Mose II, 33:5 - BAIBLO ALOO NGMAMI KLƆUKLƆU Ɔ

⁵ Yawɛ fa Mose ke e de ma a ke, “Ma nɛ kuɛ wa ji nyɛ; ke i kɛ nyɛ nyɛɛ hɛngmɛfia po, ma kpata nyɛ hɛ mi pɛsɛpɛsɛ. Lɔ ɔ he ɔ, nyɛ je nyɛ june ní ɔmɛ ngɛ nyɛ he, konɛ ma hyɛ bɔ nɛ ma pee nyɛ ha.”

Mose II, 33:5 ပူးပေါင်းရင်းမြစ်များ

Mose IV, 16:21

“Nyɛɛ hɛ nyɛ kɛ je ma nɛ ɔ he kɛ ya se, nɛ ma kpata a hɛ mi hɛngmɛfia.”

La 139:23

Mawu, hyɛ ye tsui mi nɛ o le mi. Kaa mi nɛ o hyɛ, nɛ o na níhi nɛ ngɛ ye juɛmi mi.

Kɔmɔ Yemi 4:6

A gbla ye ma a tue wawɛɛ pe Sodom. Sodom lɛɛ e tue gblami ɔ ba ngɛ hɛngmɛfia mi, nɛ adesa nine be mi.

Yesaya 22:12

Jamɛ a ligbi ɔ, Nyɔmtsɛ Yawɛ Tabohiatsɛ ɔ tsɛ ke nyɛ fo ya nɛ nyɛɛ ye kɔmɔ; nyɛɛ sɛ nyɛ yi kpalokpalo, nɛ nyɛɛ ha kpekpe ya bo,

La 73:19

Ee, a hɛ mi ma kpata si kake too; a nyagbe maa pee gbeye.

Hiob 34:20

Nɔmlɔ gboɔ tlukaa, Mawu fiaa nimli adesahi nɔ́ nyɔ mi kɛkɛ a hɛ mi kpata. Nimli nguahi po Mawu gbeɔ mɛ nɛ adesa nine be mi.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Mose I, 18:21

Lɔ ɔ he ɔ, i yaa lejɛ ɔ nɛ ma ya hyɛ kaa níhi nɛ i nu ngɛ a he ɔ, e ngɛ mi ja, loo e be mi.”

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Mose II, 32:9

Yawɛ ya nɔ nɛ e de Mose ke, “I kpa si nɛ i na kaa ma nɛ ɔ ji nimli komɛ nɛ a kuɛ wa saminya!

Mose II, 33:6

Kɛkɛ nɛ Israel bi ɔmɛ kplɔ a he june ní ɔmɛ, nɛ kɛ je Horeb yo ɔ he kɛ yaa a, a ti nɔ ko nɔ ko wui june ní hu.

Yesaya 48:4

Israel bi, i le kaa nyɛ kuɛ wa; e ngɛ kpakpataa kaa dade, nɛ nyɛ yi wu tso ngɛ kpɛkpɛtɛɛ kaa akɔblee.

Yoel 2:12

Yawɛ ke, “Nyɛ tsake nyɛ tsui anɔkuale mi, nɛ nyɛɛ kpale kɛ ba ye ngɔ nɔuu. Nyɛɛ ha hwɔ; nyɛɛ wo yana, nɛ nyɛɛ ye kɔmɔ.