Mose II, 34:18 - BAIBLO ALOO NGMAMI KLƆUKLƆU Ɔ

¹⁸ “Moo ye Abolokplolo nyami be ɔ. Kaa bɔ nɛ i fa mo ɔ, moo ye abolo kplolo ligbi kpaago ngɛ Abib nyɔhiɔ ɔ mi be nɛ a to ɔ pɛpɛɛpɛ; ejakaa Abib nyɔhiɔ ɔ mi o je Egipt kɛ ba a nɛ.

Mose II, 34:18 ပူးပေါင်းရင်းမြစ်များ

Mose III, 23:6

Jamɛ a nyɔhiɔ ɔ nɔuu we ligbi nyɔngma kɛ enuɔne ɔ ji Abolokplolo nyami be ɔ sisije ɔ nɛ. Nyɛɛ ye abolo kplolo ligbi kpaago.

Mose II, 13:4

Mwɔnɛ ligbi nɛ ɔ, nyɛ ngɛ hiae kɛ ngɛ Egipt jee ngɛ kekleekle nyɔhiɔ, Abib ɔ mi.

Ni Tsumi 12:3

Benɛ e na kaa e ngɔ Yuda bi ɔmɛ a nya a, e ya nɔ nɛ e ha nɛ a nu Petro. (Abolokplolo nyami be mi nɛ e tsu kikɛmɛ a ní nɛ ɔ).

Luka 22:1

Jehanɛ ɔ, Abolokplolo nyami be ɔ nɛ a tsɛɛ Hetsɔmi ɔ ba su.

Marko 14:1

Benɛ e piɛ ligbi enyɔ nɛ a maa ye Hetsɔmi ɔ, kɛ Abolokplolo nyami be ɔ, osɔfo nikɔtɔma amɛ, kɛ mlaa tsɔɔli ɔmɛ hla bɔ nɛ a maa pee nɛ a nu Yesu ga mi nɛ a gbe lɛ.

Mose II, 23:15

Kekleekle nɔ́ ji Abolokplolo nyami be. Kaa bɔ nɛ i fa mo ɔ, o maa ye nyami be nɛ ɔ daa jeha ngɛ kekleekle nyɔhiɔ nɛ a tsɛɛ Abib ɔ mi; ejakaa jamɛ a be ɔ mi nɛ o je Egipt ɔ nɛ. O maa ye abolo kplolo ligbi kpaago, nɛ nɔ ko kó ba ye hɛ mi kɛ e dɛ gu.

Mose II, 12:2

“Nyɔhiɔ nɛ ɔ maa pee kekleekle nyɔhiɔ ngɛ jeha a mi ha nyɛ.

Mose II, 12:42

Jamɛ a nyɔ ɔ ji nyɔ nɛ Yawɛ huɔ nɛ e kɛ je Israel bi ɔmɛ kɛ je Egipt zugba a nɔ ɔ nɛ. Enɛ ɔ he je ɔ, jamɛ a nyɔ ɔ pee nyɔ nɛ daa jeha a, Israel bi ɔmɛ kɛ a nina tsuo huɔɔ nyɔ kɛ haa Yawɛ.

Mose IV, 28:16

“Kekleekle nyɔhiɔ ɔ we ligbi nɛ ji nyɔngma kɛ eywiɛ ɔ ji Yawɛ Hetsɔmi nyami be ɔ nɛ.

Mose IV, 28:17

Kikɛmɛ a nyɔhiɔ nɛ ɔ nɔuu we ligbi nɛ ji nyɔngma kɛ enuɔ ɔ, nyɛ maa je nyami be nguaa ko yemi sisi; nɛ a maa ye lɛ otsi sɔuu. A ye abolo kplolo pɛ jamɛ a otsi ɔ.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 23:14

“Moo ye nyami be slɔɔto etɛ ha mi ngɛ jeha mi.