Mose II, 32:32 - BAIBLO ALOO NGMAMI KLƆUKLƆU Ɔ

³² Ke e maa hi ɔ, moo ngɔ a he yayami ɔ ngɔ pa mɛ. Se ke o kɛ a he yayami ɔ be mɛ pae ɔ, lɛɛ i kpa mo pɛɛ nɛ o gbe ye biɛ ngɛ womi ɔ nɛ o ngmaa o ni ɔmɛ a biɛ ngɛ mi ɔ mi mɔ.”

Mose II, 32:32 ပူးပေါင်းရင်းမြစ်များ

La 69:28

Ha nɛ a gbe a biɛ ngɛ nihi nɛ ngɛ je mi kɛ mwɔɔ ɔ a womi ɔ mi, nɛ a ko ngma a biɛ kɛ piɛ nihi nɛ peeɔ nɔ́ nɛ da a he.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Filipibi 4:3

Nɛ mo, ye nyɛmi sɔmɔlɔ anɔkualetsɛ, i ngɛ mo pɛɛ kpae nɛ o ye bua yi nɛ ɔmɛ. Ejakaa a kɛ Klemente, kɛ nyɛmimɛ kpahi nɛ waa kɛ mɛ sɔmɔ ɔ, piɛ ye he kɛ tsu ní wawɛɛ kɛ fiɛ sane kpakpa a. A ngma nimli nɛ ɔmɛ tsuo a biɛ ngɛ Mawu wami womi ɔ mi.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

Daniel 12:1

Bɔfo ɔ nɛ wo kploba tade ɔ de ke, “Jamɛ a be ɔ mi ɔ, Mikael maa ba. Lɛ ji ganɔ ngua a nɛ buu o ma a he ɔ nɛ. Jehanɛ, haomi nɛ a nɛ eko hyɛ kɛ je be nɛ je ma amɛ bɔ ade ɔ maa ba. Ke jamɛ a be ɔ su ɔ, o ma mi bi ɔmɛ tsuo nɛ a ngma a biɛ kɛ wo Mawu womi ɔ mi ɔ, a ma he a yi wami.

Kpojemi 3:5

Nihi nɛ maa ye kunimi ɔ, a maa wo ní hiɔ ha mɛ kaa kikɛ nɛ ɔ, nɛ i be a biɛ gbee ngɛ hɛ kali a womi ɔ mi. Nɛ ma jaje ngɛ Tsaatsɛ kɛ e bɔfo ɔmɛ a hɛ mi paa kaa ye nihi ji mɛ.

La 139:16

Benɛ a na we nɛ a fɔ mi lolo po ɔ, a ngma ye wami be ɔ tsuo ngɛ o womi ɔ mi momo.

La 56:8

O le bɔ nɛ i ngɛ haoe ha; ye vo nyu ma hyi o tɔ ɔ. Tse o kadi lɛ tsuo ngɔ wo o womi ɔ mi?

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

Mose V, 25:19

Lɔ ɔ he ɔ, ke Yawɛ, o Mawu ɔ ngɔ zugba a ngɔ ha mo, nɛ e je mo kɛ je o he nyɛli tsuo nɛ bɔle mo kɛ kpe ɔ a dɛ mi ɔ, hyɛ nɛ o gbe Amalek bi ɔmɛ tsuo, konɛ nɔ ko kó kai mɛ hu. O hɛ ko je nɔ kɔkɔɔkɔ!

Mose V, 9:14

Ha mi blɔ nɛ ma kpata a hɛ mi, nɛ́ nɔ ko nɔ ko kó kai mɛ gblegbleegble hu. Lɔ ɔ se ɔ, ma pee mo tsɛ ha ma ko nɛ kle, nɛ e he wa pe mɛ.’

Mose IV, 14:19

I kpa mo pɛɛ, ngɔɔ ma nɛ ɔ he yayami ɔmɛ kɛ pa mɛ ngɛ o mɔbɔ nami kpetekpleenyɛ ɔ nya, kaa bɔ nɛ o ngɔ a he yayami ɔmɛ kɛ pa mɛ kɛ je Egipt hluu kɛ ba si amlɔ nɛ ɔ.”

Mose II, 32:10

Lɔ ɔ he ɔ, moo hɛ mo kɛ ya se; i kɛ mɛ maa to ní nɛ ma kpata a hɛ mi; se moo lɛɛ ma ha o kɛ o weku kɛ nina maa bɔ kɛ pee ma kpetekpleenyɛ.”

