Mose II, 3:4 - BAIBLO ALOO NGMAMI KLƆUKLƆU Ɔ

⁴ Benɛ Yawɛ na kaa e gba kɛ ma hyɛmi ɔ, e tsɛ lɛ kɛ je mio tso ɔ mi ke, “Mose! Mose!” Nɛ Mose he nɔ ke, “Tsaatsɛ! Imi ji nɛ!”

Mose II, 3:4 ပူးပေါင်းရင်းမြစ်များ

Mose I, 22:1

Pee se ɔ, Mawu ka Abraham. Mawu tsɛ Abraham ke, “Abraham!” Nɛ Abraham he nɔ ke, “Ne mi!”

Mose I, 22:11

Se Yawɛ bɔfo ɔ tsɛ lɛ kɛ je hiɔwe ke, “Abraham! Abraham!” Abraham he nɔ ke, “Ne mi.”

Mose I, 28:16

Kɛkɛ nɛ Yakob hɛ tsɛ̃, nɛ e de ke, “Akuanyɛ! Mamoo Yawɛ ngɛ hiɛ ɔ, nɛ i li!”

Mose I, 46:2

Nyɔ mi ɔ, Mawu kɛ lɛ tu munyu ngɛ nina mi. Mawu tsɛ lɛ ke, “Yakob, Yakob!” Yakob he nɔ ke, “I ngɛ hiɛ ɔ.”

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

Mose II, 19:3

Mose kuɔ yo ɔ kɛ ho Mawu ngɔ ya. Kɛkɛ nɛ Yawɛ tsɛ Mose ngɛ yo ɔ mi, nɛ e de lɛ ke e ya nɛ e ya de Israel bi ɔmɛ, nɛ ji Yakob nina a ke,

Mose II, 3:2

Benɛ e ba lejɛ ɔ, Yawɛ bɔfo ko ba je e he kpo tsɔɔ lɛ kaa la lilɛ nɛ ngɛ tsoe ngɛ mio tso ko mi. Benɛ e ke e hyɛɛ ɔ, e na kaa mio tso ɔ ngɛ tsoe, se e sɛ̃.

Mose II, 33:12

Mose de Yawɛ ke, “Mo kai kaa o de mi ke ma kpaka ma a kɛ ho, se o tsɔɔ we mi nɔ nɛ o maa tsɔ kɛ piɛ ye he. Mo nɔuu nɛ o de ke o le mi saminya, nɛ o bua jɔ ye he.

Mose II, 4:5

Yawɛ de ke, “Enɛ ɔ maa tsɔɔ Israel bi ɔmɛ kaa Mawu ɔ nɛ a nɛmɛ Abraham, Isak, kɛ Yakob ja lɛ ɔ je e he kpo tsɔɔ mo.”

Mose III, 1:1

Yawɛ tsɛ Mose nɛ e kɛ lɛ tu munyu kɛ je kpe he bo tsu ɔ mi, nɛ e de lɛ ke,

Ni Tsumi 10:13

Gbi ko de lɛ ke, “Petro, tee si; gbee eko nɛ o ye!”

Ni Tsumi 10:3

Ligbi ko piani maa pee ngmlɛ etɛ ɔ, a je tsɔɔ lɛ ngɛ nina mi kaa Mawu bɔfo ba e ngɔ ba tsɛ lɛ ke, “Kornelio!”

Ni Tsumi 9:4

Saulo tsɔ fia si, nɛ e nu gbi ko nɛ ngɛ lɛ bie ke, “Saulo, Saulo, mɛni he je o ngɛ mi yi mi wae?”

Mose V, 33:16

A na ní kpakpahi ngɛ a zugba a nɔ. Yawɛ nɛ gbaa ní ɔmɛ a nɔ. Lɛ nɔ nɛ e tu munyu kɛ je mio tso nɛ ngɛ tsoe mi ɔ, é gbaa Yosef wɛtso ɔ kɛ ní nɛ ɔmɛ tsuo. Ejakaa lɛ ji e nyɛmimɛ ɔmɛ a hɛngmɛ.

Samuel I, 3:10

Kɛkɛ nɛ Yawɛ ba da si ngɛ lejɛ ɔ, nɛ e tsɛ lɛ kaa kekle ɔ ke, “Samuel! Samuel!” Nɛ Samuel he nɔ ke, “Moo tu munyu, o tsɔlɔ ngɛ mo tue bue.”

Samuel I, 3:4

Yawɛ tsɛ Samuel; nɛ

Samuel I, 3:6

Yawɛ tsɛ Samuel ekohu, nɛ Samuel te si kɛ ho Eli ngɔ ya nɛ e ya de lɛ ke, “I kpa mo pɛɛ, i ba; i nu nɛ o tsɛ mi.” Se Eli de lɛ ke, “I tsɛ we mo, ye bi; yaa nɛ o ya hwɔ si ekohu.”

Samuel I, 3:8

Yawɛ tsɛ Samuel ekohu si etɛne, nɛ Samuel te si kɛ ho Eli ngɔ ya nɛ e ya de lɛ ke, “I kpa mo pɛɛ, i ba; i nu nɛ o tsɛ mi.” Jehanɛ Eli yɔse kaa Yawɛ nɛ ngɛ jokuɛ nyumuyo ɔ tsɛe ɔ nɛ.