Mose II, 33:16 - BAIBLO ALOO NGMAMI KLƆUKLƆU Ɔ

¹⁶ Ke o kɛ wɔ yɛ ɔ nɛɛ, kɛ a maa pee kɛ na kaa o ngɛ i kɛ o ma a wa he suɔmi kɛɛ? Ke o kɛ wɔ nyɛɛ ɔ, lɔ ɔ loko i kɛ o ma a maa je muno ngɛ zugba a nɔ je ma amɛ tsuo a he.”

Mose II, 33:16 ပူးပေါင်းရင်းမြစ်များ

Mose V, 4:7

“Ma kpetekpleenyɛ te nɛ ngɛ nɛ e mawuhi baa e kasa nya kikɛ nɛ ɔ, kaa bɔ nɛ Yawɛ, wa Mawu ɔ baa wa ngɔ be tsuaa be nɛ wa tsɛ lɛ ɔ?

Mose IV, 14:14

a maa sɛɛ ha zugba nɛ ɔ nɔ bi. Nimli nɛ ɔmɛ nu momo kaa mo Yawɛ, o ngɛ wa kpɛti. Nimli nɛ ɔmɛ nu momo kaa mo Yawɛ, o bɔku ɔ ba daa si ngɛ wa yi mi, nɛ a naa mo paa hɛ mi kɛ hɛ mi. A nu momo kaa piani ɔ, o nyɛɛɔ wa hɛ mi ngɛ bɔku titima mi, nɛ nyɔ mi lɛɛ o nyɛɛɔ wa hɛ mi ngɛ la titima mi.

Matsɛmɛ I, 8:53

Mo lɛ o hla mɛ kɛ je je ma amɛ tsuo a kpɛti, nɛ o kɛ mɛ ba pee mo nitsɛ o ma kaa bɔ nɛ o gu o tsɔlɔ, Mose nɔ de mɛ, benɛ o je wa nɛmɛ ɔmɛ kɛ je Egipt ɔ.”

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Mose II, 34:10

Yawɛ de Mose ke “Hyɛ i kɛ Israel ma a ngɛ soe. Ma pee nyakpɛ níhi ngɛ a kpɛti nɛ eko bɛ hyɛ ngɛ je nɛ ɔ mi he ko he ko, aloo ngɛ ma ko ma ko mi. Je ma amɛ tsuo nɛ bɔle mo ɔ maa na ní nguahi nɛ imi Yawɛ, i ngɛ tsue; ejakaa nɔ́ nɛ i yaa pee ha mo ɔ he ngɛ gbeye.

2 Korintobi 6:17

Lɔ ɔ he ɔ, Nyɔmtsɛ ɔ ke, “Nyɛɛ je a kpɛti, nɛ nyɛ tsɔ nyɛ he kɛ je a he. Nyɛ ko ta nɔ́ ko nɛ he tsɔ we he; nɛ ma he nyɛ atuu.

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

Mose II, 8:22

Jamɛ a be ɔ mi ɔ, ma je Goshen zugba a, he nɛ ye ma a ngɛ ɔ kɛ je mi, nɛ pwɔlwɛhi be lejɛ ɔ yae, konɛ o le kaa i ngɛ ní tsue ngɛ zugba a nɔ.

La 147:20

E pee we kikɛ nɛ ɔ ha we ma ko ma ko hyɛ, nɛ e mlaa amɛ hu, ma kpa ko li. Nyɛ je Yawɛ yi!

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose IV, 23:9

I da tɛ sa amɛ a nɔ kɛ hyɛ mɛ; i na mɛ kɛ je yoku ɔmɛ a yi mi. O nɛ, ma kake mi bi ji mɛ; a kɛ a he bɔɛ ma je li ɔmɛ a he!

Mose III, 20:24

Se nyɛɛ lɛɛ i wo nyɛ si ke, ma ngɔ zugba kpakpa nɛ baa ní saminya nɛ ɔ kɛ ha nyɛ nɛ e pee nyɛ weto ní. Imi ji Yawɛ, nyɛ Mawu ɔ nɛ; imi nɛ i hla nyɛ kɛ je je ma amɛ a mi kɛ to ɔ nɛ.

Mose III, 20:26

Nyɛɛ pee nyɛ he klɔuklɔu, ejakaa imi Yawɛ ɔ, i ngɛ klɔuklɔu. I hla nyɛ kɛ je je ma amɛ a kpɛti, konɛ nyɛɛ pee ye ma.

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”