Mose II, 30:13 - BAIBLO ALOO NGMAMI KLƆUKLƆU Ɔ

¹³ Nɔ tsuaa nɔ nɛ a maa kane lɛ ɔ, e maa wo hiɔ nɛ ɔ kaa bɔ nɛ a po fɔ si ngɛ kpe he bo tsu ɔ mi. Nɔ tsuaa nɔ maa wo hiɔ nɛ ɔ kaa nike ní ko nɛ e ngɔ kɛ ba ha imi Yawɛ.

Mose II, 30:13 ပူးပေါင်းရင်းမြစ်များ

Mose III, 27:25

Jua amɛ tsuo pɛpɛɛpɛ nɛ a maa wo ɔ, a pee kaa bɔ nɛ he klɔuklɔu ɔ mlaa a tsɔɔ ɔ.

Mose IV, 3:47

Bi tsuaa bi ɔ, á ngɔ sika hiɔ yi enuɔ kɛ kpɔ lɛ kaa bɔ nɛ he klɔuklɔu jua nɛ a po ɔ ngɛ ɔ.

Ezekiel 45:12

“Bɔ nɛ nyɛ níhi a ngmɛmi blɔ nya tomi ngɛ ha ji nɛ ɔ nɛ: Sɛni tɛ nɛ a tsɛɛ gera a nyingmi enyɔ lɛ peeɔ shekel kake. Shekel nyingmi ekpa lɛ peeɔ mina kake.

Mateo 17:24

Benɛ Yesu kɛ e kaseli ɔmɛ ba Kapernaum ɔ, sɔlemi tsu ɔ he tó tsuli ɔmɛ ba Petro ngɔ, nɛ a ba bi lɛ ke, “Anɛ nyɛ tsɔɔlɔ ɔ woɔ tó ɔ lo?”

Mose II, 38:26

Nɔ tsuaa nɔ ha ngɛ he klɔuklɔu ɔ susumi nɔ́ ɔ nya. Nyumu tsuaa nyumu nɛ ye kɛ je jeha nyingmi enyɔ kɛ yaa, nɛ a kane lɛ ɔ, ha kikɛmɛ a sika nɛ ɔ. Nyumuhi abɔ nɛ a ngma a biɛ benɛ a ngɛ ni ɔmɛ kanee ɔ, a yibɔ ji nimli akpe lafa ekpa kɛ etɛ, kɛ e nya lafa enuɔ kɛ nyingmi enuɔ.

Mateo 27:24

Pilato na kaa e he hia we hu kaa a ya nɔ, ejakaa basabasa miɔ nɛ e maa te si. Lɔ ɔ he ɔ, e yɛ nyu, nɛ e fɔ e dɛ ngɛ ma kpekpemi ɔ hɛ mi, nɛ e de ke, “Nyumu nɛ ɔ gbenɔ ɔ, ye nine be mi oo, ye nine be mi! Nyɛ, nyɛ sane!”

Mateo 21:12

Yesu ya sɔlemi we ɔ, nɛ e ya fie nihi nɛ ngɛ ní juae, kɛ ni nɛmɛ nɛ ngɛ ní hee tsuo kɛ je lejɛ ɔ. E sake sika tsakeli ɔmɛ a we okplɔɔ ɔmɛ, kɛ nihi nɛ ngɛ lahuɛ juae ɔ a sɛ ɔmɛ ngɔ fia si,

Mose I, 23:15

“I kpa mo pɛɛ nɛ o bu mi tue! Zugba a he jua ji sika hiɔ yi lafa eywiɛ. Se imi kɛ mo wa kpɛti ɔ, lɔ ɔ tsapi nɔ́ ko kulaa. Yaa nɛ o ya pu o yo ɔ ngɛ lejɛ ɔ.”

Mose II, 30:14

Nɔ tsuaa nɔ nɛ ye kɛ je jeha nyingmi enyɔ kɛ yaa a, ke a kane lɛ pɛ e ngɔ nike ní nɛ ɔ ba ha mi.

Mose II, 38:24

Sika tsu tsuo pɛpɛɛpɛ nɛ a kɛ tsu ní ngɛ he klɔuklɔu ɔ, nɛ ji sika tsu nɛ a ngɔ kɛ ba sã bɔ ɔ, e jiimi ji kilo akpe ngɛ he klɔuklɔu ɔ susumi nɔ́ ɔ nya.

Mose III, 5:15

ke nɔ ko li e he be nɛ e pee yayami kɛ si Mawu, lɔ ɔ ji kaa e ha we Yawɛ ní klɔuklɔu ɔmɛ nɛ sa nɛ e ha lɛ sisiisi ɔ, é ngɔ agbosu nɛ kpa ko be e he kɛ ba. Lohwe ɔ jua nɛ pee bɔ nɛ he klɔuklɔu ɔ mlaa a tsɔɔ ɔ. Fɔ yemi bɔ ji nɛ ɔ nɛ.

Mose III, 27:3

Kaa bɔ nɛ jua a ngɛ ɔ, nyumu nɛ ye kɛ je jeha nyingmi enyɔ kɛ yaa si nyingmi ekpa a, e he jua ji sika hiɔ yi nyingmi enuɔ. Yo hu nɔ́ ji sika hiɔ yi nyingmi etɛ. Niheyo nɛ ye kɛ je jeha enuɔ kɛ ya si nyingmi enyɔ ɔ, e he jua ji sika hiɔ yi nyingmi enyɔ. Yiheyo he jua ji sika hiɔ yi nyɔngma. Bimwɔyo nɛ ye kɛ je nyɔhiɔ kake kɛ yaa si jeha enuɔ ɔ, nyumuyo jua ji sika hiɔ yi enuɔ, yoyo nɔ́ ji sika hiɔ yi etɛ. Nɔ nɛ ye jeha nyingmi ekpa kɛ se ɔ, nyumu he jua ji sika hiɔ yi nyɔngma kɛ enuɔ, nɛ yo nɔ ji sika hiɔ yi nyɔngma.

Matsɛmɛ II, 12:4

Ligbi ko ɔ, Yoash de osɔfo ɔmɛ ke sika tsuo pɛpɛɛpɛ nɛ ma a kɛ baa Yawɛ we ɔ kaa nike ní klɔuklɔu ɔ, a ngɔ kɛ to. Lɔ ɔ ji sika nɛ nyumu tsuaa nyumu haa be mi nɛ a kane lɛ, sika nɛ nɔ tsuaa nɔ haa kɛ kpɔɔ e susuma, kɛ sika nɛ nɔ ko haa kɛ jeɔ lɛ nitsɛ e tsui mi.

Mose IV, 18:16

Níhi nɛ a ma kpɔ ɔ, ke a ye nyɔhiɔ kake pɛ a kpɔ mɛ. Jua nɛ a po fɔ si kɛ ha a kpɔmi ji sika hiɔ yi enuɔ, kaa bɔ nɛ he klɔuklɔu ɔ jua nɛ a po ɔ ngɛ ɔ.

Matsɛmɛ II, 12:5

Osɔfo tsuaa osɔfo nɛ e he sika a ngɛ lɛ nitsɛ e we asafo bi a dɛ, konɛ be tsuaa be nɛ e maa hia kaa a dla Yawɛ we ɔ, a ngɔ sika a kɛ dla lɛ.