Mose II, 33:12 - BAIBLO ALOO NGMAMI KLƆUKLƆU Ɔ

¹² Mose de Yawɛ ke, “Mo kai kaa o de mi ke ma kpaka ma a kɛ ho, se o tsɔɔ we mi nɔ nɛ o maa tsɔ kɛ piɛ ye he. Mo nɔuu nɛ o de ke o le mi saminya, nɛ o bua jɔ ye he.

Mose II, 33:12 ပူးပေါင်းရင်းမြစ်များ

Mose II, 33:17

Yawɛ de Mose ke, “Nɔ́ nɛ o bi nɛ ɔ hu ma pee ha mo; ejakaa i le mo saminya, nɛ i ngɛ o he bua jɔmi.”

Yeremia 1:5

“Loko i puɛ mo kɛ wo muklii mi ɔ, jamɛ a be ɔ mi ɔ, i le mo momo. Benɛ a na we nɛ a fɔ mo ɔ, jamɛ a be ɔ mi ɔ, i hla mo ngɔ to momo nɛ́ o ba gba kɛ tsɔɔ je ma amɛ.”

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Yesaya 43:1

Se jehanɛ lɛɛ Israel, Yawɛ nɛ bɔ mo ɔ ngɛ mo dee ke, “Koo ye gbeye. Imi nitsɛ ma he o yi wami. O biɛ i ngɔ kɛ tsɛ mo ɔ nɛ; ye nɔ́ ji mo.

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Mose II, 33:1

Yawɛ de Mose ke, “Ma a nɛ o kpaka kɛ je Egipt zugba a nɔ ɔ, o kɛ mɛ nɛ je hiɛ ɔ kɛ ho zugba a nɛ i wo Abraham, Isak, kɛ Yakob si ke ma ngɔ kɛ ha a nina a nɔ ya.

Mose II, 3:10

Lɔ ɔ he ɔ, ha nɛ ma tsɔ mo Farao ɔ ngɔ nɛ o ya je ye ma, nɛ ji Israel bi ɔmɛ kɛ je Egipt.”

La 1:6

Ejakaa Yawɛ buu dali a he, se yayami peeli lɛɛ a hɛ mi ma kpata.

Mose II, 33:2

Ma tsɔ bɔfo ko kɛ nyɛɛ o hɛ mi, nɛ ma fie Kanaan bi, Amor bi, Hit bi, Periz bi, Hiv bi, kɛ Yebus bi ɔmɛ tsuo kɛ je blɔ ɔ nɔ,

Yesaya 45:3

Ma je juetli kpo ha mo kɛ je diblii mi, kɛ je hehi nɛ a ngɔ mɛ ngɔ laa ngɛ ɔ, konɛ o na nɛ o le kaa imi Yawɛ, Israel Mawu ɔ, i le mo, nɛ i kɛ o biɛ tsɛɔ mo.

Hagai 2:5

Benɛ nyɛ maa je Egipt ɔ, i wo nyɛ si nɛ ɔ ke ye mumi ɔ kɛ nyɛ maa hi si daa. I kɛ nyɛ ngɛ kɛ mwɔɔ, lɔ ɔ he ɔ, nyɛ ko ye gbeye.

Mose II, 3:4

Benɛ Yawɛ na kaa e gba kɛ ma hyɛmi ɔ, e tsɛ lɛ kɛ je mio tso ɔ mi ke, “Mose! Mose!” Nɛ Mose he nɔ ke, “Tsaatsɛ! Imi ji nɛ!”

Mose II, 34:9

E de ke, “Yawɛ, ke niinɛ nɛ o ngɛ ye he bua jɔmi ɔ, lɛɛ i kpa mo pɛɛ nɛ o kɛ wɔ nɛ ya. E ngɛ mi kaa ma nɛ ɔ kuɛ wa mohu, se moo ngɔ wa tɔmi ɔmɛ, kɛ wa he yayami ɔmɛ kɛ pa wɔ, nɛ o ngɔ wɔ kɛ pee mo nitsɛ o ma.”

Samuel II, 15:25

Jehanɛ, matsɛ ɔ de Zadok ke, “Moo kpale Mawu somi daka a kɛ ho ma a mi ya. Ke Yawɛ suɔ ɔ, e maa kpale mi kɛ ba nɛ ma ba na daka a kɛ e hi he ɔ ekohu.