Mose II, 34:4 - BAIBLO ALOO NGMAMI KLƆUKLƆU Ɔ

⁴ Kɛkɛ nɛ Mose kó tɛ tɛtlɛɛ enyɔ kaa kekle ní ɔmɛ. E te si mɔtu mla, nɛ e ngɔ tɛ tɛtlɛɛ enyɔ ɔmɛ ngɔ ma e dɛ, nɛ e kuɔ kɛ ho Sinai yo ɔ nɔ ya kaa bɔ nɛ Yawɛ fa lɛ ɔ. Benɛ e yaa a, e hɛɛ tɛ tɛtlɛɛ enyɔ ɔmɛ ngɛ e dɛ mi.

Mose II, 34:4 ပူးပေါင်းရင်းမြစ်များ

Mose II, 34:1

Yawɛ de Mose ke, “Mo kó tɛ tɛtlɛɛ enyɔ kaa kekle ní ɔmɛ, konɛ ma ngma munyuhi nɛ ngɛ kekle tɛ ɔmɛ nɛ o ywia a a nɔ ɔ kɛ fɔ nɔ.

Mose V, 10:3

“Lɔ ɔ he ɔ, i ngɔ akasia tso kɛ kpɛ daka, nɛ i kó tɛ tɛtlɛɛ enyɔ kaa kekle ní ɔmɛ, nɛ i hɛɛ mɛ ngɛ ye dɛ mi kɛ kuɔ yo ɔ.

Mose II, 19:3

Mose kuɔ yo ɔ kɛ ho Mawu ngɔ ya. Kɛkɛ nɛ Yawɛ tsɛ Mose ngɛ yo ɔ mi, nɛ e de lɛ ke e ya nɛ e ya de Israel bi ɔmɛ, nɛ ji Yakob nina a ke,

Mose II, 19:20

Yawɛ kple si kɛ ba Sinai yo ɔ nɔ nɛ e tsɛ Mose, nɛ Mose kuɔ kɛ ho yo ɔ yi mi ya.

Mose II, 32:16

Mawu nitsɛ nɛ kpɛ́ tɛ tɛtlɛɛ ɔmɛ; nɛ mlaa amɛ nɛ a ngma ngɛ a nɔ ɔ hu, Mawu nitsɛ nɛ ngma.

Mose V, 10:1

“Jehanɛ, Yawɛ de mi ke, ‘Kó tɛ tɛtlɛɛ enyɔ kaa kekle ní ɔmɛ, nɛ o kpɛ tso daka nɛ a kɛ tɛ ɔmɛ maa wo mi. Ngɔɔ kɛ kuɔ yo ɔ kɛ ba ye ngɔ,