Mose II, 30:10 - BAIBLO ALOO NGMAMI KLƆUKLƆU Ɔ

¹⁰ Daa jeha a, Aaron nɛ pee kusumi kɛ tsukɔ bɔ sami la tɛ ɔ he. Lohwe ɔ nɛ a kɛ ba sã yayami pami bɔ ɔ, e ngɔ e muɔ ɔ ngɔ pue bɔ sami la tɛ ɔ koli eywiɛ ɔmɛ a nɔ. A pee nɔ́ nɛ ɔ daa jeha, yi nɔ tsuaa yi nɔ. Bɔ sami la tɛ nɛ ɔ maa pee klɔuklɔu nitsɛnitsɛ kɛ ha imi Yawɛ.”

Mose II, 30:10 ပူးပေါင်းရင်းမြစ်များ

Mose III, 16:18

é je kpo kɛ ya bɔ sami la tɛ nɛ ngɛ Yawɛ hɛ mi ɔ he, nɛ e ya kpata Yawɛ kɛ ha la tɛ ɔ. É ngɔ na ku ɔ muɔ ɔ eko, kɛ akpakpo ɔ hu muɔ ɔ eko kɛ kpa bɔ sami la tɛ ɔ koli ɔmɛ a he.

Hebribi 9:25

Yuda osɔfo nɔkɔtɔma pe kulaa a yaa he klɔuklɔu pe kulaa a daa jeha kɛ muɔ nɛ pi lɛ nitsɛ e nɔ. Se Kristo ya lejɛ ɔ, pi nɛ e ngɔ e he ya sã bɔ si abɔ.

Mose III, 23:27

nyɔhiɔ kpaagone ɔ we ligbi nɛ ji nyɔngma a ji kpatami ligbi ɔ nɛ. Jamɛ a ligbi ɔ, nyɛɛ bua nyɛ he nya nɛ nyɛ ja Mawu. Nyɛɛ ha hwɔ, nɛ nyɛɛ sã bɔ nɛ a kɛ la sãã ha Yawɛ.

Hebribi 9:7

Se bo tsu enyɔne ɔ lɛɛ osɔfo nɔkɔtɔma pe kulaa a pɛ lɛ yaa lejɛ ɔ si kake ngɛ jeha mi. Pohu ja e hɛɛ lohwe muɔ kɛ ya ngɛ yayami nɛ lɛ nitsɛ e pee, kɛ yayamihi nɛ ma a li a he be nɛ a pee ɔ a he.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Kpojemi 9:13

Jehanɛ ɔ, bɔfo ekpane ɔ kpa e titimati ɔ, nɛ i nu gbi ko nɛ ngɛ pɛe kɛ je sika tsu bɔ sami la tɛ nɛ maa si ngɛ Mawu hɛ mi ɔ koli ɔmɛ a mi.

Mose II, 30:9

Nyɛ ko sã tsopa kɛ e he via kpa ko, aloo sami bɔ, aloo niye ní bɔ ngɛ bɔ sami la tɛ nɛ ɔ nɔ; nyɛ ko sã wai bɔ ngɛ lejɛ ɔ hulɔ.

Mose II, 30:11

Yawɛ de Mose ke,

Mose III, 16:2

E de lɛ ke, “De o nyɛminyumu Aaron ke e ko ya he klɔuklɔu pe kulaa a ngɛ tsu mi pomi bo ɔ se be saisaa, konɛ e ko gbo. Ejakaa lejɛ ɔ ji he nɛ i jeɔ ye he kpo ngɛ ngɛ bɔku mi, ngɛ somi daka a nya nɔ́ ɔ nɔ.

Mose III, 16:16

É pee kusumi nɛ ɔ kɛ kpata Yawɛ ngɛ he klɔuklɔu pe kulaa a ngɛ Israel bi ɔmɛ a musuhi nɛ a bɔ, mlaahi a nɔ nɛ a tɔ, kɛ yayamihi nɛ a pee ɔ tsuo kulaa he. É pee kusumi nɛ ɔ kɛ ha kpe he bo tsu ɔ hulɔ; ejakaa e ngɛ ma sito he ɔ he nɛ a ble ɔ.

Matsɛmɛ I, 1:50

Adoniya ye Salomo gbeye wawɛɛ nitsɛ; e ya sɛ bo tsu ɔ mi, nɛ e ya fua bɔ sami la tɛ ɔ he koli ɔmɛ.

Kronika I, 6:49

Aaron kɛ e nina lɛɛ a ní tsumi ji kaa a sã sami bɔ, kɛ tsopa kɛ e he via ngɛ bɔ sami la tɛ ɔ nɔ kaa bɔ nɛ a to blɔ nya kɛ ha jami ngɛ he klɔuklɔu pe kulaa a. Mɛ nɔuu ji ni nɛmɛ nɛ daa Israel ma a tsuo nane mi kɛ sãã kpatami bɔ kaa bɔ nɛ Mawu tsɔlɔ Mose fa mɛ ke a pee ɔ.

Mose III, 4:7

Lɔ ɔ se ɔ, e ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. É tsɛ̃ muɔ nɛ piɛ ɔ ngɔ pue bɔ sami la tɛ ɔ nɛ ngɛ kpe he bo tsu ɔ sinya nya a sisi.

Mose III, 4:18

Jehanɛ, é ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. Muɔ nɛ maa piɛ ɔ, é tsɛ̃ kɛ pue bɔ sami la tɛ ɔ nɛ ngɛ kpe he bo tsu ɔ sinya a nya a sisi.