Mose II, 32:4 - BAIBLO ALOO NGMAMI KLƆUKLƆU Ɔ

⁴ E he tue nya ní ɔmɛ ngɛ a dɛ nɛ e sile, nɛ e plɛ sika tsu nyu ɔ kɛ wo tso nɛ a kpɛ́ mi, nɛ e kɛ pee sika tsu na bi. Kɛkɛ nɛ ma a de ke, “Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!”

Mose II, 32:4 ပူးပေါင်းရင်းမြစ်များ

Matsɛmɛ I, 12:28

Matsɛ Yeroboam susu nɔ́ nɛ ɔ he saminya. Lɔ ɔ se ɔ, e kɛ sika tsu puɛ na bi enyɔ, nɛ e de ma a ke, “Bɔ nɛ nyɛ nyɛɛ kɛ ya Yerusalem ɔ ba hiɛ! Israel ma, nyɛ mawu ɔmɛ nɛ je nyɛ kɛ je Egipt zugba a nɔ ɔ, mɛ ji nɛ ɔmɛ nɛ!”

Matsɛmɛ I, 12:32

Jehanɛ, Yeroboam ngɔ nyɔhiɔ kpaanyɔne ɔ we ligbi nɛ ji nyɔngma kɛ enuɔ ɔ ngɔ pee nyami ligbi kaa bɔ nɛ e ngɛ ngɛ Yuda a. E ya sãã bɔ ngɛ bɔ sami la tɛ ɔ nɔ ngɛ Betel kɛ haa sika tsu na bi ɔmɛ nɛ e puɛ ɔ. E ngɔ osɔfo ɔmɛ hu ya to jami he ɔmɛ nɛ e ma ngɛ Betel ɔ.

Matsɛmɛ II, 10:20

Jehanɛ, Yehu fa ke a fiɛ nɛ a kɛ kpee ma a kɛ ba ye nyami ligbi pɔtɛɛ ko kɛ wo Baal hɛ mi nyami; nɛ a pee ja.

Matsɛmɛ II, 10:29

Se lɛ hu e ya wo Matsɛ Yeroboam, Nebat binyumu ɔ nane; nɛ e pee yayami. Lɔ ɔ ji sika tsu na bi ɔmɛ nɛ Yeroboam pee kɛ ma Betel kɛ Dan nɛ e ha Israel ja mɛ, nɛ lɔ ɔ plɛ yayami ha mɛ ɔ, Yehu hu ya nɔ nɛ e ja mɛ ja nɔuu.

Kronika II, 11:15

Yeroboam wo osɔfohi nɛ lɛ nitsɛ e suɔ, nɛ e ha nɛ a sɔmɔ ngɛ jami he ɔmɛ; a ja wɔhi, kɛ amagahi nɛ ngɛ kaa na bi nɛ lɛ Yeroboam ɔ puɛ.

Kronika II, 13:8

Jehanɛ lɛɛ, he wami ɔ nɛ Yawɛ ngɔ ha David nina kaa mɛ lɛ a yeɔ matsɛ ɔ, nyɛ ngɛ hlae nɛ nyɛɛ te si kɛ si jamɛ a he wami ɔ. Nyɛ he hiɛ babauu, nɛ sika tsu na bihi, nɛ ji mawuhi nɛ Yeroboam pee kɛ ha nyɛ ɔ hu ngɛ nyɛ dɛ.

Nehemia 9:18

Benɛ a puɛ amaga ko nɛ ngɛ kaa na ku, nɛ a de ke amaga nɛ ɔ nɛ kpaka mɛ kɛ je Egipt kɛ ba a, a bɔ musu babauu kɛ si mo Yawɛ.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Mose II, 20:23

Nyɛ ko ngɔ sika hiɔ, loo sika tsu kɛ pee mawuhi ha nyɛ he nɛ nyɛ ja kɛ piɛ ye he.

Mose II, 20:4

“Koo puɛ amaga, loo nɔ́ ko nɛ ngɛ kaa nɔ́ ko nɛ ngɛ hiɔwe, loo nɔ́ ko nɛ ngɛ zugba a nɔ, loo nɔ́ ko nɛ ngɛ nyu mi ngɛ zugba a sisi.

Mose II, 28:11

Mo kpɛ́ Yakob bimɛ ɔmɛ a biɛhi ngɛ tɛ ɔmɛ a nɔ kaa bɔ nɛ june he ní tsulɔ peeɔ ɔ, nɛ o sile sika tsu kɛ bɔle tɛ ɔmɛ kɛ kpe.

Mose II, 28:9

Yaa hla shoham tɛ enyɔ, nɛ o ngma Yakob binyumu ɔmɛ a biɛhi ngɛ a nɔ

Mose II, 32:1

Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Mose II, 32:24

I de mɛ ke, ‘Nɔ tsuaa nɔ nɛ ngɛ sika tsu ɔ, e ngɔ kɛ ba.’ A ngɔ kɛ ba, nɛ i sake kɛ fɔ la mi, nɛ nɔ́ nɛ je mi kɛ ba ji kikɛmɛ a na bi nɛ ɔ nɛ!”

