Mose II, 3:6 - BAIBLO ALOO NGMAMI KLƆUKLƆU Ɔ

⁶ E ya nɔ nɛ e de lɛ ke, “Imi ji o nɛmɛ Abraham, Isak, kɛ Yakob a Mawu ɔ nɛ!” Mose ngɔ nɔ́ kɛ ha e hɛ mi, ejakaa e ngɛ gbeye yee kaa e maa na Mawu.

Mose II, 3:6 ပူးပေါင်းရင်းမြစ်များ

Mose I, 12:1

Yawɛ de Abram ke, “Jee o zugba a nɔ, kɛ o ma a mi, kɛ o weku li a ngɔ kɛ ya zugba nɛ ma tsɔɔ mo ɔ nɔ.

Mose I, 12:7

Yawɛ je e he kpo kɛ tsɔɔ Abram nɛ e de lɛ ke, “Zugba a nɛ ma ngɔ kɛ ha o nina a ji nɛ ɔ nɛ.” Lɔ ɔ he ɔ, Abram ma bɔ sami la tɛ ngɛ lejɛ ɔ kɛ ha Yawɛ, nɔ nɛ ba je e he kpo kɛ tsɔɔ lɛ ɔ.

Mose I, 17:3

Abram kpla si nɛ e kɛ e hɛ mi bu si; nɛ Mawu de lɛ ke,

Mose I, 24:12

Tsɔlɔ ɔ fa kue ha Yawɛ ke, “Yawɛ, ye nyɔmtsɛ Abraham Mawu! I kpa mo pɛɛ, ha nɛ ma ye manye mwɔnɛ ɔ, nɛ o je o suɔmi kpo ha ye nyɔmtsɛ Abraham.

Mose I, 26:24

Jamɛ a nyɔ ɔ mi ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji o tsɛ Abraham Mawu ɔ nɛ. Koo ye gbeye, ejakaa i kɛ mo ngɛ. Ma gbaa mo, nɛ ye tsɔlɔ Abraham he je ɔ, ma ha mo nina babauu.”

Mose I, 28:13

Kɛkɛ nɛ Yawɛ ba da si ngɛ e kasa nya, nɛ e de ke, “Imi ji Yawɛ, o nɛ̃ Abraham kɛ o tsɛ Isak a Mawu ɔ. Zugba a nɛ o hwɔɔ si ngɛ nɔ nɛ ɔ, ma ngɔ kɛ ha mo kɛ o nina.

Mose I, 28:17

E tsui po, nɛ e de ke, “Hiɛmɛ nɛ ɔ ngɛ gbeye! Mawu we ji hiɛ ɔ nɛ, tsa pi he kpa ko; hiɔwe agbo ɔ ji nɛ ɔ nɛ.”

Mose I, 31:42

Ke pi nɛnɛ Abraham, kɛ tsaatsɛ Isak a Mawu ɔ nɛ e kɛ mi ngɛ ɔ, jinɛ o wo mi blɔ dɛ gu kɛ je momo. Se Mawu na ye nɔ́ nami ɔ, kɛ ní tsumi kpakpataa nɛ i tsu ɔ; enɛ ɔ he je nɛ e ka o hɛ mi hiɛ nyɔ mi ɔ nɛ.”

Mose I, 32:9

Kɛkɛ nɛ Yakob fa kue ha Mawu ke, “Mawu lee! Nɛnɛ Abraham Mawu, kɛ tsaatsɛ Isak Mawu! Yawɛ, mo lɛ o de mi ke ma kpale ye se kɛ ba ye zugba nɔ, ngɛ ye weku li a ngɔ, nɛ o maa pee mi saminya.

Matsɛmɛ I, 18:36

Gbɔkuɛ bɔ sami be ɔ, gbalɔ Eliya hɛ lɛ kɛ ba bɔ sami la tɛ ɔ he, nɛ e sɔle ke, “Yawɛ, Abraham, Isak, kɛ Yakob a Mawu lee, ha nɛ a le mwɔnɛ ɔ kaa mo ji Israel Mawu, nɛ o tsɔlɔ ji mi, nɛ i pee ní nɛ ɔmɛ tsuo ngɛ o fami nya.

Matsɛmɛ I, 19:13

Benɛ Eliya nu gbi nɛ ɔ, e kɛ e tade klɔii ɔ ha e hɛ mi, nɛ e je kpo ya da si ngɛ tɛ puɔ ɔ nya. Kɛkɛ nɛ gbi ko bi lɛ ke, “Eliya, mɛni o ngɛ pee ngɛ hiɛ ɔ?”

Nehemia 9:9

“O na bɔ nɛ wa nɛmɛ ɔmɛ na amanehlu ngɛ Egipt, o nu a kue fami ɔ ngɛ Wo Tsu ɔ nya.

Ester 3:4

Daa nɛ ɔ, a nyɛɛ e nɔ ke e ye mlaa nɛ matsɛ ɔ wo ɔ nɔ kɛkɛ, se nɔ́ nɛ e deɔ ji, “Yuda no ji mi, lɔ ɔ he ɔ, i be nyɛe ma kpla si ha Haman.” A ya sɛɛ nɔ́ nɛ Mordekai de ɔ ha Haman, nɛ a ngɛ hyɛe nɔ́ nɛ e maa pee Mordekai.

La 132:2

E ka mo Yawɛ kita, nɛ e wo mo Yakob Mawu Ope ɔ si ke,

Mose II, 15:2

Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

Mose II, 29:45

Ma hi Israel bi ɔmɛ a kpɛti, nɛ ma pee a Mawu.

