Mose II, 30:18 - BAIBLO ALOO NGMAMI KLƆUKLƆU Ɔ

¹⁸ “Moo pee akɔblee kã kɛ e sisi akɔblee kla. Ngɔɔ kɛ ma kpe he bo tsu ɔ kɛ bɔ sami la tɛ ɔ a kpɛti, nɛ o yɛ nyu kɛ wo mi.

Mose II, 30:18 ပူးပေါင်းရင်းမြစ်များ

Mose II, 40:7

Ngɔɔ nyu kã a kɛ ma kpe he bo tsu ɔ kɛ bɔ sami la tɛ ɔ a kpɛti, nɛ o yɛ nyu kɛ wo mi.

Mose II, 38:8

E pee akɔblee kã kɛ e sisi kla; e ná akɔblee ahuhuɛ ɔmɛ nɛ e kɛ pee ɔ kɛ je yi ɔmɛ nɛ sɔmɔɔ ngɛ kpe he bo tsu ɔ sinya a nya a a dɛ.

Kronika II, 4:2

Jehanɛ, e pee akɔblee nyu nɔ́ ko; e ngɛ kokloo, nɛ e mi kuɔmi ji nine mi blimi nyɔngma. Kɛ je e nya hiɛ kɛ ya si hiɛ ɔ, e peeɔ gugue enyɔ kɛ fa, nɛ kpa nɛ kami ji gugue kpaago kɛ fa maa kpe he.

Matsɛmɛ I, 7:38

Jehanɛ, Huram pee akɔblee kã nyɔngma, tlɔɔke tsuaa tlɔɔke kɛ e he kã. Kã tsuaa kã a, kpa nine mi blimi kpaanyɔ maa kpe he, nɛ nyu lita lafa kpaanyɔ maa ya mi.

Matsɛmɛ I, 7:23

Huram pee akɔblee nyu nɔ́ ko; e ngɛ kokloo, nɛ e mi kuɔmi ji nine mi blimi nyɔngma. Kɛ je e nya hiɛ kɛ ya si hiɛ ɔ, e peeɔ nine mi blimi nyingmi enyɔ nɛ kpa nɛ kami ji nine mi blimi nyingmi ekpa maa kpe he.

1 Yohane 1:7

Se ke wa ba wa je mi saminya ngɛ Mawu hɛ mi kaa bɔ nɛ lɛ Mawu ɔ e su ngɛ ɔ, lɔ ɔ lɛɛ waa kɛ wa sibi ngɛ huɛ bɔe. Kɛkɛ ɔ, e Bi Yesu Kristo muɔ ɔ maa tsukɔ wa he, nɛ e ma je wa he yayami ɔmɛ tsuo.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Kronika II, 4:6

Jehanɛ, a pee akɔblee kã nyɔngma; a kɛ enuɔ ma Yawɛ we ɔ leneyi je, nɛ a kɛ enuɔ ma omleyi je. A pee akɔblee kã nɛ ɔmɛ, nɛ́ a fɔ lohwe ɔmɛ nɛ a kɛ ba sã sami bɔ ɔ a he, nɛ a jale a he ngɛ a mi. Nyu ɔ nɛ ngɛ nyu nɔ́ agbo ɔ mi ɔ lɛɛ osɔfo ɔmɛ kɛ ma fɔ a he.

Mose III, 8:11

E kɛ nu ɔ eko fĩa bɔ sami la tɛ ɔ nɔ si kpaago kɛ pɔ bɔ sami la tɛ ɔ kɛ e he ní ɔmɛ tsuo kɛ kã a kɛ e sisi kla a nu, nɛ e kɛ tsukɔ a he.

Mose II, 31:9

bɔ sami la tɛ ɔ kɛ e he ní ɔmɛ tsuo, nyu kã a kɛ e sisi kla a,

Mose II, 30:17

Yawɛ de Mose ke,

Fiɛlɔ 5:1

Ke o yaa Mawu we ɔ, hyɛ o he nɔ saminya. E hi kaa o ma ya kase ní ngɛ lejɛ ɔ, pe nɔ́ nɛ o ma ya sã bɔ kaa bɔ nɛ kuasiahi peeɔ ɔ; ejakaa a li kaa a ngɛ yayami pee.