Mose II, 30:23 - BAIBLO ALOO NGMAMI KLƆUKLƆU Ɔ

²³ “Yaa nɛ o ya hla tsopa kɛ e he via kpakpa nɛ ɔmɛ: mire nyu kilo ekpa, sinamon nɛ jeɔ via ja hiɛmi fa, nɛ ji kilo etɛ, kalamo nɛ jeɔ via kilo etɛ,

Mose II, 30:23 ပူးပေါင်းရင်းမြစ်များ

Lahi 4:14

safron, kalamo, kɛ sinamon, loo tsopa kɛ e he via kpa slɔɔtoslɔɔtohi. Mimɛ kɛ tsopa tso kpahi nɛ jee via hu pɔ he ngɛ lejɛ ɔ.

Ezekiel 27:22

Sheba kɛ Raama bi ɔmɛ lɛɛ níhi nɛ a kɛ ba tsakee o guɛ ní ɔmɛ ji juetli, sika tsu, kɛ tsopa kɛ e he via kpakpa.

Yeremia 6:20

Tsopa kɛ e he via nɛ a kɛ jeɔ Sheba kɛ ba haa mi ɔ, mɛni ma pee he? Nu he via nɛ a kɛ jeɔ ma se lokoo kɛ ba haa mi ɔ, i hla we. I be a sami bɔ ɔmɛ ngɔe; bɔ kpa amɛ hu i sume.

Lahi 1:13

Ye suɔlɔ ɔ ngɛ ye gugue mi; e he ngɛ via jee kaa mimɛ.

Lahi 1:3

O he ngɛ via jee kaa nɔ́ ko; ke a wo o biɛ ta pɛ a kaiɔ o he via a; lɔ ɔ he nɛ yi ɔmɛ tsuo suɔ mo ɔ nɛ.

Abɛ Womi 7:17

I kɛ tsopa kɛ e he via nɛ ɔmɛ wo sa a mi: mimɛ, aloe, kɛ sinamon.

La 45:8

O tadehi a mi jeɔ via liliili kɛ tsopa kɛ e he via: mire, aloe, kɛ kasia. Kpa sakuhi a fiaa kɛ haa o bua jɔɔ o he ngɛ o mɔ ɔmɛ a mi; suɔ wu a kɛ ma mɔ nɛ ɔmɛ tsuo.

Mose II, 37:29

Jehanɛ, e pee nɔ pɔmi nu klɔuklɔu, ɔ kɛ tsopa kɛ e he via ngmingmiingmi ɔ hulɔ. E futu tsopa amɛ pɛpɛɛpɛ kaa nɔ́ nɛ tsopa kɛ e he via he ní tsulɔ nitsɛ lɛ pee.

Mose II, 25:6

nu nɛ a kɛ woɔ kane mi, tsopa nɛ a kɛ peeɔ nɔ pɔmi nu kɛ tsopa kɛ e he via,

Mose II, 30:22

Yawɛ de Mose ekohu ke,

Mose II, 30:24

kasia kilo ekpa, kaa bɔ nɛ a ngmɛɛ ní ngɛ kpe he ɔ, kɛ oliv nu lita eywiɛ.

Mose II, 31:11

nɔ pɔmi nu ɔ, kɛ tsopa kɛ e he via kɛ ha he klɔuklɔu ɔ. A pee nɔ́ tsuaa nɔ́ pɛpɛɛpɛ kaa bɔ nɛ i fa mo ɔ.”

Mose II, 35:28

kɛ tsopa kɛ e he via, kane mi nu, nɔ pɔmi nu, kɛ nu nɛ a kɛ peeɔ tsopa kɛ e he via.

Samuel I, 10:1

Kɛkɛ nɛ Samuel plɛ nu ngɛ tɔ ko mi kɛ pue Saul yi mi. Lɔ ɔ se ɔ, e fua lɛ atuu, nɛ e de lɛ ke, “Yawɛ hla mo kaa e ma Israel ganɔ. O maa ye e ma a nɔ, nɛ o ma kpɔ mɛ kɛ je he nyɛli nɛ bɔle mɛ ɔ a dɛ mi. Okadi nɛ o kɛ maa na kaa Yawɛ nɛ hla mo ke o ba pee e ma, Israel ganɔ ji nɛ ɔ nɛ.

Matsɛmɛ I, 1:39

Benɛ a su Gihon ɔ, osɔfo Zadok ya ngɔ nu kɛ koli ɔ ngɛ kpe he bo tsu ɔ mi, nɛ e pɔ Salomo nu. Lɔ ɔ se ɔ, a kpa titimati; nɛ ma a tsuo he ose ke, “Matsɛ Salomo yi nɛ na wami oo!”

Kronika I, 9:30

Se tsopa kɛ e he via a futumi lɛɛ osɔfo ɔmɛ a ní tsumi ji lɔ ɔ.

Yesaya 43:24

O he we tsopa kɛ e he via ha mi, nɛ o ngɔɛ lohwehi a zɔ hu kɛ ba sã we bɔ kɛ sa ye hɛ mi, se mohu, o ngɔ o he yayami kɛ ngɛ mi haoe sɔuu, nɛ pɔ tɔ mi kɛ o tɔmi ɔmɛ.

Mose IV, 4:16

“Osɔfo Aaron bi Eleazar lɛɛ e ní tsumi ji kaa e hyɛ kane mi nu ɔ, tsopa kɛ e he via a, daa niye ní bɔ sami ɔ, kɛ nɔ pɔmi nu ɔ a nɔ. Lɛ ji nɔ nɛ maa hyɛ kpe he ɔ, e mi ní klɔuklɔu ɔmɛ, kɛ e he ní ɔmɛ tsuo a nɔ.”

Kronika I, 9:29

Ni komɛ hu a ní tsumi ji a hyɛ tsu mi ní ɔmɛ, kɛ ní klɔuklɔu kpa amɛ, mamu ɔ, wai ɔ, oliv nu ɔ, tsopahi kɛ a he via a nɔ.