Mose II, 35:3 - BAIBLO ALOO NGMAMI KLƆUKLƆU Ɔ

³ Nyɛ ko slɛ la po ngɛ nyɛ we ɔmɛ a mi ngɛ Hejɔɔmi ligbi ɔ nɔ.”

Mose II, 35:3 ပူးပေါင်းရင်းမြစ်များ

Mose II, 16:23

Mose de mɛ ke, “Bɔ nɛ Yawɛ de ji nɛ ɔ nɛ: ‘Hwɔɔ ji he jɔɔmi ligbi, Yawɛ Hejɔɔmi ligbi klɔuklɔu. Nyɛɛ sã nɔ́ tsuaa nɔ́ nɛ nyɛ ngɛ sami, nɛ nyɛɛ hoo nɔ́ tsuaa nɔ́ nɛ nyɛ ngɛ hoomi, nɛ nɔ́ nɛ maa piɛ ngɛ se ɔ, nyɛ ngɔ to si kɛ yaa si mɔtu.’ ”

Mose II, 12:16

Kekleekle ligbi ɔ, kɛ ligbi nɛ ji kpaago ɔ, nyɛɛ bɔ gua nɛ nyɛ ja Yawɛ. A ko tsu nɔ́ ko jamɛ a ligbi enyɔ ɔmɛ; ní nɛ nɔ maa ye pɛ nɛ nyɛ maa hoo.

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Mose II, 20:9

Ngɔɔ ligbi ekpa kɛ tsu nɔ́ tsuaa nɔ́ nɛ o ngɛ tsumi.

Mose II, 23:12

“Ligbi ekpa o kɛ tsu ní ngɛ otsi mi, se ligbi nɛ ji kpaago ɔ lɛɛ mo ko tsu nɔ́ ko, bɔ nɛ pee nɛ o na amɛ, o teji ɔmɛ, o nyɔguɛ ɔmɛ, kɛ o nibwɔ ɔmɛ nɛ tsuɔ ní ha mo ɔ nɛ a jɔɔ a he.

Mose II, 31:15

Ligbi ekpa a kɛ tsu ní; se ligbi nɛ ji kpaago ɔ lɛɛ e ji imi Yawɛ, ye Hejɔɔmi ligbi nɛ ngɛ klɔuklɔu. Nɔ tsuaa nɔ nɛ ma tsu ní ngɛ Hejɔɔmi ligbi ɔ nɔ ɔ, a gbe lɛ.

Mose II, 35:4

Mose de Israel ma a tsuo ke, “Bɔ nɛ Yawɛ fa ji nɛ ɔ nɛ.

Mose III, 23:3

Nyɛ tsu ní ligbi ekpa, se ligbi kpaagone ɔ ji Hejɔɔmi ligbi. Jamɛ a ligbi ɔ, nyɛ maa jɔɔ nyɛ he. Nyɛ ma bua nyɛ he nya, nɛ nyɛ ma ja Mawu. Nɔ ko nɛ ko tsu ní jamɛ a ligbi ɔ; ejakaa e ji he jɔɔmi ligbi ha Yawɛ ngɛ nyɛ sihi he ɔmɛ tsuo kulaa.