Mose II, 30:14 - BAIBLO ALOO NGMAMI KLƆUKLƆU Ɔ

¹⁴ Nɔ tsuaa nɔ nɛ ye kɛ je jeha nyingmi enyɔ kɛ yaa a, ke a kane lɛ pɛ e ngɔ nike ní nɛ ɔ ba ha mi.

Mose II, 30:14 ပူးပေါင်းရင်းမြစ်များ

Mose IV, 1:20

A ngma nyumuhi tsuo nɛ ye jeha nyingmi enyɔ, kɛ ni nɛmɛ nɛ ye pe ja, nɛ a su ta yami ɔ a biɛ weku nya weku nya, kɛ we puɔ nya we puɔ nya. A ngma biɛ ɔ kɛ je Yakob bitɛte Ruben nɔ. Bɔ nɛ e ba lɛ ha ji nɛ ɔ nɛ: WƐTSO NI ƆMƐ A HIƐMI Ruben 46,500 Simeon 59,300 Gad 45,650 Yuda 74,600 Isakar 54,400 Zebulun 57,400 Efraim 40,500 Manase 32,200 Benyamin 35,400 Dan 62,700 Asher 41,500 Naftali 53,400 Lɛ tsuo peeɔ 603,550.

Mose IV, 32:11

‘Nyumuhi nɛ a je Egipt kɛ ba, nɛ a ye kɛ je jeha nyingmi enyɔ kɛ yaa a, akɛnɛ a nyɛɛ we ye se kɛ pi si he je ɔ, i ngɛ kita kae kaa ke a ti nɔ ko na zugba a nɛ i wo si ke ma ngɔ kɛ ha Abraham, Isak, kɛ Yakob ɔ fii!

Mose IV, 26:2

“Nyɛɛ kane Israel ma kpekpemi ɔ tsuo we puɔ nya we puɔ nya, kɛ je ni nɛmɛ nɛ ye jeha nyingmi enyɔ kɛ yaa, nɛ a ma nyɛ ya ta a nɔ.”

Mose IV, 14:29

Nyɛ ma gbo pue si ngɛ nga nɛ ɔ nɔ. Nihi tsuo nɛ a ye kɛ je jeha nyingmi enyɔ kɛ yaa, nɛ a ngma a biɛ, nɛ a hɔɔ nya si kɛ wo mi ɔ,

Mose IV, 1:3

Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ e ma nyɛ maa ya ta a, nyɛɛ ngma e biɛ, nɛ nyɛ gba mɛ tabo nya tabo nya.

Mose II, 30:13

Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose II, 30:15

Ke nyɛ ngɔ nyɛ klaa kpɔmi hiɔwo nike ní nɛ ɔ kɛ ma imi Yawɛ, ye hɛ mi ɔ, ohiatsɛ kɛ niatsɛ tsuo nɛ a wo kaa bɔ nɛ a po fɔ si ɔ; ohiatsɛ nɛ ko ha fa, nɛ niatsɛ hu nɛ ko ha kɛ be nɔ.

Ezekiel 45:16

“Ma a tsuo nɛ ngɔ bɔ nɛ ɔmɛ kɛ ba ha ganɔ ɔ nɛ ngɛ Israel ma a nɔ yee ɔ.

Ezekiel 45:12

“Bɔ nɛ nyɛ níhi a ngmɛmi blɔ nya tomi ngɛ ha ji nɛ ɔ nɛ: Sɛni tɛ nɛ a tsɛɛ gera a nyingmi enyɔ lɛ peeɔ shekel kake. Shekel nyingmi ekpa lɛ peeɔ mina kake.