Mose II, 32:1 - BAIBLO ALOO NGMAMI KLƆUKLƆU Ɔ

¹ Benɛ ma a na kaa Mose se ya fia si ngɛ yo ɔ nɔ, nɛ e kple we si kɛ bɛ ɔ, ma a bua a he nya kɛ ba na Aaron, nɛ a ba de lɛ ke, “Kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li sane nɛ ya ba e nɔ. Lɔ ɔ he ɔ, moo pee mawu ha wɔ nɛ e nyɛɛ wa hɛ mi.”

Mose II, 32:1 ပူးပေါင်းရင်းမြစ်များ

Mose I, 19:14

Lot je kpo nɛ e ya de e ngatsɛmɛ ɔmɛ nɛ ba bi e biyi ɔmɛ a si ɔ ke, “Nyɛɛ pee esɔ nɛ nyɛɛ je hiɛ ɔ; Yawɛ yaa kpata ma a hɛ mi.” Se e pee e ngatsɛmɛ ɔmɛ kaa nɔ́ nɛ pe e kɛ mɛ ngɛ fiɛe.

Mose I, 21:26

Abimelek de lɛ ke, “I li nɔ nɛ pee nɔ́ nɛ ɔ. O wui nɔ ta hyɛ nɛ ma nu; kekleekle nɛ i ngɛ nue ji nɛ ɔ nɛ.”

Mose I, 39:8

Yosef kplɛɛ we; nɛ e de e nyɔmtsɛ ɔ yo ɔ ke, “Hyɛ, ye nyɔmtsɛ gba we e he nya ngɛ nɔ́ ko nɔ́ ko he ngɛ we nɛ ɔ mi, ejakaa i ngɛ hiɛ ɔ. E to e nɔ́ tsuaa nɔ́ ngɔ wo ye dɛ.

Mose I, 44:15

Yosef bi mɛ ke, “Mɛni nyɛ pee nɛ ɔ? Anɛ nyɛ li kaa nɔmlɔ kaa imi ɔ, i klaa lo?”

Mose I, 44:4

Benɛ a je ma a mi, nɛ a sui he ko tsitsaa lolo ɔ, Yosef de tsɔlɔ ɔ nɛ hyɛɛ e we ɔ nɔ ɔ ke, “Tee si esɔ, nɛ o nyɛɛ nyumu ɔmɛ a se. Ke o ya na mɛ ɔ, bi mɛ ke, ‘Mɛni he je nyɛɛ kɛ yayami to kpakpa nɛ a pee nyɛ ɔ nane mi ɔ?

La 106:19

A pee na bi ngɛ Horeb, nɛ a sɔmɔ jamɛ a amaga a nɛ a puɛ ɔ.

Mose II, 13:21

Piani ɔ, Yawɛ nyɛɛɔ a hɛ mi ngɛ bɔku titima mi nɛ e kɛ tsɔɔ mɛ blɔ. Nyɔ mi lɛɛ e nyɛɛɔ a hɛ mi ngɛ la titima mi nɛ e kɛ haa a hyɛɛ nɔ́, konɛ a nyɛ nɛ a nyɛɛ nyɔ kɛ pia.

Mose II, 14:11

A bi Mose ke, “Anɛ yɔkɔhi nɛ be Egipt he je nɛ o kpaka wɔ kɛ ba nɛ wa ba gbo tlɔ nga pa lo? Mɛni he je o kɛ wɔ ye kikɛmɛ a sane, nɛ o ngɔ wɔ kɛ je Egipt ɔ?

Mose II, 16:3

nɛ a de ke, “Wa ná nɛ Yawɛ gbe wɔ mohu ngɛ Egipt zugba a nɔ, he nɛ wa hii si ngɛ pɔ buɛhi a he, nɛ wa yeɔ ní wa tɔɔ ɔ. Hyɛ kaa nyɛ ngɔ wɔ kɛ ba nga nɛ ɔ nɔ, konɛ nyɛ ba gbe asafo nɛ ɔ tsuo kɛ mi mi hwɔ.”

Mose II, 20:23

Nyɛ ko ngɔ sika hiɔ, loo sika tsu kɛ pee mawuhi ha nyɛ he nɛ nyɛ ja kɛ piɛ ye he.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

Mose II, 32:11

Se Mose kpa Yawɛ, e Mawu ɔ pɛɛ, nɛ e de ke, “Yawɛ, mɛni he je o mi mi fu o ma a nɛ o kɛ he wami kpetekpleenyɛ, kɛ kɔni si wami kpaka mɛ kɛ je Egipt zugba a nɔ ɔ?

Mose II, 32:22

Aaron he nɔ ke, “Ye nyɔmtsɛ, o mi mi nɛ ko fu mi. Mo nitsɛ o le nimli nɛ ɔmɛ kaa nɔ́ yaya peemi he a nyaa.

Mose II, 32:23

Mɛ nitsɛmɛ nɛ a ba de mi ke, ‘Moo pee mawu ha wɔ nɛ e nyɛɛ wa hɛ mi; ejakaa kikɛmɛ a Mose nɛ ɔ nɛ je wɔ kɛ je Egipt zugba a nɔ ɔ, wa li nɔ́ nɛ ya ba e nɔ.’

Mose II, 32:7

Yawɛ de Mose ke, “Mo kple si esɔesɔ; ejakaa o ma nɛ ji ni ɔmɛ nɛ o kpaka kɛ je Egipt zugba a nɔ kɛ ba a, a ble a he.

