Mose II, 30:34 - BAIBLO ALOO NGMAMI KLƆUKLƆU Ɔ

³⁴ Yawɛ de Mose ke, “Moo ngmɛ tsopa kɛ e he via nɛ ɔmɛ nɛ a jiimi nɛ pee fiee: stakte, onitsa, galbanum, kɛ mimɛ ngmingmiingmi.

Mose II, 30:34 ပူးပေါင်းရင်းမြစ်များ

Mose II, 37:29

Jehanɛ, e pee nɔ pɔmi nu klɔuklɔu, ɔ kɛ tsopa kɛ e he via ngmingmiingmi ɔ hulɔ. E futu tsopa amɛ pɛpɛɛpɛ kaa nɔ́ nɛ tsopa kɛ e he via he ní tsulɔ nitsɛ lɛ pee.

Mose III, 2:15

A wo mi nu, nɛ a kɛ tsopa kɛ e he via nɛ pue nɔ. Niye ní bɔ ji nɛ ɔ nɛ.

Mose II, 30:23

“Yaa nɛ o ya hla tsopa kɛ e he via kpakpa nɛ ɔmɛ: mire nyu kilo ekpa, sinamon nɛ jeɔ via ja hiɛmi fa, nɛ ji kilo etɛ, kalamo nɛ jeɔ via kilo etɛ,

Mose II, 25:6

nu nɛ a kɛ woɔ kane mi, tsopa nɛ a kɛ peeɔ nɔ pɔmi nu kɛ tsopa kɛ e he via,

Mateo 2:11

A sɛ we ɔ mi, nɛ benɛ a na bimwɔyo ɔ, kɛ e nyɛ Maria a, a kpla si nɛ a ja bimwɔyo ɔ. A pɛne a kotoku ɔmɛ a nya, nɛ a ke lɛ ní: sika tsu, mimɛ, kɛ mire.

Lahi 3:6

Mɛni je nga kplanaa a nɔ kɛ ma nɛ ɔ? Mɛni lɛ ma kaa la su ku kusuu nɛ ɔ? Mɛni ji nɛ ɔ kɛ e he via kaa tsopa kɛ e he via, aloo mimɛ, aloo jua yeli a tsopa kpa komɛ nɛ jee via a?

Nehemia 13:5

Eliashib dla tsu agbo ko ngɔ to Tobia. Jinɛ ní nɛ ɔmɛ pɛ nɛ a toɔ ngɛ tsu ɔ mi: niye ní bɔ, mimɛ, níhi nɛ a kɛ tsuɔ ní ngɛ Mawu we ɔ, bɔhi nɛ a haa osɔfo ɔmɛ, blɛfo mi dlami nyɔngmanyɔngma mi kakaaka amɛ, wai, kɛ oliv nu nɛ a kɛ haa Levi bi ɔmɛ, kɛ Mawu we ɔ lali ɔmɛ, kɛ buli ɔmɛ ɔ.

Mose III, 24:7

Nyɛɛ ngɔ tsopa kɛ e he via ngɔ pue abolo ɔmɛ a nɔ ngɛ za enyɔ ɔmɛ tsuo a mi, konɛ e pee abolo ɔ nane mi okadi kaa bɔ nɛ a kɛ la sãã ha Yawɛ.

Mose III, 5:11

Se ke nɔ ɔ be nyɛe ma ha lahuɛ enyɔ, loo beleku lahuɛ enyɔ ɔ, lɛɛ é ngɔ mamu bukɔbukɔ kilo kake kɛ ba kaa yayami pami bɔ. E ko ngɔ nu, loo tsopa kɛ e he via kɛ pue nɔ, ejakaa e ji yayami pami bɔ.

Mose III, 2:1

Ke nɔ ko ngɔ niye ní kɛ ma bɔ sami ha Yawɛ ɔ, é wɛɛ lɛ bukɔbukɔ kɛ pee mamu. E pue nɔ oliv nu, kɛ tsopa kɛ e he via,

Mose II, 30:33

Nɔ tsuaa nɔ nɛ maa pee nu ɔ eko nɛ ngɛ kaa lɔ ɔ, aloo nɔ tsuaa nɔ nɛ maa ngɔ nu nɛ ɔ eko kɛ pɔ nɔ ko nɛ pi osɔfo ji lɛ ɔ, á je lɛ we, nɛ a ko bu lɛ ngɔ si ye ma mi bi ɔmɛ a nɔ hu.’ ”

Mose II, 30:35

Ngɔɔ ní nɛ ɔmɛ kɛ pee tsopa kɛ e he via kpakpa. E hi kaa nɔ́ nɛ tsopa kɛ e he via he ní tsulɔ nitsɛ pee, nɛ o ngɔ ngo kɛ wo mi, konɛ e mi nɛ tsɔ, nɛ e pee klɔuklɔu.

Mose II, 31:11

nɔ pɔmi nu ɔ, kɛ tsopa kɛ e he via kɛ ha he klɔuklɔu ɔ. A pee nɔ́ tsuaa nɔ́ pɛpɛɛpɛ kaa bɔ nɛ i fa mo ɔ.”

Mose II, 35:15

bɔ sami la tɛ ɔ nɛ a sãã tsopa kɛ e he via ngɛ nɔ ɔ, kɛ e tso ɔmɛ; nɔ pɔmi nu ɔ, tsopa kɛ e he via a; kpe he bo tsu ɔ sinya a nya bo ɔ,

Mose III, 16:12

e ngɔ ngɛyu kɛ je la ngɛ bɔ sami la tɛ ɔ nɔ, nɛ e piti tsopa kɛ e he via nɛ a wɛɛ lɛ bukɔbukɔ dɛ kɔkɔ enyɔ, nɛ e kɛ sɛ he klɔuklɔu pe kulaa a.

Mose IV, 4:16

“Osɔfo Aaron bi Eleazar lɛɛ e ní tsumi ji kaa e hyɛ kane mi nu ɔ, tsopa kɛ e he via a, daa niye ní bɔ sami ɔ, kɛ nɔ pɔmi nu ɔ a nɔ. Lɛ ji nɔ nɛ maa hyɛ kpe he ɔ, e mi ní klɔuklɔu ɔmɛ, kɛ e he ní ɔmɛ tsuo a nɔ.”

Yesaya 43:23

O ngɔɛ jijɔ kɛ ba sã we sami bɔ ha mi; nɛ o ngɔɛ bɔhi kɛ ba wui ye hɛ mi nyami hulɔ. I gba we o nya ke o ba sã bɔ ha mi, loo o ba ha mi tsopa kɛ e he via.

Mose II, 30:7

Daa mɔtu ke Aaron ma kane ɔmɛ a he ní tsumi ɔ, e sã tsopa kɛ e he via ngɛ nɔ.