Mose II, 32:5 - BAIBLO ALOO NGMAMI KLƆUKLƆU Ɔ

⁵ Benɛ Aaron na nɔ́ nɛ ɔ, e puɛ bɔ sami la tɛ ngɛ sika tsu na bi ɔ hɛ mi, nɛ e fiɛ ke, “Hwɔɔ ɔ, a maa ye nyami ligbi ha Yawɛ.”

Mose II, 32:5 ပူးပေါင်းရင်းမြစ်များ

Matsɛmɛ II, 10:20

Jehanɛ, Yehu fa ke a fiɛ nɛ a kɛ kpee ma a kɛ ba ye nyami ligbi pɔtɛɛ ko kɛ wo Baal hɛ mi nyami; nɛ a pee ja.

Mose III, 23:37

Nyami behi nɛ a kɛ jaa Yawɛ ji nɛ ɔmɛ nɛ. Níhi nɛ nyɛɛ pee ji nɛ ɔmɛ: nyɛ bua nyɛ he nya nɛ nyɛ ja Mawu. Nyɛɛ ngɔ nyɛ niye ní bɔ ɔmɛ nɛ a kɛ la sãã a, sami bɔ ɔmɛ, ngma bɔ ɔmɛ, kɛ a he wai bɔ ɔmɛ kɛ ba ha Yawɛ kaa bɔ nɛ a to ha ligbi slɔɔtoslɔɔto ɔmɛ.

1 Korintobi 5:8

Lɔ ɔ he ɔ, ke wa ngɛ wa Hetsɔmi nyami be ɔ yee ɔ, nyɛ ko ha nɛ waa ngɔ ma momo kɛ ye. Ma momo nɛ ɔ ji yayami, kɛ yi wu tso níhi. Nyɛ ha waa ye lɛ ngɛ anɔkuale yemi mi.

Hosea 8:14

“Israel ma a hɛ je a bɔlɔ ɔ nɔ, nɛ a ya ma we nguanguahi. Yuda ma hu po mahi babauu nɛ a fia gbogbo ngɔ wo a he. Se ma ha la maa sã we nguangua amɛ, kɛ ma amɛ nɛ a fia gbogbo wo a he ɔ tsuo.”

Hosea 8:11

“Israel ma a puɛ bɔ sami la tɛ babauu nɛ a kɛ ma je a he yayami, se yayami mohu a ngɛ pee ngɛ lejɛ ɔmɛ tsuo.

Kronika II, 30:5

Lɔ ɔ he ɔ, a to kaa á ya kpee Israel bi ɔmɛ tsuo kɛ ba Yerusalem, konɛ a ba ye Hetsɔmi ɔ kaa bɔ nɛ mlaa a tsɔɔ ɔ. Á je Dan ngɛ omleyi je, kɛ Beersheba ngɛ leneyi je kɛ ba, nɛ a he nɛ hiɛ babauu pe bɔ nɛ a baa daa a.

Matsɛmɛ II, 16:11

Nɛ loko Matsɛ Ahaz je Damasko kɛ ba a, osɔfo Uria puɛ bɔ sami la tɛ nɛ henɔ ngɛ kaa nɔ́ nɛ Matsɛ Ahaz ngɔ kɛ mane lɛ kɛ je Damasko ɔ pɛpɛɛpɛ.

Matsɛmɛ I, 21:9

E ngma ngɛ womi ɔ mi ke, “Nyɛɛ fiɛ nɛ a ha hwɔ ligbi mluku, nɛ a bua ma a nya, nɛ a ha Nabot blɔ he nguaa ko.

Samuel I, 14:35

Saul puɛ bɔ sami la tɛ kɛ ha Yawɛ, nɛ lɔ ɔ ji kekleekle bɔ sami la tɛ nɛ e puɛ.

Mose III, 23:21

Jamɛ a ligbi ɔ, nɔ ko nɔ ko kó tsu ní tsumi kpakpataa ko, se nyɛ bua nyɛ he nya, nɛ nyɛ ja Mawu. Enɛ ɔ ji mlaa nɛ maa fɔ si kɛ maa ya neneene ha nyɛ yi nɔ ɔmɛ tsuo pɛpɛɛpɛ ngɛ nyɛ sihi he ɔmɛ tsuo.

Mose III, 23:4

Nyɛɛ fiɛ nyami ligbi nɛ ɔmɛ ngɛ a be ɔmɛ a mi pɛpɛɛpɛ kɛ ha ma a.

Mose II, 32:4

E he tue nya ní ɔmɛ ngɛ a dɛ nɛ e sile, nɛ e plɛ sika tsu nyu ɔ kɛ wo tso nɛ a kpɛ́ mi, nɛ e kɛ pee sika tsu na bi. Kɛkɛ nɛ ma a de ke, “Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!”

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Mose II, 10:9

Mose ha lɛ heto ke, “Wɔ tsuo pɛpɛɛpɛ nɛ wa maa ya a nɛ; jokuɛwi kɛ nikɔtɔmahi. Waa kɛ wa binyumuhi, wa biyihi, kɛ wa lohwehi kulaa maa ya; ejakaa wa yaa nɛ wa ya ye nyami ligbi kɛ wo Yawɛ hɛ mi nyami.”

Mose II, 32:6

E nɔ jena makɛ mla a, ma a te si nɛ a sã sami bɔhi, nɛ a kɛ tue mi jɔmi bɔhi hu ba. Ma a pue si, nɛ a ye ní, nɛ a nu ní; nɛ lɔ ɔ se ɔ, a fiɛ yo kɛ nyumu yakayaka fiɛmihi.

Mose II, 17:15

Mose ma bɔ sami la tɛ ko nɛ e wo lɛ ke, “Yawɛ ji ye we aflangaa.”