Mose II, 3:16

Yaa nɛ o ya bua Israel ma nimeli ɔmɛ a nya, nɛ o de mɛ ke, Yawɛ, Mawu ɔ nɛ nyɛ nɛmɛ Abraham, Isak, kɛ Yakob ja lɛ ɔ je e he kpo tsɔɔ mi, nɛ e de mi ke, ‘I na nɔ́ nɛ a ngɛ nyɛ pee ngɛ Egipt ɔ,

Mose II, 33:20

E ya nɔ nɛ e de ke, “Se ye hɛ mi lɛɛ i be hae nɛ o na; ejakaa nɔmlɔ adesa ko be nyɛe nɛ e na ye hɛ mi nɛ e yi ma na wami.”

Mose II, 4:5

Yawɛ de ke, “Enɛ ɔ maa tsɔɔ Israel bi ɔmɛ kaa Mawu ɔ nɛ a nɛmɛ Abraham, Isak, kɛ Yakob ja lɛ ɔ je e he kpo tsɔɔ mo.”

Yeremia 24:7

Ma ha nɛ a maa nu he ngɛ a tsui mi tɔɔ kaa imi ji Yawɛ. A maa pee ye ma, nɛ imi hu ma pee a Mawu; ejakaa a maa kpale kɛ ba ye ngɔ ekohu kɛ a tsui tsuo.

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yeremia 32:38

Kɛkɛ ɔ, a maa pee ye ma, nɛ imi hu ma pee a Mawu.

Ezekiel 11:20

bɔ nɛ pee nɛ a ye ye mlaa amɛ, kɛ ye blɔ nya tomi ɔmɛ a nɔ pɛpɛɛpɛ. Kɛkɛ ɔ, a ma plɛ pee ye ma, nɛ imi hu ma pee a Mawu.

Zakaria 8:8

Ma ya kpale mɛ kɛ ba Yerusalem, nɛ a maa pee ye ma, nɛ imi hu ma pee a Mawu. Ma ye mɛ anɔkuale, nɛ ma pee nɔ́ nɛ da.”

Mateo 17:6

Benɛ kaseli ɔmɛ nu gbi ɔ, a ye gbeye wawɛɛ nitsɛ, nɛ a ngɔ a hɛ mi ngɔ bu si.

Mateo 22:32

‘Imi ji Abraham Mawu, kɛ Isak Mawu, kɛ Yakob Mawu.’ Mawu ɔ, hɛ kali a Mawu ji lɛ, pi ni gbogboehi a Mawu.”

Marko 12:26

Se kaa ni gbogboehi maa te si ekohu ɔ, anɛ nyɛ kane we mio tso ɔ he sane ɔ ngɛ Mose womi ɔ mi? Lejɛ ɔ nɛ a ngma ngɛ ke Mose ke, ‘Imi ji Abraham, Isak, kɛ Yakob a Mawu ɔ nɛ.’

Luka 20:37

Mose nitsɛ tsɔɔ kaa a ma tle ni gbogboehi si kɛ ba wami mi ekohu. Ngmami ɔ mi he nɛ a tu hue kpɔ ɔ nɛ ngɛ tsoe ɔ he munyu ngɛ ɔ, Mose wo Nyɔmtsɛ ɔ biɛ ta ngɛ lejɛ ɔ ke, ‘Abraham, Isak, kɛ Yakob a Mawu.’

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Ni Tsumi 7:32

‘Imi ji o nɛmɛ a Mawu ɔ, Abraham, Isak, kɛ Yakob a Mawu ɔ.’ Gbeye ha Mose he do blibliibli, nɛ e nyɛ we nɛ e hyɛ nɔ́ ɔ hu.

Ni Tsumi 7:34

Amanehlu nɛ ye ma a ngɛ nae ngɛ Egipt ɔ, i le; nɛ i nu a kɛmɛmi ɔ hulɔ. Lɔ ɔ he ɔ, i kpale se kɛ ma ma ba je mɛ. Hyɛ, ma tsɔ mo Egipt.’

Mose V, 6:3

Israel ma, nyɛɛ bu tue, nɛ nyɛɛ ye mlaa amɛ a nɔ. Lɔ ɔ loko níhi a mi maa hi ha nyɛ, nɛ nyɛ maa pee ma ngua, nɛ nyɛ maa hi zugba kpakpa nɛ baa ní ɔ nɔ, kaa bɔ nɛ Yawɛ, wa nɛmɛ a Mawu ɔ wo si ɔ.

Hebribi 11:16

Mohu ɔ, ma ko nɛ hi kulaa pe lɔ ɔ, nɛ ji ma nɛ ngɛ hiɔwe ji nɔ́ nɛ a ngɛ hlae. Lɔ ɔ he ɔ, e pee we Mawu zo kaa a ma tsɛ lɛ ke a Mawu; ejakaa e dla ma ko ngɔ to mɛ.

Hebribi 12:21

Niinɛ, nɔ́ nɛ a je kpo tsɔɔ mɛ ɔ he ngɛ gbeye tsɔ; nɛ Mose nitsɛ po de ke, “I ngɛ gbeye yee, nɛ ye he ngɛ doe blibliibli.”

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Manyadali 13:22

Manoa de e yo ɔ ke, “Pe wa gbo ɔ nɛ; ejakaa wa na Mawu.”