Mose II, 32:3

Kɛkɛ nɛ ma a tsuo je sika tsu tue nya ní ɔmɛ ngɛ a tue mi, nɛ a ngɔ kɛ ba ha Aaron.

Mose II, 32:35

Lɔ ɔ he ɔ, Yawɛ kɛ gbenɔ hiɔ gbla ma a tue; ejakaa a nyɛ Aaron nɔ nɛ e pee sika tsu na bi ha mɛ.

Mose II, 32:5

Benɛ Aaron na nɔ́ nɛ ɔ, e puɛ bɔ sami la tɛ ngɛ sika tsu na bi ɔ hɛ mi, nɛ e fiɛ ke, “Hwɔɔ ɔ, a maa ye nyami ligbi ha Yawɛ.”

Mose II, 32:7

Yawɛ de Mose ke, “Mo kple si esɔesɔ; ejakaa o ma nɛ ji ni ɔmɛ nɛ o kpaka kɛ je Egipt zugba a nɔ kɛ ba a, a ble a he.

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Yesaya 30:22

Nyɛ ma ble nyɛ we amaga amɛ; amagahi nɛ a ngɔ sika hiɔ kɛ ha a he, kɛ ní nɛmɛ nɛ a ngɔ sika tsu kɛ ha a he ɔ tsuo. Nyɛ maa hɛ mɛ kɛ fɔ he kaa ní komɛ nɛ a he tsɔ we; nyɛ ma de mɛ ke, “Nyɛɛ ho!”

Yesaya 46:6

Nihi jeɔ sika tsu babauu kɛ jee a kotoku mi, nɛ a ngmɛɛ sika hiɔ ngɛ sɛni tɛ nɔ. A bɔɔ sika tsu galɔ apaa, nɛ e kɛ peeɔ amaga ha mɛ; kɛkɛ ɔ, a kplaa si nɛ a jaa amaga a!

Ezekiel 23:8

Yahomi nɛ e je sisi kɛ je e yihe mi ngɛ Egipt, he nɛ a fiɛ e nyɔ he, nɛ a kɛ lɛ bɔ ajuama nɛ a puɛ lɛ ngɛ ɔ, e kpa we.

Hosea 10:5

Samaria bi maa ye gbeye, nɛ a maa ye kɔmɔ ngɛ sika tsu na ku ɔ nɛ ngɛ Betel nɛ a kpata e hɛ mi ɔ he. A kɛ lakpa osɔfo ɔmɛ tsuo ma nya awe kaa amaga a hɛ mi nyami ɔ laa mɛ.

Hosea 13:2

A ngɛ yayami pee kɛ mwɔɔ. A ngɛ amagahi jae. Se amaga nɛ ɔmɛ ɔ, nimli a juɛmi kɛ a nine nya ní tsumi nɛ a kɛ sika hiɔ pee ji mɛ. Amagahi nɛ a ngɛ kaa na bi ɔ, ní nɛ ɔmɛ nyɛ ke a sã bɔ ha lo? Kɛ nimli adesahi maa pee kɛɛ nɛ a ma fiɔ ní nɛ ɔmɛ a nya he?

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.

Ni Tsumi 7:41

Kɛkɛ nɛ a pee na bi, nɛ a sã bɔ ngɔ ha amaga nɛ ɔ; nɛ mɛ nitsɛmɛ a nine nya ní tsumi ɔ, a na he bua jɔmi babauu.

1 Korintobi 10:7

Nyɛ ko ja amaga kaa bɔ nɛ a ti ni komɛ pee ɔ. Kaa bɔ nɛ ngmami ɔ deɔ ɔ, “Ma a pue si, nɛ a ye ní, nɛ a nu ní, nɛ a fiɛ yakayaka fiɛmihi.”

Mose V, 9:16

I na kaa mlaa a nɛ Yawɛ, nyɛ Mawu ɔ wo nyɛ ɔ, nyɛ tɔ̃ nɔ mo. Nyɛ pee yayami kɛ si Yawɛ, nyɛ Mawu ɔ. Nyɛ ngɔ dade kɛ ya sɔ̃ amaga nɛ ngɛ kaa na bi.

Manyadali 8:24

Gideon ya nɔ nɛ e de mɛ ke, “Ma bi nyɛ nɔ́ ko. Nyɛ ti nɔ tsuaa nɔ nɛ ngɔ tue nya ní nɛ e ha ngɛ ta a mi ɔ kɛ ba.” (Midian bi ɔmɛ woɔ sika tsu tue nya ní; ejakaa Ishmael bi ji mɛ.)

Manyadali 8:27

Gideon ngɔ ní ɔmɛ kɛ pee amaga, nɛ e kɛ to Ofra nɛ ji e ma a mi. Israel bi ɔmɛ tsuo je Mawu se, nɛ a ya ja amaga nɛ ɔ ngɛ lejɛ ɔ; nɛ nɔ́ nɛ ɔ plɛ pee klama kɛ ha Gideon kɛ e we ɔ.