Mose II, 33:3

nɛ bɔfo ɔ ma kpaka nyɛ kɛ ya zugba nɛ hi, nɛ baa ní saminya hulɔ ɔ nɔ. Imi nitsɛ lɛɛ i kɛ nyɛ be yae, bɔ nɛ pee nɛ ma ko ya kpata nyɛ hɛ mi ngɛ blɔ ɔ nɔ, ejakaa ma nɛ kuɛ wa ji nyɛ.”

Ezekiel 20:8

Se a tsɔ ye hɛ mi atuã; a kplɛɛ we nɛ a bu mi tue; nɔ ko nɔ ko sakee we yakayaka ní ɔmɛ ngɔ pue he; a hɛɛ Egipt amaga amɛ a mi wawɛɛ. Kɛkɛ nɛ i to ye yi mi kaa ma ha nɛ a nu ye we abofu gbeyegbeye ɔ he ngɛ Egipt.

Hosea 12:13

Yawɛ ha nɛ gbalɔ ko ya je e ma Israel kɛ je Egipt. Gbalɔ nɛ ɔ tsɔɔ mɛ blɔ, nɛ e hyɛ a nɔ.

Mika 6:4

I je nyɛ kɛ je Egipt zugba a nɔ; i je nyɛ kɛ je nyɔguɛ si himi mi; i tsɔ Mose, Aaron, kɛ Miriam nɛ a ya kpaka nyɛ kɛ ba.

Mose IV, 14:22

nihi tsuo nɛ na ye hɛ mi nyami, kɛ okadihi nɛ i pee ngɛ Egipt kɛ nga a nɔ, se kɛ̃ a ka mi si nyɔngma sɔuu, nɛ a bui ye gbi tue ɔ,

Mateo 24:43

Nyɛ ná nyɛɛ le kaa ke wetsɛ ko le nyɔ mi be tutuutu nɛ julɔ maa ba e we mi ɔ, e ko huɔ, nɛ e ko ngmɛ́ blɔ nɛ julɔ ɔ ba ju lɛ.

Mateo 24:48

Se ke tsɔlɔ yaya ji lɛ ɔ, e ma de ngɛ e yi mi ke e nyɔmtsɛ ɔ se ya fia si bɔɔ.

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.

Ni Tsumi 19:26

Jehanɛ ɔ, nyɛ nitsɛmɛ nyɛ nu, nɛ nyɛ na níhi nɛ kikɛmɛ a Paulo nɛ ɔ ngɛ pee. E deɔ ke mawuhi nɛ nɔmlɔ adesa kɛ e nine pee ɔ pi mawu. Amlɔ nɛ ɔ, e plɛ nihi babauu a yi mi ngɛ Efeso hiɛmɛ nɛ ɔ, kɛ Asia kpokpa tsuo nɔ.

Ni Tsumi 7:40

Lɔ ɔ he ɔ, a de Aaron ke, ‘Pee mawuhi ha wɔ, nɛ a nyɛɛ wa hɛ mi; se kikɛmɛ a Mose nɛ ɔ nɛ nyɛɛ wa hɛ mi kɛ je Egipt kɛ ba su hiɛmɛ nɛ ɔ, wa li nɔ́ nɛ ya ba e nɔ.’

Mose V, 31:8

Yawɛ nitsɛ ma kpaka mo, nɛ e kɛ mo maa hi si. E be mo sie, nɛ e be mo kuae hulɔ; lɔ ɔ he ɔ, koo nu sawale; nɛ koo ye gbeye.”

Mose V, 9:1

“Nyɛɛ bu tue, Israel bi; mwɔnɛ ɔ, nyɛ maa po Yordan pa a, konɛ nyɛ ya fie je ma amɛ nɛ kle, nɛ a he wa pe nyɛ ɔ. A fia gbogbo nɛ ya hiɔwe ploplooplo ngɔ wo a ma amɛ a he.

Mose V, 9:9

Imi nɛ i kuɔ yo ɔ, nɛ i ya he tɛ tɛtlɛɛhi nɛ a ngma somi nɛ Yawɛ kɛ nyɛ so ɔ ngɛ a nɔ ɔ kɛ ba. I hi yo ɔ nɔ nyɔnyɔɔnyɔ kɛ piapiaapia ligbi nyingmi eywiɛ; nɛ́ i yi ní ɔ, i nui nyu hulɔ.

Yoshua 7:13

Tee si, nɛ o tsukɔ ma a he, nɛ o ha a pee a he klɔuklɔu ngɛ ye hɛ mi. De mɛ ke hwɔɔ je nɛ maa na a, a dla a he; ejakaa nɔ́ nɛ imi Yawɛ, Israel Mawu ɔ, i ngɛ mɛ dee ji nɛ ɔ nɛ: ‘Níhi nɛ i wo nyɛ mlaa ke nyɛ kpata a hɛ mi ɔ ekomɛ ngɛ nyɛ dɛ! Nyɛ be he nyɛli ɔmɛ a nya nyɛe maa da, ja nyɛ je musu ní ɔmɛ kɛ je nyɛ kpɛti!’

2 Petro 3:4

Kikɛmɛ a nimli nɛ ɔmɛ ma de ke, “E wo si kaa e maa kpale kɛ ba ekohu, pi jã lo? Jije e ngɛ? Ejakaa kɛ je be nɛ wa nɛmɛ ɔmɛ gbo nɛ ɔ, bɔ nɛ níhi ngɛ kɛ je be mi nɛ a bɔ je ɔ, jã nɔuu nɛ a ngɛ nɛ ɔ nɛ.”