Mose II, 32:16 - BAIBLO ALOO NGMAMI KLƆUKLƆU Ɔ

¹⁶ Mawu nitsɛ nɛ kpɛ́ tɛ tɛtlɛɛ ɔmɛ; nɛ mlaa amɛ nɛ a ngma ngɛ a nɔ ɔ hu, Mawu nitsɛ nɛ ngma.

Mose II, 32:16 ပူးပေါင်းရင်းမြစ်များ

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

2 Korintobi 3:7

Mlaa a nɛ a kpɛ́ ngɛ tɛhi a nɔ nɛ kɛ gbenɔ ba a, benɛ a ngɔ ha a, Mawu hɛ mi nyami ɔ je kpo. Hɛ mi nyami ɔ ha nɛ Mose hɛ mi ngɛ kpɛe. Ke jamɛ a be ɔ mi po nɛ hɛ mi nyami ɔ miɔ nɛ e maa ta a, e ha nɛ Mose hɛ mi ngɛ kpɛe bɔ nɛ Israel bi ɔmɛ nyɛ we Mose hɛ mi hyɛmi ɔ,

Mose V, 10:1

“Jehanɛ, Yawɛ de mi ke, ‘Kó tɛ tɛtlɛɛ enyɔ kaa kekle ní ɔmɛ, nɛ o kpɛ tso daka nɛ a kɛ tɛ ɔmɛ maa wo mi. Ngɔɔ kɛ kuɔ yo ɔ kɛ ba ye ngɔ,

Mose V, 9:15

“Lɔ ɔ he ɔ, ye he sɔ kɛ kple si kɛ je yo ɔ nɔ kɛ ye somi dɛ mi tɛ tɛtlɛɛ enyɔ ɔmɛ nɛ Yawɛ ngma somi munyu ɔmɛ ngɛ a nɔ ɔ. Jamɛ a be ɔ, la ngɛ tsoe plamplam kɛ ngɛ yo ɔ mi jee.

Mose II, 34:4

Kɛkɛ nɛ Mose kó tɛ tɛtlɛɛ enyɔ kaa kekle ní ɔmɛ. E te si mɔtu mla, nɛ e ngɔ tɛ tɛtlɛɛ enyɔ ɔmɛ ngɔ ma e dɛ, nɛ e kuɔ kɛ ho Sinai yo ɔ nɔ ya kaa bɔ nɛ Yawɛ fa lɛ ɔ. Benɛ e yaa a, e hɛɛ tɛ tɛtlɛɛ enyɔ ɔmɛ ngɛ e dɛ mi.

Mose II, 34:1

Yawɛ de Mose ke, “Mo kó tɛ tɛtlɛɛ enyɔ kaa kekle ní ɔmɛ, konɛ ma ngma munyuhi nɛ ngɛ kekle tɛ ɔmɛ nɛ o ywia a a nɔ ɔ kɛ fɔ nɔ.

Mose II, 32:15

Kɛkɛ nɛ Mose plɛ e he nɛ e kple si kɛ je yo ɔ nɔ kɛ ma, nɛ e hɛɛ tɛ tɛtlɛɛ enyɔ ɔmɛ nɛ a ngma mlaa amɛ ngɔ fɔ a nɔ ɔ ngɛ e dɛ mi; a ngma mlaa amɛ ngɛ hɛ mi kɛ se tsuo.

Mose II, 32:17

Benɛ ma a hwɔ lele nɛ Yoshua nu he ɔ, e de Mose ke, “Moo bu tue! A ngɛ ta hwue ngɛ ma a sito he ɔ.”

Hiob 19:24

I ná nɛ a kɛ dade kpɛ́ ye munyu ɔmɛ ngɛ tɛ sa mi, nɛ a kɛ sumui wo mi, konɛ a hi lejɛ ɔ daa.