Luka 23:34

Nɛ Yesu de ke, “Tsaatsɛ, kɛ pa mɛ! A li nɔ́ nɛ a ngɛ pee ɔ.” Kɛkɛ nɛ a fɔ sɔ kɛ dla e tade ɔmɛ.]

Amos 7:2

Benɛ baalɛ ɔmɛ miɔ nɛ a ma kpe nga mumu ɔ tsuo ta zugba a nɔ ɔ, i fa kue ha Nyɔmtsɛ Yawɛ ke, “Nyɔmtsɛ Yawɛ, i kpa mo pɛɛ, ngɔɔ o ma a he yayami ɔ kɛ pa mɛ! Kɛ o ma a maa pee kɛɛ nɛ a yi ma na wami? Israel ɔ, ma wayoo kɛkɛ ji mɛ; a he wɛ tsɔ ko!”

Ezekiel 13:9

Gbali ɔmɛ nɛ naa yakayaka níhi, nɛ lakpa níhi a klaa a, ma gbla a tue. A be ye ma mi bi ɔmɛ a kpɛti hie hu; a be a biɛhi ngmae ngɛ ye ma Israel womi ɔ mi, nɛ a be Israel zugba a hu nɔ bae gblegbleegble. Lɔ ɔ loko nyɛ maa le kaa imi ji Nyɔmtsɛ Yawɛ.

Kpojemi 22:19

Mo nɔ nɛ o ma je munyuhi nɛ a gba ngɔ to, nɛ a ngma ngɔ wo womi nɛ ɔ mi ɔ eko kɛ je mi ɔ, ní kpakpahi nɛ a wo si ngɛ womi nɛ ɔ mi ɔ, Mawu ma je o blɔ fa mi nɔ́ kɛ je mi. O blɔ nya kaa o maa ye tso nɛ haa nɔ wami ɔ yiblii ɔ eko, nɛ o maa hi ma klɔuklɔu ɔ mi ɔ, Mawu ma kpɔ ngɛ o dɛ.

Luka 10:20

Se, nyɛ ko na bua jɔmi kaa mumi yayami ɔmɛ buɔ nyɛ tue; nyɛ bua nɛ jɔ mohu kaa a ngma nyɛ biɛ ngɛ hiɔwe.”

Mose IV, 11:15

Ke kikɛ nɛ ɔ o kɛ mi maa ye ɔ, lɛɛ ke o ngɛ ye he suɔmi ɔ, gbee mi amlɔ mohu, konɛ ma ko na nɔ́ kaa kikɛ nɛ ɔ ngɛ o dɛ mi ekohu.”

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Yesaya 4:3

Nɔ tsuaa nɔ nɛ maa piɛ ngɛ Yerusalem, nɛ Mawu ma ha e yi ma na wami ɔ, a ma tsɛ lɛ nɔ klɔuklɔu.

Malaki 3:16

Kɛkɛ nɛ nihi nɛ yeɔ Yawɛ gbeye ɔ kɛ a sibi tu munyu, nɛ Yawɛ bu tue nɛ e nu nɔ́ nɛ a ngɛ dee ɔ. Ngɛ e hɛ mi ɔ, a ngma nihi tsuo nɛ a yeɔ Yawɛ gbeye, nɛ a buɔ lɛ ɔ a biɛ.

Malaki 3:17

Yawɛ Tabohiatsɛ ɔ de ke, “Nimli nɛ ɔmɛ maa pee imi nitsɛ ye ma. Ligbi ɔ nɛ ma tsu ní ɔ, a maa pee ye nihi pɔtɛɛ. Ma na mɛ mɔbɔ kaa tsɛ naa lɛ nitsɛ e bi nɛ sɔmɔɔ lɛ ɔ mɔbɔ.

Mose IV, 11:25

Kɛkɛ nɛ Yawɛ kple si kɛ je bɔku mi kɛ ba, nɛ e kɛ Mose ba tu munyu. E je mumi nɛ ngɛ Mose mi ɔ eko kɛ ha ma nimeli nyingmi kpaago ɔmɛ. Benɛ mumi ɔ ba a nɔ ɔ, a bɔni ngmlaa kpami kaa gbali; se nɔ́ nɛ ɔ se kɛ we.