Mose II, 32:33 - BAIBLO ALOO NGMAMI KLƆUKLƆU Ɔ

³³ Yawɛ he nɔ ke, “Nihi nɛ pee yayami kɛ si mi ɔ, mɛ pɛ a biɛ ma gbe ngɛ ye womi ɔ mi ɔ nɛ.

Mose II, 32:33 ပူးပေါင်းရင်းမြစ်များ

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

La 69:28

Ha nɛ a gbe a biɛ ngɛ nihi nɛ ngɛ je mi kɛ mwɔɔ ɔ a womi ɔ mi, nɛ a ko ngma a biɛ kɛ piɛ nihi nɛ peeɔ nɔ́ nɛ da a he.

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

La 9:5

O ka je ma amɛ a hɛ mi. O kpata yayami peeli a hɛ mi, nɛ a biɛ laa pɛsɛpɛsɛ.

Mose III, 23:30

Nɔ tsuaa nɔ nɛ ma tsu nɔ́ ko ngɛ ligbi nɛ ɔ nɔ ɔ, imi nitsɛ ma kpata e hɛ mi.

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.

Mose II, 17:14

Yawɛ de Mose ke, “Ngmaa nɔ nɛ ɔ kɛ wo womi mi nɛ e pee kaimi nɔ́. Ha nɛ e su Yoshua kaa ma kpata Amalek bi ɔmɛ a hɛ mi, nɛ a be mɛ kaie hu ngɛ zugba a nɔ.”

La 69:29

Se imi lɛɛ ye ní ngɛ mɔbɔ; i ngɛ nɔ́ nae. Mawu, wo ye nɔ, nɛ o he ye yi wami!

Ezekiel 18:20

Nɔ nɛ peeɔ yayami ɔ, lɛ nɔuu lɛ ma gbo. Bi be nɔ́ nae ngɛ e tsɛ yayamihi a he, nɛ tsɛ hu be nɔ́ nae ngɛ yayamihi nɛ e bi pee ɔ a he. Nɔ nɛ peeɔ nɔ́ nɛ da a ma na hiɔwo kpakpa, se nɔ nɛ peeɔ yayami ɔ, a maa gbla e tue ngɛ yayamihi nɛ e pee ɔ a he!