Mose II, 31:18 - BAIBLO ALOO NGMAMI KLƆUKLƆU Ɔ

¹⁸ Benɛ Mawu kɛ Mose tu munyu gbe nya ngɛ Sinai yo ɔ nɔ ɔ, Mawu ngɔ tɛ tɛtlɛɛ enyɔ ɔmɛ nɛ lɛ nitsɛ e ngma mlaa amɛ ngɛ nɔ ɔ kɛ ha Mose.

Mose II, 31:18 ပူးပေါင်းရင်းမြစ်များ

Mose V, 4:13

E tsɔɔ nyɛ bɔ nɛ nyɛ maa pee kɛ ye somi nɛ e kɛ nyɛ so ɔ nɔ; lɔ ɔ ji kaa nyɛ maa ye mlaa nyɔngma amɛ nɛ e ngma ngɛ tɛ tɛtlɛɛ enyɔ ɔmɛ a nɔ ɔ a nɔ.

Mose V, 5:22

“Benɛ nyɛ bua nyɛ he nya ngɛ yo ɔ he ɔ, mlaahi nɛ Yawɛ ngɔ ha nyɛ tsuo ji nɛ ɔmɛ nɛ. Benɛ e wo gbi kɛ je la, kɛ bɔku kpii ɔ mi ɔ, jamɛ be ɔ mi nɛ e ha nyɛ mlaa nɛ ɔmɛ, nɛ ekpa ko piɛ we he. Lɔ ɔ se ɔ, e ngma mɛ ngɛ tɛ tɛtlɛɛ enyɔ nɔ, nɛ e ngɔ mɛ ngɔ ha mi.

Mose II, 24:12

Yawɛ de Mose ke, “Moo kuɔ yo ɔ kɛ ba ye ngɔ nɛ o ba mlɛ, nɛ ma ngɔ tɛ tɛtlɛɛ enyɔ ɔmɛ kɛ a nɔ mlaa amɛ nɛ i ngma nɛ a kɛ tsɔse ma a ngɔ ha mo.”

2 Korintobi 3:3

Nyɛ ngɛ kaa womi nɛ Kristo nitsɛ ngma nɛ e kɛ tsɔ wɔ; pi womi nɛ a kɛ ní ngmami nyu ngmaa ngɛ tɛ tɛtlɛɛhi a nɔ ɔ. Se mohu, enɛ ɔ ji womi nɛ Kristo ngma kɛ gu Mawu hɛ kalɔ ɔ mumi ɔ nɔ ngɛ adesa tsui mi.

Mose II, 8:19

Kɛkɛ nɛ wɔnɔ ɔmɛ de Farao ɔ ke, “Mawu nɔ́ peepee ji nɛ ɔ nɛ.” Se kɛ̃ Farao ɔ kplii e tsui; nɛ kaa bɔ nɛ Yawɛ de ɔ, e bui mɛ tue.

Luka 11:20

Ee, Mawu he wami mohu i kɛ ngɛ mumi yayami ɔmɛ hiae ɔ nɛ; nɛ nɔ́ nɛ ɔ tsɔɔ kaa Mawu bɔni matsɛ yemi ngɛ nyɛ nɔ momo.

Mateo 12:28

Se imi lɛɛ ke Mawu Mumi ɔ lɛ haa mi he wami nɛ i kɛ hiaa mumi yayami ɔmɛ ɔ, e tsɔɔ kaa Mawu matsɛ yemi ɔ ba na nyɛ momo.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Matsɛmɛ II, 11:12

Jehanɛ, Yehoyada je matsɛbi ɔ kpo, nɛ e fi lɛ jlasi, nɛ e ngɔ mlaa womi ɔ kɛ wo e dɛ mi. Lɔ ɔ se ɔ, a pɔ Yoash nu, nɛ a wo lɛ matsɛ. Ni ɔmɛ fia a dɛ, nɛ a hwɔ lele, nɛ a de ke, “Matsɛ yi nɛ na wa!”

Mose V, 10:4

Jehanɛ, Yawɛ ngma munyu ɔmɛ nɛ e ngma ngɛ kekle tɛ tɛtlɛɛ enyɔ ɔmɛ a nɔ ɔ ngɔ wo tɛ tɛtlɛɛ ehe nɛ ɔmɛ a nɔ. Munyu nɛ ɔmɛ ji mlaa nyɔngma amɛ nɛ a ngma ha nyɛ, benɛ e tu munyu kɛ je la a mi ligbi ɔ nɛ nyɛ bua nyɛ he nya ngɛ yo ɔ he ɔ. Kɛkɛ nɛ Yawɛ ngɔ tɛ tɛtlɛɛ ɔmɛ ngɔ ha mi;