Mose II, 30:9 - BAIBLO ALOO NGMAMI KLƆUKLƆU Ɔ

⁹ Nyɛ ko sã tsopa kɛ e he via kpa ko, aloo sami bɔ, aloo niye ní bɔ ngɛ bɔ sami la tɛ nɛ ɔ nɔ; nyɛ ko sã wai bɔ ngɛ lejɛ ɔ hulɔ.

Mose II, 30:9 ပူးပေါင်းရင်းမြစ်များ

Mose II, 30:10

Daa jeha a, Aaron nɛ pee kusumi kɛ tsukɔ bɔ sami la tɛ ɔ he. Lohwe ɔ nɛ a kɛ ba sã yayami pami bɔ ɔ, e ngɔ e muɔ ɔ ngɔ pue bɔ sami la tɛ ɔ koli eywiɛ ɔmɛ a nɔ. A pee nɔ́ nɛ ɔ daa jeha, yi nɔ tsuaa yi nɔ. Bɔ sami la tɛ nɛ ɔ maa pee klɔuklɔu nitsɛnitsɛ kɛ ha imi Yawɛ.”

Mose II, 30:8

Daa gbɔkuɛ hu ke e ma kane ɔmɛ sumi ɔ, e pee ja nɔuu. A sã tsopa kɛ e he via nɛ ɔ daa ngɛ imi Yawɛ, ye hɛ mi. A pee nɔ́ nɛ ɔ yi nɔ tsuaa yi nɔ.

Mose III, 10:1

Aaron binyumuhi, Nadab kɛ Abihu a ti nɔ tsuaa nɔ ngɔ e ngɛyu, nɛ e je la ngɔ wo mi, nɛ e ngɔ tsopa kɛ e he via ngɔ pue nɔ, nɛ e kɛ ba Yawɛ hɛ mi; se la nɛ ɔ he tsɔ we, ejakaa Yawɛ fa we mɛ ke a pee ja.