Mose II, 32:20 - BAIBLO ALOO NGMAMI KLƆUKLƆU Ɔ

²⁰ E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Mose II, 32:20 ပူးပေါင်းရင်းမြစ်များ

Mose V, 9:21

Jehanɛ, jamɛ a nɔ́ yaya a nɛ nyɛ sɔ̃, nɛ ji na bi ɔ, i ngɔ, nɛ i sã ngɛ la mi. Lɔ ɔ se ɔ, i ywia lɛ wɔtsɔwɔtsɔ nɛ i wɛɛ lɛ bɔdɔbɔdɔ; e pee kaa tabo zu, nɛ i ya hɛ lɛ ngɔ pue pa a nɛ je yo ɔ nɔ kɛ ngɛ bee ɔ mi.

Abɛ Womi 14:14

A maa gbla yayami peelɔ tue ngɛ e yayamihi a he; nɔmlɔ kpakpa hu ma na e ní kpakpahi a he hiɔwo.

Abɛ Womi 1:31

Lɔ ɔ he ɔ, nɔ́ nɛ nyɛ tsu ɔ, lɔ ɔ he hiɔwo nyɛ ma na; nyɛ ní yaya amɛ nɔuu maa hao nyɛ.

Matsɛmɛ II, 23:15

Jehanɛ, bɔ sami la tɛ ɔ nɛ ngɛ Betel ɔ, kɛ jami he ɔ nɛ Nebat binyumu Yeroboam nɛ ha Israel pee yayami ɔ ma a, Yosia ku jamɛ a bɔ sami la tɛ ɔ; e mɛ jami he ɔ he la, nɛ e ywia tɛ ɔmɛ dukuduku. Amaga a nɛ a puɛ kɛ ha Ashera a hu e mɛ he la.

Matsɛmɛ II, 23:6

E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Matsɛmɛ I, 15:13

E na, Maaka po e kpa lɛ manyɛ yemi, ejakaa e puɛ amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ywia amaga nɛ ɔ, nɛ e sã lɛ ngɛ Kidron pa a nya.

Kronika II, 34:4

Bɔ sami la tɛhi nɛ ngɛ Baal jami he ɔ, kɛ tsopa kɛ e he via sami la tɛhi nɛ ngɛ lejɛ ɔ, Yosia ha nɛ a ku mɛ tsuo ngɔ pue si ngɛ e hɛ mi. Ashera amaga amɛ, kɛ amaga kpa amɛ tsuo lɛɛ a wɛɛ mɛ mɔnyɔmɔnyɔ kaa la zu, nɛ a ngɔ kɛ fĩa nihi nɛ sã bɔ ha mɛ ɔ a yɔkɔhi a nɔ.