Mose II, 3:7 - BAIBLO ALOO NGMAMI KLƆUKLƆU Ɔ

⁷ Kɛkɛ nɛ Yawɛ de ke, “Amanehlu nɛ ye ma a ngɛ nae ngɛ Egipt ɔ, i na; nɛ ya nɛ a ngɛ foe kɛ ngɛ balɔ tsɛe ɔ hu i nu. Niinɛ, i le a nɔ́ nami ɔ tsuo.

Mose II, 3:7 ပူးပေါင်းရင်းမြစ်များ

Mose I, 16:11

Hyɛ, mi ngɛ o he; o ma fɔ binyumu, nɛ o maa wo lɛ biɛ ke Ishmael, ejakaa Yawɛ nu o we amanehlu kue fami ɔ.

Mose I, 18:21

Lɔ ɔ he ɔ, i yaa lejɛ ɔ nɛ ma ya hyɛ kaa níhi nɛ i nu ngɛ a he ɔ, e ngɛ mi ja, loo e be mi.”

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Mose I, 29:32

Lea ba na mi nɛ e fɔ binyumu. E wo lɛ biɛ ke Ruben, nɛ e de ke, “Yawɛ na ye we amanehlu ɔ; jehanɛ lɛɛ ye huno ɔ maa suɔ mi.”

Mose I, 31:12

E ya nɔ nɛ e de ke, ‘Hyɛ, to akpakpo ɔmɛ tsuo nɛ ngɛ yi ɔmɛ kuɔe ɔ, ekomɛ a he ngmaangmaa, ekomɛ a he ngɛ huatahuata, nɛ ekomɛ a he tsɔɔtsɔɔ mi. I ha nɛ nɔ́ nɛ ɔ ba mi ja, ejakaa i na níhi tsuo nɛ Laban ngɛ mo pee ɔ.

Mose I, 31:42

Ke pi nɛnɛ Abraham, kɛ tsaatsɛ Isak a Mawu ɔ nɛ e kɛ mi ngɛ ɔ, jinɛ o wo mi blɔ dɛ gu kɛ je momo. Se Mawu na ye nɔ́ nami ɔ, kɛ ní tsumi kpakpataa nɛ i tsu ɔ; enɛ ɔ he je nɛ e ka o hɛ mi hiɛ nyɔ mi ɔ nɛ.”

Samuel II, 22:28

Nihi nɛ baa a he si ɔ, o heɔ a yi wami. Ni nɛmɛ nɛ woɔ a he nɔ ɔ, o baa mɛ si.

Matsɛmɛ II, 13:4

Kɛkɛ nɛ Yehoahaz fa kue ha Yawɛ, nɛ Yawɛ bu lɛ tue; ejakaa e na haomi nɛ Siria matsɛ ɔ ngɛ Israel bi ɔmɛ haoe ɔ.

Matsɛmɛ II, 20:5

e kpale e se nɛ e ya de Hezekia, Yawɛ ma a ganɔ ɔ ke, “Imi Yawɛ, o nɛ̃ David Mawu ɔ, i nu o kue fami ɔ, nɛ i na o hɛ mi vo nyu ɔ. Hyɛ, ma tsa mo, nɛ hiɛmɛ nɛ ɔ ligbi etɛ ɔ, o maa nyɛɛ kɛ ya Yawɛ we ɔ.

Nehemia 9:9

“O na bɔ nɛ wa nɛmɛ ɔmɛ na amanehlu ngɛ Egipt, o nu a kue fami ɔ ngɛ Wo Tsu ɔ nya.

La 106:44

Se kɛ̃, benɛ e nu nɛ a ngɛ ngmlaa kpae ɔ a ní pee lɛ mɔbɔ.

La 12:6

Yawɛ siwo ɔmɛ ɔ, anɔkuale sɔuu. A ngɛ kaa sika hiɔ nɛ a tsu he si kpaago ngɛ flɔɔnɔɔ mi.

