Mose II, 30:1 - BAIBLO ALOO NGMAMI KLƆUKLƆU Ɔ

¹ “Ngɔɔ akasia tso kɛ pee bɔ sami la tɛ, nɛ a sã tsopa kɛ e he via ngɛ nɔ.

Mose II, 30:1 ပူးပေါင်းရင်းမြစ်များ

Kpojemi 8:3

Bɔfo kpa ba ba da si ngɛ bɔ sami la tɛ ɔ he, nɛ e hɛɛ tsopa kɛ e he via sami nɔ́ nɛ a kɛ sika tsu pee. A ha lɛ tsopa kɛ e he via fuu nɛ e kɛ piɛ Mawu we bi ɔmɛ tsuo a sɔlemi ɔ he, konɛ e kɛ sã bɔ ngɛ bɔ sami la tɛ nɛ a kɛ sika tsu pee ɔ nɔ ngɛ matsɛ sɛ ɔ hɛ mi.

Mose III, 4:7

Lɔ ɔ se ɔ, e ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. É tsɛ̃ muɔ nɛ piɛ ɔ ngɔ pue bɔ sami la tɛ ɔ nɛ ngɛ kpe he bo tsu ɔ sinya nya a sisi.

Mose II, 40:5

Ngɔɔ sika tsu bɔ sami la tɛ ɔ nɛ a kɛ maa sã tsopa kɛ e he via a kɛ ma somi daka a hɛ mi, nɛ o wo bo ngɔ kpla si ngɛ kpe he bo tsu ɔ sinya a nya.

Kronika II, 26:16

Se benɛ Uzia tsɛ yemi ɔ ba he si ɔ, e wo e he nɔ, nɛ nɔ́ nɛ ɔ ha nɛ e hɛ mi kpata. E ya sã tsopa kɛ e he via ngɛ tsopa kɛ e he via sami la tɛ ɔ nɔ ngɛ Yawɛ we ɔ, nɛ e kɛ nɔ́ nɛ ɔ tɔ̃ Yawɛ, e Mawu ɔ nɔ.

Matsɛmɛ I, 6:20

Kpɛti tsu nɛ ɔ kami ji gugue enuɔ, e blimi gugue enuɔ, kɛ e hiɔwe yami hu gugue enuɔ; nɛ a kɛ sika tsu ngmingmiingmi ha he. Bɔ sami la tɛ ɔ, a kɛ seda gbegbeli ha he.

Mose III, 4:18

Jehanɛ, é ngɔ muɔ ɔ eko kɛ kpa la tɛ ɔ nɛ a sãã tsopa kɛ e he via ngɛ nɔ ɔ koli ɔmɛ a he ngɛ kpe he bo tsu ɔ mi. Muɔ nɛ maa piɛ ɔ, é tsɛ̃ kɛ pue bɔ sami la tɛ ɔ nɛ ngɛ kpe he bo tsu ɔ sinya a nya a sisi.

Mose II, 30:10

Daa jeha a, Aaron nɛ pee kusumi kɛ tsukɔ bɔ sami la tɛ ɔ he. Lohwe ɔ nɛ a kɛ ba sã yayami pami bɔ ɔ, e ngɔ e muɔ ɔ ngɔ pue bɔ sami la tɛ ɔ koli eywiɛ ɔmɛ a nɔ. A pee nɔ́ nɛ ɔ daa jeha, yi nɔ tsuaa yi nɔ. Bɔ sami la tɛ nɛ ɔ maa pee klɔuklɔu nitsɛnitsɛ kɛ ha imi Yawɛ.”

Hebribi 9:4

Níhi nɛ ngɛ tsu nɛ ɔ mi ji tsopa kɛ e he via sami la tɛ nɛ a kɛ sika tsu pee ɔ, somi daka a nɛ a kɛ sika tsu ha he ɔ kɛ e mi sika tsu kplu ɔ nɛ mana a ngɛ mi ɔ, Aaron dɛma tso ɔ nɛ tsɛ̃ ba be ko ɔ, kɛ tɛ tɛtlɛɛ enyɔ ɔmɛ nɛ a ngma mlaa amɛ ngɛ a nɔ ɔ.

