Mose II, 30:36 - BAIBLO ALOO NGMAMI KLƆUKLƆU Ɔ

³⁶ Moo wɛɛ eko nɛ e pee bukɔbukɔ kaa mamu, nɛ o ngɔ eko kɛ ya ma daka a nɛ somi womi ɔ ngɛ mi ɔ hɛ mi ngɛ kpe he bo tsu ɔ mi he nɛ i kɛ nyɛ maa kpe ngɛ ɔ. Nyɛɛ hɛɛ tsopa kɛ e he via nɛ ɔ kaa nɔ́ ko klɔuklɔu nitsɛnitsɛ.

Mose II, 30:36 ပူးပေါင်းရင်းမြစ်များ

Mose II, 25:22

Lejɛ ɔ ji he nɛ i kɛ mo maa kpe ngɛ; nɛ mlaahi tsuo nɛ ma wo Israel ma a kɛ gu o nɔ ɔ, ma da kerub enyɔ ɔmɛ a kpɛ kɛ de mo.

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose II, 30:6

Ngɔɔ bɔ sami la tɛ nɛ ɔ kɛ ma tsu mi pomi bo ɔ se ngɛ daka a nɛ somi womi ɔ ngɛ mi ɔ hɛ mi. Lejɛ ɔ ji he nɛ i kɛ nyɛ maa kpe ngɛ.

Mose II, 16:34

Nɛ kaa bɔ nɛ Yawɛ fa Mose ɔ, Aaron ngɔ kɛ ma somi daka a hɛ mi.

Mose II, 27:21

Aaron kɛ kane ɔ nɛ ma kpe he bo tsu ɔ mi, ngɛ tsu mi pomi bo ɔ nɛ haa somi daka a hɛ mi ɔ hɛ mi. Aaron kɛ e binyumu ɔmɛ nɛ a hyɛ kane ɔ nɔ ngɛ ye hɛ mi daa kɛ je gbɔkuɛ kɛ yaa si mɔtu. Enɛ ɔ maa pee mlaa nɛ fɔɔ si kɛ yaa neneene kɛ ha Israel bi ɔmɛ, kɛ a nina tsuo.

Mose II, 30:35

Ngɔɔ ní nɛ ɔmɛ kɛ pee tsopa kɛ e he via kpakpa. E hi kaa nɔ́ nɛ tsopa kɛ e he via he ní tsulɔ nitsɛ pee, nɛ o ngɔ ngo kɛ wo mi, konɛ e mi nɛ tsɔ, nɛ e pee klɔuklɔu.