɛ ba nɛ a kɛ tsu he klɔuklɔu ɔ he ní ɔ tsuo ngɔ wo a dɛ. Se loloolo ɔ, Israel ma a kɛ a nike ní ɔmɛ ngɛ bae ba ngɛ Mose hae daa mɔtu.

Mose II, 36:3 ပူးပေါင်းရင်းမြစ်များ

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

Yesaya 50:4

Nyɔmtsɛ Yawɛ tsɔɔ mi nɔ́ nɛ ma de, konɛ be nɛ sa mi ɔ, ma nyɛ ma wo nɔ nɛ pɔ tɔ lɛ ɔ he wami. Daa mɔtu ɔ, e haa i hlaa kaa nɔ́ nɛ e maa tsɔɔ mi ɔ, ma bu tue kaa ní kaselɔ.

Abɛ Womi 8:15

I piɛɔ matsɛmɛ a he kɛ hyɛɛ ma nɔ; i piɛɔ nɔ yeli a he kɛ woɔ mlaa kpakpahi.

La 101:8

I kɛ yayami peeli be bɔe kɔkɔɔkɔ kɛ yaa si ma fie mɛ tsuo kɛ je Yawɛ ma a mi.

La 5:3

Yawɛ, mɔtu ɔ, o nuɔ ye gbi. Ee, mɔtu ɔ, i faa kue kɛ haa mo, nɛ i mlɛɔ, konɛ o he nɔ.

Mose II, 35:27

Nikɔtɔma amɛ ngɔ shoham tɛhi, kɛ tɛ kpahi nɛ a he jua wa nɛ a maa ma kɛ wo efɔd ɔ, kɛ gugue nya nɔ́ ɔ mi ɔ kɛ ba;

Mose II, 36:2

Mose tsɛ Bezalel, Oholiab, kɛ nɔ tsuaa nɔ nɛ Yawɛ dloo lɛ ga nile, nɛ jehanɛ e ngɛ ní tsumi ɔ he suɔmi ɔ kɛ ba ní tsumi ɔ he.

Mose II, 36:4

Kɛkɛ nɛ ga ní tsuli ɔmɛ nɛ ngɛ ní tsue ngɛ he klɔuklɔu ɔ tsuo je ní tsumi ɔ he kɛ ba

Amos 4:5

Ke nyɛɛ kɛ abolo ma Mawu si nami ɔ, nyɛ peeɔ yayami! Jehanɛ, ke nyɛ je nyɛ tsui mi faa, nɛ nyɛ ngɔ bɔ kpa komɛ kɛ ma po, nyɛ suɔ kaa nyɛɛ fĩa! Israel ma, nɔ́ nɛ nyɛ suɔ peemi ji nɛ ɔ nɛ. Nyɛɛ ya nɔ nɛ nyɛɛ pee!