Mose II, 34:9 - BAIBLO ALOO NGMAMI KLƆUKLƆU Ɔ

⁹ E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Mose II, 34:9 ပူးပေါင်းရင်းမြစ်များ

La 33:12

A gbaa ma nɛ a Mawu ji Yawɛ. A gbaa ma nɛ Yawɛ hla kaa lɛ nitsɛ e ma a.

La 94:14

Yawɛ be e ma a he ngmɛɛe kɔkɔɔkɔ; nihi nɛ e je blɔ hla mɛ ɔ, e be mɛ kuae.

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

La 28:9

Yawɛ, he o ma a yi wami; moo gbaa o nina a. Moo hyɛ mɛ kɛ ya neneene kaa bɔ nɛ to hyɛlɔ hyɛɛ e tohi.

Yeremia 10:16

Yakob Mawu ɔ be kaa mɛ; lɛ ji nɔ nɛ pee nɔ́ tsuaa nɔ́, nɛ e hla Israel kɛ pee lɛ nitsɛ e ma. E biɛ ji Yawɛ Tabohiatsɛ.

Mose II, 32:9

Yawɛ ya nɔ nɛ e de Mose ke, “I kpa si nɛ i na kaa ma nɛ ɔ ji nimli komɛ nɛ a kuɛ wa saminya!

Zakaria 2:12

Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.

La 78:62

E mi mi fu lɛ nitsɛ e ma a wawɛɛ nitsɛ, nɛ e ngɔ mɛ ngɔ ha a he nyɛli nɛ a gbe mɛ kɛ klaate.

Mose II, 19:5

Lɔ ɔ he ɔ, ke nyɛ maa bu ye gbi tue, nɛ nyɛ maa ye ye somi ɔ nɔ ɔ, lɛɛ nyɛ maa pee imi nitsɛ ye ma titli pe ma amɛ kulaa; ejakaa je ɔ tsuo ye nɔ́ ji mɛ.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Yesaya 48:4

Israel bi, i le kaa nyɛ kuɛ wa; e ngɛ kpakpataa kaa dade, nɛ nyɛ yi wu tso ngɛ kpɛkpɛtɛɛ kaa akɔblee.

La 25:11

Yawɛ, ye o siwo ɔ nɔ, nɛ o ngɔ ye yayami ɔmɛ kɛ pa mi; ejakaa ye yayami ɔmɛ hiɛ babauu.

Mose IV, 14:19

I kpa mo pɛɛ, ngɔɔ ma nɛ ɔ he yayami ɔmɛ kɛ pa mɛ ngɛ o mɔbɔ nami kpetekpleenyɛ ɔ nya, kaa bɔ nɛ o ngɔ a he yayami ɔmɛ kɛ pa mɛ kɛ je Egipt hluu kɛ ba si amlɔ nɛ ɔ.”

Mose II, 34:7

I yeɔ ye si womi nɔ kɛ haa nimli akpeakpe, nɛ i ngɔɔ a he yayami kɛ tɔmi ngɔ paa mɛ. Se kɛ̃ i gblaa bimɛ kɛ bibimɛ a tue hluu kɛ ya siɔ yi nɔ etɛne kɛ eywiɛne bimɛ ngɛ a tsɛmɛ kɛ a nɛmɛ a yayamihi a he.”

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Mose V, 9:18

Jehanɛ, i ho ya kpla si ngɛ Yawɛ hɛ mi ekohu nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ. I pee ja ngɛ yayami nɛ nyɛ pee kɛ si Yawɛ kɛ wo e mi mi la a he.

Mose V, 9:26

I kpa pɛɛ ke, ‘Nyɔmtsɛ Yawɛ, mo ko kpata mo nitsɛ o ma a hɛ mi; ma nɛ ɔ, mo nitsɛ lɛ o kpɔ̃ mɛ, nɛ o je mɛ kɛ je Egipt kɛ o kɔni si wami.

Mose V, 9:29

O le kaa ma nɛ mo nitsɛ o hla ha o he, nɛ o kɛ kɔni si wami kpetekpleenyɛ je kɛ je Egipt ji nɛ ɔ nɛ.’

Mika 7:18

Yawɛ, mawu kpa ko be nɛ kɛ mo sɔ. O ma a nɛ piɛ ɔ, o kɛ a he yayami paa mɛ. O mi mi fu we kɛ yɛ neneene, se mohu ɔ, o suɔ kaa o je o suɔmi nɛ se pui gblegbleegble ɔ ngɔ tsɔɔ wɔ.

Mose II, 33:12

Mose de Yawɛ ke, “Mo kai kaa o de mi ke ma kpaka ma a kɛ ho, se o tsɔɔ we mi nɔ nɛ o maa tsɔ kɛ piɛ ye he. Mo nɔuu nɛ o de ke o le mi saminya, nɛ o bua jɔ ye he.