Mose II, 32:12 - BAIBLO ALOO NGMAMI KLƆUKLƆU Ɔ

¹² Mɛni he je nɛ o ma ha nɛ Egipt bi ɔmɛ ma de ke, ‘E to yi mi yaya kaa e ma kpata e ma a hɛ mi ngɛ yo ɔmɛ a nɔ; lɔ ɔ he je nɛ e ya je mɛ kɛ je Egipt ɔ nɛ.’ Ha nɛ o mi mi fumi ɔ nya nɛ ba si, nɛ o kpale o nya se ngɛ yayami nɛ jinɛ o to kaa o maa pee o ma a he.

Mose II, 32:12 ပူးပေါင်းရင်းမြစ်များ

Mose V, 9:28

Ke pi ja a, Egipt bi ɔmɛ ma de ke, ‘Nyɛɛ hyɛ, a Mawu ɔ nyɛ we nɛ e kɛ mɛ ya su zugba nɛ e wo si ke e ma ha mɛ ɔ nɔ. A ma de ke o je o ma a kɛ ho nga kplanaa a nɔ ya, nɛ o ya gbe mɛ ngɛ lejɛ ɔ; ejakaa o sume a sane.

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”

Mose II, 32:14

Kɛkɛ nɛ Yawɛ kpale e nya se, nɛ yayami nɛ jinɛ e to kaa e maa ba ma a nɔ ɔ bɛ a nɔ hu.

Zakaria 8:14

Bɔ nɛ Yawɛ Tabohiatsɛ ɔ de ji nɛ ɔ nɛ: “Benɛ nyɛ nɛmɛ ɔmɛ wo ye mi mi la a, i kpata nyɛ hɛ mi kaa bɔ nɛ i to ye yi mi ɔ, nɛ mɔbɔ nami ko kulaa be mi.

Yona 3:9

kaa alini Mawu ma tsake e yi mi tomi; kaa alini Mawu mi mi fumi ɔ nya maa ba si, nɛ wa hɛ mi be kpatae.”

Amos 7:6

Kɛkɛ nɛ Yawɛ tsake e yi mi tomi ɔ, nɛ e de ke, “Enɛ ɔ hu be mi bae!”

Amos 7:3

Kɛkɛ nɛ Yawɛ tsake e yi mi tomi ɔ, nɛ e de ke, “Dɛbi, nɔ́ nɛ o na a be mi bae.”

Ezekiel 20:22

Se i ha we nɛ e ba mi ja; ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Ezekiel 20:14

Se i ha we nɛ e ba mi ja, ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

La 106:45

E kai somi nɛ e kɛ mɛ so ɔ, nɛ e suɔmi babauu ɔ he je ɔ, e ngɔ a he kɛ ke mɛ.

La 90:13

Mɛni be o mi mi fumi ɔ se maa po? Yawɛ, naa wɔ, o tsɔli ɔmɛ mɔbɔ!

La 85:3

O mi mi la nɛ nya wa a se po, nɛ o mi mi fu we wɔ hu.

La 78:38

Se akɛnɛ mɔbɔ nalɔ ji Mawu he je ɔ, e ngɔ a he yayami ɔ ngɔ pa mɛ, nɛ e kpataa we a hɛ mi. Behi fuu ke e mi mi miɔ nɛ e ma fu, kɛkɛ e tsi nya amlɔ.

La 74:18

Se Yawɛ mo kai kaa o he nyɛli ɔmɛ muɔɔ mo; nimli nɛ li Mawu ngɛ o biɛ he guɛ gbee.

Ezra 10:14

Ha nɛ wa ma tsɔli ɔmɛ nɛ a da ma a tsuo nane mi ngɛ Yerusalem hiɛmɛ nɛ ɔ. Nɔ tsuaa nɔ nɛ ngɔ ma se yo ɔ, ha nɛ e ba hiɛ ɔ be nɛ a maa to lɛ ɔ. E kɛ e ma mi he nɛ e je ɔ ma nimeli, kɛ kojoli nɛ ba. A pee enɛ ɔ hluu kɛ yaa si Mawu mi mi fumi nɛ nya wa ngɛ sane nɛ ɔ he je ɔ se maa po ngɛ wa nɔ.”

Yoshua 7:26

A bua tɛ ɔmɛ a nya glekuu ngɔ pue e nɔ, nɛ tɛ ɔmɛ ngɛ lejɛ ɔ kɛ ba si mwɔnɛ ɔ. Enɛ ɔ he je nɛ a wo lejɛ ɔ biɛ ke Haomi Kɔ̃ ɔ nɛ. Kɛkɛ nɛ Yawɛ mi mi fumi ɔ se po.

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

Mose V, 13:17

Nyɛ ko ngɔ níhi nɛ a ma kpata a hɛ mi ɔ eko kɛ to ha nyɛ he. Kɛkɛ ɔ, Yawɛ mi mi nɛ fu nyɛ wawɛɛ ɔ nya maa ba si, nɛ e maa na nyɛ mɔbɔ. E maa na nyɛ mɔbɔ, nɛ e ma ha nyɛ he maa hiɛ babauu kaa bɔ nɛ e wo nyɛ nɛmɛ ɔmɛ si ɔ.

Mose I, 6:6

e dɔ lɛ nɛ e pia e he kaa e bɔ nɔmlɔ nɛ e kɛ lɛ wo je ɔ mi.

Mose II, 33:13

Lɔ ɔ he ɔ, i kpa mo pɛɛ, ke niinɛ nɛ o ngɛ ye he bua jɔmi ɔ, lɛɛ moo tsɔɔ mi o blɔ ɔ, konɛ ma le mo saminya, nɛ ma pee o suɔmi nya ní. Mo kai hu kaa kikɛmɛ a nimli nɛ ɔmɛ ɔ, mo nitsɛ o ma ji mɛ.”

Mose IV, 16:21

“Nyɛɛ hɛ nyɛ kɛ je ma nɛ ɔ he kɛ ya se, nɛ ma kpata a hɛ mi hɛngmɛfia.”

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

Matsɛmɛ I, 8:51

Mo nitsɛ o ma ji mɛ; mo lɛ o je mɛ kɛ je Egipt, jamɛ a zugba a nɛ a hi mi kaa nɔ́ nɛ dade flɔɔnɔɔ mi lɛ a kɛ mɛ wo ɔ.

Yeremia 28:16

Lɔ ɔ he ɔ, Yawɛ nitsɛ ke e ma je mo kɛ je je ɔ mi. O ma gbo jeha nɛ ɔ mi nɔuu, ejakaa o de ma a ke a tsɔ atuã kɛ wo Yawɛ.”

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Mose IV, 14:19

I kpa mo pɛɛ, ngɔɔ ma nɛ ɔ he yayami ɔmɛ kɛ pa mɛ ngɛ o mɔbɔ nami kpetekpleenyɛ ɔ nya, kaa bɔ nɛ o ngɔ a he yayami ɔmɛ kɛ pa mɛ kɛ je Egipt hluu kɛ ba si amlɔ nɛ ɔ.”

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.

Yesaya 64:8

Se kɛ ɔ, Yawɛ, mo ji wa tsɛ. Wa ngɛ kaa zu, nɛ moo lɛɛ o ngɛ kaa buɛ puɛlɔ; mo lɛ o bɔ wɔ.