Mose II, 33:9 - BAIBLO ALOO NGMAMI KLƆUKLƆU Ɔ

⁹ Ke Mose sɛ kpe he bo tsu ɔ mi pɛ kɛkɛ bɔku titima a kple si kɛ ba da kpe he bo tsu ɔ sinya a nya. Lɔ ɔ se ɔ, Yawɛ kɛ Mose maa tu munyu.

Mose II, 33:9 ပူးပေါင်းရင်းမြစ်များ

La 99:7

E kɛ mɛ tu munyu ngɛ bɔku titima mi. A ye mlaahi nɛ e wo mɛ, kɛ famihi nɛ e fa mɛ ɔ tsuo nɔ.

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Ezekiel 3:22

I nu Yawɛ he wawɛɛ ngɛ lejɛ ɔ, nɛ e de mi ke, “Tee si nɛ o ya kɔ̃ ɔ mi; i kɛ mo maa tu munyu ngɛ lejɛ ɔ.”

Mose IV, 11:17

Ma kple si, nɛ i kɛ mo ma ba tu munyu ngɛ lejɛ ɔ. Ma je mumi nɛ ngɛ o mi ɔ eko kɛ ha mɛ. A maa kpee mo kɛ tloo ma a tlomi ɔ, nɛ mo nɔ kake too pɛ o be tlooe hu.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Mose II, 34:3

“Nɔ ko nɔ ko nɛ ko piɛ o he kɛ ba; a ko na nɔ ko ngɛ yo ɔ nɔ he ko, nɛ to, loo na kó ba ye ní ngɛ yo ɔ sisi.”

Mose II, 33:11

Yawɛ kɛ Mose maa tu munyu hɛ mi kɛ hɛ mi kaa bɔ nɛ nɔ kɛ e huɛ tuɔ munyu ɔ. Ke Mose kpale e se kɛ ba ma a sito he ɔ, e tsɔlɔ niheyo wayoo nɛ ji Nun binyumu Yoshua lɛɛ e ji kpe he bo tsu ɔ mi.

Mose II, 25:22

Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.

Mose I, 18:33

Benɛ Yawɛ kɛ Abraham tu munyu gbe nya a, Yawɛ je e he, nɛ Abraham hu kpale kɛ ho we mi ya.

Mose I, 17:22

Benɛ Mawu kɛ Abraham tu munyu ta a, Mawu je e he.

Mose II, 33:8

Ke e ba mi kaa Mose yaa sɛ kpe he bo tsu ɔ mi ɔ, nɔ tsuaa nɔ maa da si ngɛ lɛ nitsɛ e bo tsu sinya nya, nɛ e maa hi Mose kuɛ se hyɛe kɛ yaa si e maa sɛ bo tsu ɔ mi.

Mose II, 33:10

Ke ma a na bɔku titima a nɛ daa si ngɛ kpe he bo tsu ɔ sinya a nya pɛ mɛ tsuo a maa te si, nɛ a ma ja Mawu.

Mose II, 34:5

Yawɛ kple si kɛ ba ngɛ bɔku mi nɛ e ba da si ngɛ Mose kasa nya, nɛ e pale lɛ nitsɛ e biɛ nɛ ji Yawɛ ɔ.

Mose V, 31:14

Enɛ ɔ se ɔ, Yawɛ de Mose ke, “O gbenɔ be su ta. Mo tsɛ Yoshua nɛ o kɛ lɛ nɛ ba bo tsu ɔ mi, konɛ ma tsɔɔ lɛ bɔ nɛ e pee.” Mose kɛ Yoshua ya bo tsu ɔ mi.

Mose V, 31:15

Kɛkɛ nɛ Yawɛ je e he kpo ngɔ tsɔɔ mɛ ngɛ bɔku titima nɛ ba da bo tsu ɔ sinya a nya a mi.

Mose IV, 7:89

Benɛ Mose ya sɛ kpe he bo tsu ɔ mi, konɛ e kɛ Yawɛ nɛ ya tu munyu ɔ, e nu Yawɛ gbi nɛ e kɛ lɛ ngɛ munyu tue kɛ je somi daka a nya nɔ́ ɔ yi mi, ngɛ kerub enyɔ ɔmɛ a kpɛti.