Mose II, 3:21 - BAIBLO ALOO NGMAMI KLƆUKLƆU Ɔ

²¹ “Ma ha nɛ Egipt bi ɔmɛ maa na ye ma nɛ ɔ mɔbɔ; nɛ ke e su be nɛ nyɛ maa je ɔ, nyɛ be jee kɛ nyɛ dɛ gu.

Mose II, 3:21 ပူးပေါင်းရင်းမြစ်များ

Mose II, 12:36

Yawɛ ha Egipt bi ɔmɛ ná Israel bi ɔmɛ a he bua jɔmi, nɛ a ha mɛ níhi nɛ a ya ba ngɛ a dɛ ɔ. Blɔ nɔ nɛ Israel bi ɔmɛ gu kɛ kpakpaa Egipt bi ɔmɛ a he níhi kɛ je ji nɛ ɔ nɛ.

La 105:37

Kɛkɛ nɛ e kpaka Israel bi ɔmɛ kɛ je; nɔ tsuaa nɔ hɛɛ sika hiɔ, kɛ sika tsu. Nɔ ko nɔ ko be a kpɛti nɛ ji hiɔtsɛ; mɛ tsuo pɛpɛɛpɛ a ngɛ kpakpataa.

Mose II, 11:3

Yawɛ dloomi nya a, Egipt bi ɔmɛ na Israel bi ɔmɛ a he bua jɔmi. Niinɛ, Farao ɔ tsɔli ɔmɛ, kɛ ma a tsuo buu Mose kaa nɔmlɔ ngua nitsɛnitsɛ ngɛ Egipt zugba a nɔ.

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.

Mose I, 39:21

Se Yawɛ kɛ Yosef ngɛ; nɛ e na lɛ mɔbɔ, nɛ e ha nɛ pamitsɛmɛ ɔmɛ a nɔ hyɛlɔ ɔ na e he bua jɔmi.

Ni Tsumi 7:10

nɛ e je lɛ kɛ je dengmehi tsuo a mi. Yosef hɛ mi ba nyami ngɛ Egipt matsɛ ɔ hɛ mi. Matsɛ ɔ na kaa e nɔ bɔ tsɔ, nɛ Mawu dloo lɛ nile nɛ mi kuɔ. Lɔ ɔ he ɔ, matsɛ ɔ tu Egipt zugba a, kɛ matsɛ we ɔ tsuo ngɔ wo Yosef dɛ mi.

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Mose II, 12:35

Israel bi ɔmɛ pee kaa bɔ nɛ Mose de mɛ ɔ; a ya ba june ní, sika hiɔ, sika tsu, kɛ bohi ngɛ Egipt bi ɔmɛ a dɛ.

Matsɛmɛ I, 8:50

Ngɔɔ a he yayami ɔmɛ tsuo, kɛ o hɛ mi atuã nɛ a tsɔ ɔ ngɔ pa mɛ, nɛ o ha ni nɛmɛ nɛ ba nuu mɛ nyɔguɛ ɔ nɛ a na mɛ mɔbɔ.

Mose I, 15:14

Se jamɛ a je ma a nɛ maa wa mɛ yi mi ɔ, ma gbla a tue. Nyagbe ɔ, a maa muɔ jamɛ a zugba a nɔ ní babauu kɛ je.

Mose II, 11:2

Jehanɛ ɔ, mo de nɛ Israel bi ɔmɛ nɛ a nu kaa nyumu tsuaa nyumu, kɛ yo tsuaa yo nɛ ya ba june ní, sika hiɔ, kɛ sika tsu ngɛ e nɔle nɔ Egipt no dɛ.”

Mose V, 15:13

Se ke o ngmɛɛ e he ɔ, ko ha nɛ e ya dɛ gu.