Mose II, 32:19 - BAIBLO ALOO NGMAMI KLƆUKLƆU Ɔ

¹⁹ Benɛ Mose miɔ nɛ e maa su ma a sito he ɔ, nɛ́ e na na bi ɔ, kɛ ni ɔmɛ nɛ a ngɛ doe ɔ, e mi mi fu; nɛ e kɛ tɛ tɛtlɛɛ ɔmɛ nɛ e hɛɛ ngɛ e dɛ mi ɔ fia si ngɛ yo ɔ sisi, nɛ e ywia mɛ.

Mose II, 32:19 ပူးပေါင်းရင်းမြစ်များ

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Zakaria 11:14

Jehanɛ, dɛma tso enyɔne ɔ nɛ biɛ ji “Kakepeemi” ɔ, i ku mi kɛ tsɔɔ kaa Yuda kɛ Israel pi nyɛmimɛ hu.

Kɔmɔ Yemi 5:15

Bua jɔmi ko be ha wɔ ngɛ je mi hu; wa kpa domi nɛ wa ngɛ kɔmɔ yee.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Samuel II, 6:14

David wo kploba efɔd, nɛ e do kɛ e he wami tsuo kɛ wo Yawɛ hɛ mi nyami.

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Mose IV, 12:3

Mose nɛ ɔ, nɔmlɔ nɛ he jɔ ji lɛ; niinɛ e he jɔ pe nimli adesahi tsuo nɛ a ngɛ zugba a nɔ ɔ.

Mose II, 32:11

Se Mose kpa Yawɛ, e Mawu ɔ pɛɛ, nɛ e de ke, “Yawɛ, mɛni he je o mi mi fu o ma a nɛ o kɛ he wami kpetekpleenyɛ, kɛ kɔni si wami kpaka mɛ kɛ je Egipt zugba a nɔ ɔ?

Mose II, 15:20

Kɛkɛ nɛ Aaron nyɛmiyo Miriam, gbalɔyo ɔ ngɔ fao, nɛ yi ɔmɛ tsuo nyɛɛ e se kɛ fao fiami kɛ domi.

1 Korintobi 10:7

Nyɛ ko ja amaga kaa bɔ nɛ a ti ni komɛ pee ɔ. Kaa bɔ nɛ ngmami ɔ deɔ ɔ, “Ma a pue si, nɛ a ye ní, nɛ a nu ní, nɛ a fiɛ yakayaka fiɛmihi.”

Mose II, 32:18

Se Mose he nɔ nɛ e de ke, “Dɛbi, pi ni nɛmɛ nɛ ye manye ngɛ ta mi a lele hwɔmi, nɛ pohu pi ni nɛmɛ nɛ a ye a nɔ a bubuubui, kɛ ngmlaa ji nɛ ɔ; se mohu lali a gbi i ngɛ nue nɛ ɔ nɛ.”

Mose II, 34:1

Yawɛ de Mose ke, “Mo kó tɛ tɛtlɛɛ enyɔ kaa kekle ní ɔmɛ, konɛ ma ngma munyuhi nɛ ngɛ kekle tɛ ɔmɛ nɛ o ywia a a nɔ ɔ kɛ fɔ nɔ.

La 119:53

Se ke i na yiwutsotsɛmɛ nɛ a ngɛ o mlaa a tɔ̃e ɔ, ye mi mi woɔ la wawɛɛ nitsɛ.

Mose V, 10:2

konɛ ma ngma munyu ɔmɛ nɛ ngɛ kekle tɛ ɔmɛ nɛ o ywia a a nɔ ɔ kɛ wo tɛ tɛtlɛɛ nɛ ɔmɛ a nɔ, konɛ o ngɔ mɛ ngɔ wo daka a mi.’