Mose II, 32:17 - BAIBLO ALOO NGMAMI KLƆUKLƆU Ɔ

¹⁷ Benɛ ma a hwɔ lele nɛ Yoshua nu he ɔ, e de Mose ke, “Moo bu tue! A ngɛ ta hwue ngɛ ma a sito he ɔ.”

Mose II, 32:17 ပူးပေါင်းရင်းမြစ်များ

Mose II, 24:13

Mose kɛ e tsɔlɔ Yoshua dla a he, konɛ a kuɔ Mawu yo ɔ.

Mose II, 17:9

Mose de Yoshua ke, “Moo hla nyumu ɔmɛ ekomɛ, nɛ hwɔɔ a kɛ Amalek bi ɔmɛ ya hwu. Imi lɛɛ ma ya da yoku ɔ yi mi kɛ Mawu tso ɔ ngɛ ye dɛ mi.”

Amos 2:2

Ma mɛ Moab zugba a, kɛ Keriot mɔ ɔmɛ a he la. Be mi nɛ ta a pee hoo, nɛ ta buli he ose, nɛ titimatihi ngɛ pɛe ɔ, Moab ma mi bi ɔmɛ ma gbo ngɔ pue si.

Amos 1:14

Ma mɛ Raba gbogbo ɔmɛ, kɛ mɔ ɔmɛ a he la. A ma he ose hoo ta hwumi ligbi ɔ, nɛ ta a ma puɛ ní kaa lasiogblee.

Yeremia 51:14

Yawɛ Tabohiatsɛ ɔ ka e he kita ke e maa ngɔ nihi babauu kaa baalɛhi kɛ ba tua Babilonia. A maa ye kunimi, nɛ a ma hwɔ lele.

La 47:1

Je ma amɛ tsuo, nyɛɛ fia nyɛ dɛ mi! Nyɛɛ kɛ bua jɔmi nɛ he ose kɛ je Mawu yi!

Hiob 39:25

Ke titimati ɔ pɛ kɛkɛ e fli e gugwɔ mi wawɛɛ. E nuɔ ta he fu ngɛ tsitsaa lokoo. E nuɔ nɛ asafoatsɛmɛ ɔmɛ ngɛ gbi woe, nɛ ose ngɛ pɛe ngɛ ta a mi.

Samuel I, 17:52

Israel kɛ Yuda tabo ɔmɛ hwɔ lele kɛ nyɛɛ Filisti bi ɔmɛ a se kɛ ya si Gat kɛ Ekron agbo ɔ nya tɔɔ. Filisti bi ɔmɛ plaa pue si ngɛ Sharaim blɔ ɔ he hluu kɛ ya si Gat kɛ Ekron tɔɔ.

Samuel I, 17:20

David te si mɔtu mla, nɛ e si to ɔmɛ ha to hyɛlɔ kpa, nɛ e ngɔ niye ní ɔ, nɛ e pue nɔ kɛ ho kaa bɔ nɛ Ishai fa lɛ ɔ. E ya su ta nga a nɔ be mi nɛ Israel bi ɔmɛ he ose kɛ je kpo kɛ yaa ta a nya.

Manyadali 15:14

Benɛ e ba su Lehi ɔ, Filisti bi ɔmɛ he ose kɛ ba na lɛ. Tlukaa a, Yawɛ mumi ɔ ba e nɔ wawɛɛ nitsɛ, nɛ e tsɔ tangme ɔmɛ nɛ blaa e nine ɔ pue si kaa doti nɛ la sɛ mi.

Yoshua 6:20

Kɛkɛ nɛ osɔfo ɔmɛ bɔni titimati ɔmɛ kpami. Benɛ ma a nu titimati pɛmi ɔ, a he ose wawɛɛ nitsɛ. Kɛkɛ nɛ Yeriko gbogbo ɔ hule pue si. Tabo ɔ tsuo bu kɛ sɛ ma a mi; nɔ tsuaa nɔ nyɛɛ kɛ ya e hɛ mi tɛɛ; nɛ a ya ngɔ ma a.

Yoshua 6:16

Si kpaagone ɔ, benɛ osɔfo ɔmɛ ma bɔni titimati ɔmɛ kpami pɛ nɛ Yoshua fa ma a ke, “Nyɛ he ose, ejakaa Yawɛ ngɔ ma a ngɔ wo nyɛ dɛ!

Yoshua 6:10

Yoshua fa ma a ke, “Nyɛ ko kpa ngmlaa, nɛ nyɛ ko ha nɛ a nu nyɛ he; nyɛ ko tu munyu kulaa kɛ yaa su ligbi ɔ nɛ ma de nyɛ ke nyɛ he ose.”

Yoshua 6:5

Ke nyɛ nu nɛ a kpa bɛ ɔ nɛ e se kɛ ɔ, Israel ma a tsuo nɛ he ose wawɛɛ. Ke nyɛ pee ja a, Yeriko gbogbo ɔmɛ maa hule pue si tɛtlɛɛ. Kɛkɛ ɔ, nɔ tsuaa nɔ ma bu kɛ sɛ ma a mi.”

Mose II, 32:18

Se Mose he nɔ nɛ e de ke, “Dɛbi, pi ni nɛmɛ nɛ ye manye ngɛ ta mi a lele hwɔmi, nɛ pohu pi ni nɛmɛ nɛ a ye a nɔ a bubuubui, kɛ ngmlaa ji nɛ ɔ; se mohu lali a gbi i ngɛ nue nɛ ɔ nɛ.”

Mose II, 32:6

E nɔ jena makɛ mla a, ma a te si nɛ a sã sami bɔhi, nɛ a kɛ tue mi jɔmi bɔhi hu ba. Ma a pue si, nɛ a ye ní, nɛ a nu ní; nɛ lɔ ɔ se ɔ, a fiɛ yo kɛ nyumu yakayaka fiɛmihi.

Mose II, 32:16

Mawu nitsɛ nɛ kpɛ́ tɛ tɛtlɛɛ ɔmɛ; nɛ mlaa amɛ nɛ a ngma ngɛ a nɔ ɔ hu, Mawu nitsɛ nɛ ngma.

Kronika I, 7:27

Nun, Nun fɔ Yoshua.