Mose II, 34:1 - BAIBLO ALOO NGMAMI KLƆUKLƆU Ɔ

¹ Yawɛ de Mose ke, “Mo kó tɛ tɛtlɛɛ enyɔ kaa kekle ní ɔmɛ, konɛ ma ngma munyuhi nɛ ngɛ kekle tɛ ɔmɛ nɛ o ywia a a nɔ ɔ kɛ fɔ nɔ.

Mose II, 34:1 ပူးပေါင်းရင်းမြစ်များ

La 119:89

Yawɛ, o munyu ɔ maa hi si daa; e ngɛ kɛ yaa neneene ngɛ hiɔwe lokoo.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 32:16

Mawu nitsɛ nɛ kpɛ́ tɛ tɛtlɛɛ ɔmɛ; nɛ mlaa amɛ nɛ a ngma ngɛ a nɔ ɔ hu, Mawu nitsɛ nɛ ngma.

Mose II, 32:19

Benɛ Mose miɔ nɛ e maa su ma a sito he ɔ, nɛ́ e na na bi ɔ, kɛ ni ɔmɛ nɛ a ngɛ doe ɔ, e mi mi fu; nɛ e kɛ tɛ tɛtlɛɛ ɔmɛ nɛ e hɛɛ ngɛ e dɛ mi ɔ fia si ngɛ yo ɔ sisi, nɛ e ywia mɛ.

Mose II, 34:28

Mose kɛ Yawɛ hi lejɛ ɔ nyɔ kɛ pia ligbi nyingmi eywiɛ; e yi nɔ́ ko ɔ, nyu hu e nui. Nɛ e ngma somi munyu ɔmɛ nɛ ji mlaa nyɔngma amɛ ngɔ fɔ tɛ tɛtlɛɛ ɔmɛ a nɔ.

Mose II, 34:4

Kɛkɛ nɛ Mose kó tɛ tɛtlɛɛ enyɔ kaa kekle ní ɔmɛ. E te si mɔtu mla, nɛ e ngɔ tɛ tɛtlɛɛ enyɔ ɔmɛ ngɔ ma e dɛ, nɛ e kuɔ kɛ ho Sinai yo ɔ nɔ ya kaa bɔ nɛ Yawɛ fa lɛ ɔ. Benɛ e yaa a, e hɛɛ tɛ tɛtlɛɛ enyɔ ɔmɛ ngɛ e dɛ mi.

Yeremia 36:32

Kɛkɛ nɛ i kɛ̃ womi kpo kpa kɛ ha Baruk, womi ngmalɔ ɔ, nɛ e ngma munyuhi tsuo nɛ i tsɛ kɛ ha lɛ ɔ kɛ wo mi. Lɔ ɔmɛ ji munyuhi tsuo nɛ a ngma kɛ wo kekle womi kpo ɔ nɛ Yuda matsɛ, Yehoyakim sã a mi, kɛ munyu kpahi babauu nɛ piɛ he.

Mose V, 4:13

E tsɔɔ nyɛ bɔ nɛ nyɛ maa pee kɛ ye somi nɛ e kɛ nyɛ so ɔ nɔ; lɔ ɔ ji kaa nyɛ maa ye mlaa nyɔngma amɛ nɛ e ngma ngɛ tɛ tɛtlɛɛ enyɔ ɔmɛ a nɔ ɔ a nɔ.