Mose II, 32:11 - BAIBLO ALOO NGMAMI KLƆUKLƆU Ɔ

¹¹ Se Mose kpa Yawɛ, e Mawu ɔ pɛɛ, nɛ e de ke, “Yawɛ, mɛni he je o mi mi fu o ma a nɛ o kɛ he wami kpetekpleenyɛ, kɛ kɔni si wami kpaka mɛ kɛ je Egipt zugba a nɔ ɔ?

Mose II, 32:11 ပူးပေါင်းရင်းမြစ်များ

Mose I, 18:27

Abraham tu munyu ekohu ke, “Nyɔmtsɛ, i kpa mo pɛɛ nɛ o ngɔ kɛ pa mi kaa ma da o hɛ mi kɛ tu munyu. Zu kɛ la zu kɛkɛ ji mi, nɛ i be he blɔ nɛ i deɔ nɔ́ ko.

Matsɛmɛ I, 8:51

Mo nitsɛ o ma ji mɛ; mo lɛ o je mɛ kɛ je Egipt, jamɛ a zugba a nɛ a hi mi kaa nɔ́ nɛ dade flɔɔnɔɔ mi lɛ a kɛ mɛ wo ɔ.

Nehemia 1:10

“Nyɔmtsɛ, o tsɔli ji nɛ ɔmɛ nɛ, nɛ mo nitsɛ o ma ji nɛ ɔ nɛ. O kɛ o he wami nguaa kɛ nyɛmi kpɔ mɛ.

La 106:23

Benɛ Mawu de ke e ma kpata e ma a hɛ mi ɔ, e tsɔlɔ Mose nɛ e hla a nɛ da mi ha ma a. Mose lɛ jɔɔ Mawu abofu ɔ he, loko e kpataa we ma a hɛ mi ɔ nɛ.

Mose II, 32:7

Yawɛ de Mose ke, “Mo kple si esɔesɔ; ejakaa o ma nɛ ji ni ɔmɛ nɛ o kpaka kɛ je Egipt zugba a nɔ kɛ ba a, a ble a he.

Mose II, 6:6

Lɔ ɔ he ɔ, yaa nɛ o ya de Israel bi ɔmɛ ke, ‘Imi ji Yawɛ; ma je Egipt bi ɔmɛ a tlomi ɔmɛ kɛ je nyɛ nɔ, nɛ ma kpɔ nyɛ kɛ je a nyɔguɛ yemi ɔ sisi. Ma kpã ye nine mi kɛ he wami, nɛ ma ye dami sane ha nyɛ, nɛ ma kɛ kpɔ nyɛ.

Mose II, 8:8

Kɛkɛ nɛ Farao ɔ, tsɛ Mose kɛ Aaron nɛ e de mɛ ke, “Nyɛ kpa Yawɛ pɛɛ nɛ e je ovɔnɔ ɔmɛ kɛ je i kɛ ye ma mi bi ɔmɛ wa nɔ, konɛ ma ha nyɛ we bi ɔmɛ nɛ a ho nɛ a ya sã bɔ ha Yawɛ.”

Yesaya 63:17

Yawɛ, mɛni he je o haa nɛ wa tlaa blɔ kɛ jeɔ o blɔ ɔmɛ a nɔ, nɛ wa kpliiɔ wa tsui, konɛ wa ko ye mo gbeye ɔ? Israel ma a, o nɔ, nɛ o tsɔli ji wɔ tsuo. Mo nitsɛ o nihi ji wɔ; lɔ ɔ he ɔ, kpale kɛ ba!

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Kɔmɔ Yemi 2:20

Yawɛ lee, hyɛ koo! Moo hyɛ nihi nɛ o ngɛ mɛ yi mi wae ɔ! Yihi ngɛ mɛ nitsɛmɛ a muklii mi bimɛ nɛ a suɔ ɔ yee! Mawu we ɔ nitsɛnitsɛ mi po a ngɛ osɔfohi, kɛ gbalihi gbee!

Ezekiel 20:9

Se i ha we nɛ e ba mi ja; ejakaa lɔ ɔ ko gbe ye biɛ he guɛ ngɛ je ma amɛ a hɛ mi. Ye ma a ngɛ je ma amɛ a kpɛti, nɛ mɛ tsuo a hɛ mi nɛ i de ngɛ ke ma je Israel bi ɔmɛ kɛ je Egipt zugba a nɔ ɔ nɛ.

Daniel 9:15

“Nyɔmtsɛ, wa Mawu, mo lɛ o kɛ kɔni si wami je o ma a kɛ je Egipt nɛ o he biɛ nɛ ngɛ kɛ ba su mwɔnɛ ɔ. Wa pee yayami; wa tɔ.

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Mose IV, 11:11

Mose bi Yawɛ ke, “Mɛni he je nɛ o ye imi, o tsɔlɔ sane yayami kikɛ nɛ ɔ? Mɛni he je nɛ o ná ye he abofu, nɛ o ngɔ ma nɛ ɔ tsuo yi tlomi ngɔ tloo mi ɔ?

Mose IV, 14:13

Se Mose de Yawɛ ke, “O ngɔ o kɔni si wami kɛ je ma nɛ ɔ kɛ je Egipt. Ke Egipt bi ɔmɛ nu nɔ́ nɛ o pee o ma a,

Mose IV, 16:22

Se Mose kɛ Aaron ngɔ a hɛ mi ngɔ bu si, nɛ a de ke, “Mawu lee, mo nɛ o ji adesahi tsuo a mumi. Anɛ ke nɔ kake pee yayami ɔ, o mi mi ma fu ma a tsuo lo?”

Mose IV, 21:7

Kɛkɛ nɛ ma a ba Mose ngɔ, nɛ a ba de ke, “Wa pee yayami kaa wa tu munyu kɛ si Yawɛ, kɛ mo hulɔ. Mo kpa Yawɛ pɛɛ nɛ e ba je sinɔ ɔmɛ kɛ je wa kpɛti.” Kɛkɛ nɛ Mose kpa pɛɛ ha ma a,

Mose IV, 27:4

Ke wa tsɛ be binyumu ɔ, kɛkɛ e sa kaa e biɛ nɛ laa ngɛ Israel lo? Lɔ ɔ he ɔ, nyɛ ha wɔ hu weto ní ɔ eko kaa wa tsɛ nyɛmimɛ ɔmɛ.”

Samuel I, 15:11

“I pia ye he kaa i wo Saul matsɛ; ejakaa e je ye se nɛ e yi ye mlaa amɛ a nɔ.” Nɔ́ nɛ ɔ dɔ Samuel, nɛ e fa kue ha Yawɛ nyɔ ɔ mi tsuo.