Mose II, 30:2

A pee la tɛ ɔ nɛ e hi kɔ nya eywiɛ; e kami nɛ pee nine mi blimi enyɔ, e blimi hu nine mi blimi enyɔ, kɛ e si temi nine mi blimi eywiɛ. E kɛ e koli ɔmɛ ngɛ kɔ nya eywiɛ ɔmɛ nɛ tsa.

Mose II, 35:15

bɔ sami la tɛ ɔ nɛ a sãã tsopa kɛ e he via ngɛ nɔ ɔ, kɛ e tso ɔmɛ; nɔ pɔmi nu ɔ, tsopa kɛ e he via a; kpe he bo tsu ɔ sinya a nya bo ɔ,

Mose IV, 3:31

Ní tsumi nɛ a tu kɛ wo a dɛ mi ji: ní tsumi tsuaa ní tsumi nɛ kɔɔ somi daka a he, okplɔɔ ɔ, kane tso ɔ, bɔ sami la tɛ ɔmɛ, níhi nɛ osɔfo ɔmɛ kɛ sɔmɔɔ ngɛ he klɔuklɔu ɔ, kɛ tsu mi pomi bo ɔ.

Matsɛmɛ I, 6:22

E kɛ sika tsu ha we mluku ɔ tsuo he; bɔ sami la tɛ nɛ ngɛ he klɔuklɔu pe kulaa a hu e kɛ sika tsu ha he.

Matsɛmɛ I, 7:48

Salomo ha a kɛ sika tsu ngmingmiingmi pee ní nɛ ɔmɛ hulɔ kɛ ma Yawɛ we ɔ mi: bɔ sami la tɛ ɔ, okplɔɔ ɔ nɛ a kɛ abolo klɛdɛɛ ɔ maa nɔ ngɛ Yawɛ we ɔ,

Kronika I, 6:49

Aaron kɛ e nina lɛɛ a ní tsumi ji kaa a sã sami bɔ, kɛ tsopa kɛ e he via ngɛ bɔ sami la tɛ ɔ nɔ kaa bɔ nɛ a to blɔ nya kɛ ha jami ngɛ he klɔuklɔu pe kulaa a. Mɛ nɔuu ji ni nɛmɛ nɛ daa Israel ma a tsuo nane mi kɛ sãã kpatami bɔ kaa bɔ nɛ Mawu tsɔlɔ Mose fa mɛ ke a pee ɔ.

Kronika I, 28:18

E tsɔɔ sika tsu ngmingmiingmi hiɛmi nɛ a kɛ pee bɔ sami la tɛ ɔ nɛ a sãã tsopa kɛ e he via ngɛ nɔ ɔ, kɛ nɔ́ nɛ a kɛ maa pee zugba lɛ ɔ kɛ ha kerub ɔmɛ nɛ gbɛ a pɛlihi a mi kɛ ha Yawɛ somi daka a he ɔ.

Ezekiel 41:22

bɔ sami la tɛ nɛ a kɛ tso pee. E hiɔwe yami ji gugue fa kɛ nine mi blimi enyɔ, nɛ e kami ji gugue fa, kɛ e blimi hu gugue fa. E kɔ nya amɛ, e nane ɔmɛ, kɛ e kasa nya amɛ tsuo tso a kɛ pee. Nyumu ɔ de mi ke, “Okplɔɔ nɛ maa Yawɛ hɛ mi ji nɛ ɔ nɛ.”

Mose II, 31:8

okplɔɔ ɔ kɛ e he ní ɔmɛ, kane tso ɔ nɛ a kɛ sika tsu ngmingmiingmi pee ɔ kɛ e he ní ɔmɛ tsuo, tsopa kɛ e he via sami la tɛ ɔ,

Mose II, 39:38

sika tsu bɔ sami la tɛ ɔ; nɔ pɔmi nu ɔ; tsopa kɛ e he via a; kpe he bo tsu ɔ nya bo ɔ;

Mose IV, 4:11

“Sika tsu bɔ sami la tɛ ɔ hu a ngɔ bo bluu kɛ ha he, nɛ a ngɔ apletsi he womi nɛ a je blɔ pee kɛ ha lɔ ɔ hu nɔ, loko a ngɔ tsohi nɛ a kɛ maa hɛɛ lɛ ɔ kɛ hɔɔ a blɔ hehi.