Mose II, 33:1 - BAIBLO ALOO NGMAMI KLƆUKLƆU Ɔ

¹ Yawɛ de Mose ke, “Ma a nɛ o kpaka kɛ je Egipt zugba a nɔ ɔ, o kɛ mɛ nɛ je hiɛ ɔ kɛ ho zugba a nɛ i wo Abraham, Isak, kɛ Yakob si ke ma ngɔ kɛ ha a nina a nɔ ya.

Mose II, 33:1 ပူးပေါင်းရင်းမြစ်များ

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Mose I, 26:1

Hwɔ ba zugba a nɔ; slo hwɔ nɛ ba ngɛ Abraham yi nɔ ɔ; nɛ Isak ho Filisti bi ɔmɛ, a Matsɛ Abimelek ngɔ ya ngɛ Gerar.

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Mose I, 28:10

Yakob je Beersheba, nɛ e pue blɔ kɛ yaa Haran.

Mose I, 50:24

Yosef de e nyɛmimɛ ɔmɛ ke, “E be kɛe nɛ ma gbo. Se Mawu maa hyɛ nyɛ nɔ kɛ̃, nɛ e ma kpaka nyɛ kɛ je zugba nɛ ɔ nɔ kɛ ya zugba a nɛ e wo Abraham, kɛ Isak, kɛ Yakob he si ɔ nɔ.”

Mose II, 17:3

Se kuma ngɛ ma a yee, nɛ a tu munyu huitihuiti kɛ si Mose, nɛ a de ke, “Mɛni he je o je wɔ kɛ je Egipt nɛ o ma ha nɛ kuma ba gbe wɔ, wa bimɛ, kɛ wa lohwehi tsuo nɛ ɔ?”

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Mose II, 32:13

Mo kai o tsɔli Abraham, Isak, kɛ Yakob. Mo kai mo nitsɛ o kita nɛ o ka ke, ‘Ma ha nɛ nyɛ nina maa hiɛ babauu kaa hiɔwe dodoehi, nɛ ma ngɔ zugba nɛ ɔ tsuo nɛ i wo nyɛ e he si ɔ kɛ ha mɛ, nɛ e maa pee a nɔ kɛ ya neneene ɔ.’ ”

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Mose II, 32:7

Yawɛ de Mose ke, “Mo kple si esɔesɔ; ejakaa o ma nɛ ji ni ɔmɛ nɛ o kpaka kɛ je Egipt zugba a nɔ kɛ ba a, a ble a he.

Mose III, 20:24

Se nyɛɛ lɛɛ i wo nyɛ si ke, ma ngɔ zugba kpakpa nɛ baa ní saminya nɛ ɔ kɛ ha nyɛ nɛ e pee nyɛ weto ní. Imi ji Yawɛ, nyɛ Mawu ɔ nɛ; imi nɛ i hla nyɛ kɛ je je ma amɛ a mi kɛ to ɔ nɛ.

Mose IV, 11:12

Imi lɛ i ngɔ nimli nɛ ɔmɛ tsuo a hɔ? Imi lɛ i fɔ mɛ, loko o deɔ mi ke ma hɛɛ mɛ ngɛ ye mi si kaa bimɛanyɛ hɛɛɔ bimwɔyo, kɛ ya zugba nɛ o ka kita ke o maa ngɔ kɛ ha a tsɛmɛ ɔmɛ ɔ nɔ ɔ?

Ni Tsumi 7:36

Lɛ nɛ e nyɛɛ a hɛ mi kɛ je Egipt, nɛ e pee nyakpɛ níhi, kɛ okadihi ngɛ lejɛ ɔ, kɛ Wo Tsu ɔ mi, kɛ nga a nɔ jeha nyingmi eywiɛ.

Mose V, 1:8

Zugba nɛ ɔ tsuo nɛ imi Yawɛ, i wo nyɛ nɛmɛ Abraham, Isak, kɛ Yakob si ke ma ngɔ ha mɛ, kɛ a nina a nɛ. Nyɛɛ ya nɛ nyɛ ya ngɔ zugba a tsuo kulaa.”