La 142:3

Benɛ ye nine mi miɔ nɛ e wo nyu ɔ, moo lɛɛ o le ye hiami ɔ mo. Ye he nyɛli ɔmɛ tsɔ mi klama ngɛ ye blɔ ɔ mi.

La 145:19

Nihi nɛ yee lɛ gbeye ɔ, e peeɔ a hiami ní kɛ haa mɛ. E buu a kue fami ɔmɛ hu tue, nɛ e heɔ a yi wami.

La 22:24

Ejakaa, e kua we nɔ́ nali; e hɛ ji a nɔ hulɔ. Ke a fa kue ha lɛ ɔ, e nuɔ; e laa we mɛ.

La 34:4

I fa kue ha Yawɛ, nɛ e bu mi tue; e ha nɛ i jɔɔ gbeye yemi.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

La 35:22

Yawɛ, tse o ngɛ hyɛe? Ko ma o nya! Nyɔmtsɛ, koo je ye he!

La 9:14

konɛ ma na bua jɔmi nɛ ma je o yi ngɛ Yerusalem bi ɔmɛ a hɛ mi; nɛ ma nya kɛ tsɔɔ kaa o he ye yi wami.

Mose II, 1:11

Lɔ ɔ he ɔ, Egipt bi ɔmɛ ngɔ nyɔguɛhi a nɔ yeli ngɔ to Israel bi ɔmɛ a nya, konɛ a wa mɛ yi mi kɛ ní tsumihi nɛ he wa. Israel bi ɔmɛ ma Pitom kɛ Rameses, nɛ ji mahi nɛ a toɔ ní ngɛ a mi kɛ ha Farao ɔ.

Mose II, 1:8

Jehanɛ ɔ, matsɛ he ko ba bɔni tsɛ yemi ngɛ Egipt, nɛ lɛɛ e li Yosef.

Mose II, 22:23

Ke nyɛ wa mɛ yi mi, nɛ a fo ya kɛ tsɛ mi ɔ, niinɛ, ma bu a ya fomi ɔ tue,

Mose II, 33:13

Lɔ ɔ he ɔ, i kpa mo pɛɛ, ke niinɛ nɛ o ngɛ ye he bua jɔmi ɔ, lɛɛ moo tsɔɔ mi o blɔ ɔ, konɛ ma le mo saminya, nɛ ma pee o suɔmi nya ní. Mo kai hu kaa kikɛmɛ a nimli nɛ ɔmɛ ɔ, mo nitsɛ o ma ji mɛ.”

Mose II, 5:10

Lɔ ɔ he ɔ, nyɔguɛhi a nɔ yeli ɔmɛ, kɛ ní tsuli ɔmɛ a nɔ hyɛli ɔmɛ ho nɛ a ya de ma a ke, “Farao ɔ ke e be nyɛ nga hae.

Mose II, 5:6

Jamɛ a ligbi ɔ nɔuu ɔ, Farao ɔ fa nyɔguɛhi a nɔ yeli ɔmɛ, kɛ Israel bi nɛ hyɛɛ ní tsumi ɔmɛ a nɔ ɔ ke,

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Mose IV, 20:16

bɔ nɛ wa kpa ngmlaa kɛ tsɛ Yawɛ, nɛ e nu wa gbi, nɛ e tsɔ bɔfo kɛ ba kpaka wɔ kɛ je Egipt. Amlɔ nɛ ɔ, wa ba su Kadesh, nɛ ji ma nɛ kɛ o zugba a wo huzu ɔ nɔ.

Ni Tsumi 7:34

Amanehlu nɛ ye ma a ngɛ nae ngɛ Egipt ɔ, i le; nɛ i nu a kɛmɛmi ɔ hulɔ. Lɔ ɔ he ɔ, i kpale se kɛ ma ma ba je mɛ. Hyɛ, ma tsɔ mo Egipt.’

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”