Mose II, 32:15 - BAIBLO ALOO NGMAMI KLƆUKLƆU Ɔ

¹⁵ Kɛkɛ nɛ Mose plɛ e he nɛ e kple si kɛ je yo ɔ nɔ kɛ ma, nɛ e hɛɛ tɛ tɛtlɛɛ enyɔ ɔmɛ nɛ a ngma mlaa amɛ ngɔ fɔ a nɔ ɔ ngɛ e dɛ mi; a ngma mlaa amɛ ngɛ hɛ mi kɛ se tsuo.

Mose II, 32:15 ပူးပေါင်းရင်းမြစ်များ

La 19:7

Yawɛ mlaa a hi kɛ pi si; e haa nɔ naa he wami he. Yawɛ mlaa a, anɔkuale sɔuu, e haa nɛ kuasia leɔ ní.

Mose II, 16:34

Nɛ kaa bɔ nɛ Yawɛ fa Mose ɔ, Aaron ngɔ kɛ ma somi daka a hɛ mi.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Mose II, 31:18

Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 32:16

Mawu nitsɛ nɛ kpɛ́ tɛ tɛtlɛɛ ɔmɛ; nɛ mlaa amɛ nɛ a ngma ngɛ a nɔ ɔ hu, Mawu nitsɛ nɛ ngma.

Mose II, 34:29

Benɛ Mose kple si kɛ je Sinai yo ɔ nɔ kɛ ma a, e hɛɛ tɛ tɛtlɛɛ enyɔ ɔmɛ nɛ mlaa amɛ ngɛ a nɔ ɔ ngɛ e dɛ mi. E hɛ mi ngɛ kpɛe, ejakaa e kɛ Yawɛ ya tu munyu; se mohu lɛ nitsɛ e li enɛ ɔ.

Mose II, 40:20

E ngɔ mlaa amɛ kɛ wo somi daka a mi. E kɛ tso ɔmɛ hɔɔ daka a he ga amɛ a mi, nɛ e ngɔ daka a nya nɔ́ ɔ ngɔ bu nya.

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

2 Korintobi 3:7

Mlaa a nɛ a kpɛ́ ngɛ tɛhi a nɔ nɛ kɛ gbenɔ ba a, benɛ a ngɔ ha a, Mawu hɛ mi nyami ɔ je kpo. Hɛ mi nyami ɔ ha nɛ Mose hɛ mi ngɛ kpɛe. Ke jamɛ a be ɔ mi po nɛ hɛ mi nyami ɔ miɔ nɛ e maa ta a, e ha nɛ Mose hɛ mi ngɛ kpɛe bɔ nɛ Israel bi ɔmɛ nyɛ we Mose hɛ mi hyɛmi ɔ,

Mose V, 5:22

“Benɛ nyɛ bua nyɛ he nya ngɛ yo ɔ he ɔ, mlaahi nɛ Yawɛ ngɔ ha nyɛ tsuo ji nɛ ɔmɛ nɛ. Benɛ e wo gbi kɛ je la, kɛ bɔku kpii ɔ mi ɔ, jamɛ be ɔ mi nɛ e ha nyɛ mlaa nɛ ɔmɛ, nɛ ekpa ko piɛ we he. Lɔ ɔ se ɔ, e ngma mɛ ngɛ tɛ tɛtlɛɛ enyɔ nɔ, nɛ e ngɔ mɛ ngɔ ha mi.

Mose V, 9:15

“Lɔ ɔ he ɔ, ye he sɔ kɛ kple si kɛ je yo ɔ nɔ kɛ ye somi dɛ mi tɛ tɛtlɛɛ enyɔ ɔmɛ nɛ Yawɛ ngma somi munyu ɔmɛ ngɛ a nɔ ɔ. Jamɛ a be ɔ, la ngɛ tsoe plamplam kɛ ngɛ yo ɔ mi jee.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Kpojemi 5:1

I na womi kpo ko ngɛ nɔ nɛ hii si ngɛ matsɛ sɛ ɔ nɔ ɔ hiɔ nine mi. A ngma ní ngɛ womi ɔ hɛ mi kɛ se tsuo, nɛ a sɔu nya kɛ nya sɔumi nɔ́ kpaago.